كريپطة د مورس
 مقالة ؤلا فقرة خاصها تّقاد. هاد لمقالة ؤلا هاد لفقرة مرونة شوية، خاصّها تّقاد ؤ تزيد تّنضّم. ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
كريپطة د مورس (نّݣليزية: Morse code) هي طريقة ف تيصال من لبعد ديال كريپطاج رموز النصوص على شكل تتابعات قياسية ديال جوج د لإشارات لمختالفة؛ كتسمى نقاطي و شرطات.[2][3] تسمات كريپطة مورس بسمية سامويل مورس، المخترع ديال التلݣراف.
لكريپطة د مورس الدولية كدير التشفير ديال الحروفا الستة والعشرين ديال لونݣلي من A حتال Z، شي حروفا خرين، الأرقام العربية ؤمجموعة صغيرة ديال علامات الترقيم والإشارات الإجرائية (prosigns)، ما كاينش الفرق ما بين الحروفا الكبار والحروفا الصغار.[1] أي رمز ف كريپطة مورس كيتصاوب بنقاطي وشراطي متابعين. النقطة هي الوحدة الأولية ديال قياس الوقت فمراسلات كريپطة مورس. المُدَّة ديال شرطة وحدة هو تلاتة الأضعاف المُدَّة ديال نقطة وحدة. كلٌ نقطة وشرطة فالرموز كتبعها فترة ديال انقطاع الإشارة كتسمى إصپاص، كتساوي المُدَّة ديالها المُدَّة ديال نقطة وحدة. الحروفا ديال نفس الكلمة كيكونو مفرقين بإصپاص كتساوي المُدَّة ديالها المُدَّة ديال تلاتة النقاطي، ؤالكلمات كيكونو مفرقين ما بيناتهم بإصپاص كتساوي المُدَّة ديالها المُدَّة ديال سبعة النقاطي.[1] باش تزاد الفاعلية ديال التشفير، تصممات كريپطة مورس باش تكون المدة ديال أي رمز هي تقريبا العكس ديال تردد التواتر ديالو فنصوص اللغة الإنجليزية. هاكا، الحرف الأكثر استعمالا فلونݣلي؛ الحرف "E"، عندو أقصر مدة: نقطة وحدة. حيت العناصر ديال كريپطة مورس محددين على حسب التناسب ؤماشي على حسب مدد زمنية محددة، لكريپطة عادة كتوصل بمعدل أعلى من داكشي اللي قادر عليه المستلم باش إحيد ليه التشفير. معدل الإرسال ديال كريپطة مورس (السرعة) كتحدد بمجوعات فكل دقيقة، عادة كيݣولو ليها شحال من كلمة فالدقيقة.[4]
كريپطة مورس عادة كتسيفط بطريقة شعل–طفي ديال شي وسيط حامل للمعلومة بحال التيار الكهربائي، موجات الراديو، الضوء المرئي، ولا موجات الصوت.[5][6] التيار ولا الموجة تيكونو حاضرين في فترة الوقت ديال النقطة والشرطة، ؤتيكونو غايبين فالوقت اللي تيكون مابين النقاطي والشراطي.[7][8]
كريپطة مورس إمكن ليها تميموريزا، ؤتيكون إرسال كريپطة مورس بطريقة كتكون مفهومة للإنسان، بحال موجات الصوت ولا الضوء المرئي، ؤيمكن أي واحد مدرب وعندو المهارة يترجمها مباشرة.[9][10]
حيت بزافت اللغات من غير لونݣلي كتستعمل حروفا خرين بلا هادوك الحروف الـ26 الرومانية، تم تطوير حروفا خرين ديال مورس ل هاد الغاية.[11]
فالطوارئ، يمكن ل كريپطة مورس تجينيرا ب طرقان مرتاجلة بحال تبقا تشعل وطفي فالضو، تبقا تضرب ف شي حاجة ولا دير الصوت ب لبوق ولا الصفارة، وهاكا كتولي وحدة من أبسط ؤأكتر طرقان التواصل على بعد تنويعاً. إشارة لمحاين لمنتاشرة كتر هي SOS - تلاتة النقاطي، تلاتة الشراطي، ؤتلاتة النقاطي - راها معروفة دوليا بالتوافق.
عيون لكلام
بدل- ^ a b c "International Morse code Recommendation ITU-R M.1677-1". itu.int. International Telecommunication Union. October 2009. مأرشيڤي من لأصل ف 6 نونبر 2012. تطّالع عليه ب تاريخ 23 دجنبر 2011.
- ^ F. S. Beechey, Electro-Telegraphy, London: E. & F. N. Spon, 1876, p. 71
- ^ F. J. Camm, Radio Engineer's Pocket Book, 2nd ed., Chemical Publishing Co., 1941, p. 72
- ^ Headquarters, Department of the Army, TM 11-459, International Morse Code (Instructions), Washington, D.C.: U.S.G.P.O., 1968 pp. 7-8
- ^ W.H. Preece, J. Sivewright, Telegraphy, London: Longmans, Green and Co., 1891, p. 40
- ^ U.S. Army, FM 24-5, Signal Communication, 1939, pp. 83, 101-108, 227
- ^ W. L. Everitt, Communication Engineering, 2nd ed. New York: McGraw-Hill, 1937, p. 6
- ^ Editors and Engineers, The "Radio" Handbook, Los Angeles: Editors and Engineers, 1942, p. 180
- ^ Headquarters, Department of the Army, TM 11-459, International Morse Code (Instructions), Washington, D.C.: U.S.G.P.O., 1968, pp. 6-7
- ^ U. S. Navy, Bureau of Naval Personnel, Radioman 3 & 2, Washington, D.C.: U.S.G.P.O., 1957, pp. 105-111
- ^ War Department, TM 11-459, Instructions for Learning International Morse Characters, 1943, pp. 52, 68-72
|
تقدر تزيد شوف بزاف د تّصاور و لمعلومات ديال Morse code ف ويكيميديا كومنز. |