كريپتون


لكريپتوننّݣليزية: Krypton من لْيونانية κρυπτός كريپتوس ب معنى "مْخفي") هو عنصر كيماوي أساسي ، رّمز ديالو هو Kr و نمرة درية ديالو 36[1] ف طّابلو دّوري، هاد لعنصر مستّف ف سّطر (دّورة) 4 و لعمود (لمجموعة) 18. هاد لعنصر داخل ف لݣروپ ديال لغازات النبيلة . ف ضروف لمعيارية د ضغط و لحرارة، هاد لعنصر كايكون ف لحالة د غاز ماعندوش لون ؤلا ريحة، ؤ ماكيتفاعل معا حتا شي حاجة خرة من غير عنصر لْفليور ف حالات ستتنائية باش كيعطيو تاني فلوريد لكريپتون KrF2. هاد لعنصر كتاشفوه جوج عولاما هوما سير ويليام رامزي ؤ موريس تراڤرس ف 30 ماي 1898.[2]

كريپتون
Krypton discharge tube.jpg
لجدوال الدوري
الرمز Kr
النمرة الدرية 36
قبل منّو عنصر كيماوي (بروم)
بعد منّو عنصر كيماوي (روبيديوم)
ليحداتيات فلجدوال عناصر الدورة الرابعة و غاز نبيل
ليكتيشاف
اللي كتاشفو سير ويليام رامزي
فين تكتاشف نڭليز
إيمتا تكتاشف 1898
تسمّى على concealment
لبيانات لمعبورة
لكتلة 83.798
شكل ليليكترونات 1s² 2s² 2p⁶ 3s² 3p⁶ 3d¹⁰ 4s² 4p⁶
لخاصيات ماعندوش لون، ماعندوش مداق و ماعندوش ريحة
لكهروسيلبية 3

تّاريخعدل

سير ويليام رامزي ؤ موريس ويليام تراڤرس، من بعد ما كتاشفو لارݣون، ب ليستيخراج ديالو من لهْوا، كانو متأكدين أن هاد لغاز ما هوّا غير واحد من مجموعة جديدة ديال لعناصر ف لجدول دّوري. فَ قررو أنهم يكملو عملية د تّسييل ؤ تّبخير، باش يلقاو شي عنصر عندو كتلة درية كبر. ف 30 ماي 1898 صدقات ليهم لْقضية ؤ قدرو يعزلو 25 سنتيميتر مكعب ديال لكريپتون. ملي دارو لفحص ب سپيكتروميتر، ؤ شافو طّيف دّري ديال هاد لغاز، عرفو أنه عنصر كيماوي جديد.[2]

لخاصياتعدل

لْخاصيات لْخارجيةعدل

لكريپتون كيكون علا شكل غاز ف درجة لحرارة لْعادية، ؤ ماعندوش لون ؤلا ريحة. كيولي سايل ف 153.415- درجة سيلسيوس، ؤ كيتجمد ف 157.37- درجة سيلسيوس.

لخاصيات لفيزيكيةعدل

لخاصيات لفيزيكية ديال لكريپتون-84، لّي هوّا أكتر نضير د لكريپتون متوفر ف طّبيعة هيّا كتّالي:

تطبيقات عمليةعدل

لكريپتون كيتستعمل ف لْبولات لفلورية لّي كتحفض طّاقة، ؤ ف لْبولات د لْفلاش ديال لْكاميرات ديال تّصوير سّريع. لْمُركّب لكيماوي لّي ناتج عليه، تاني فلوريد لْكريپتون، كليتستعمل ف لإنتاج ديال بعض نّواع ديال لّيزر.

لكريپتون لْمُشِع تستعمل ف لْحرب لْباردة من طرف دّول لْغربية باش يقدّرو لإنتاج ديال طّاقة نّووية ديال لْتّحاد سّوڤياتي. حيت هاد لغاز كيتنتج ف تّفاعلات لكيماوية كولها، حسبو لكمية لّي كاينة ف لْجو، نقصو منها لكمية لّي معروف راها جاية من لْمفاعلات لْغربية، ؤ داكشي لّي بقا ستنتجو منو شحال ديال طّاقة لّي نتجاتها دّول ديال لْتّحاد سّوڤياتي.

من 1960 حتال 1983 كانو لعولاما كيستعملو نّضير كريپتون-86 باش يبنيو تّعريف ديال طّول ف لفيزيك. ميترو واحد كان تّعريف ديالو هو ب تّحديد 1650763.73 طول موجي ف طيف دّري ديال هاد نّضير. ف 1983 غادي يولّي تّعريف ديال لميترو معتامد علا سّرعة ديال ضّو ف لْفراغ.

لكريپتون ماعندوش شي دور بيولوجي معروف، ؤ نّسبة ديالو ف لْجو ديال لْأرض قليلة بزاف كتقدّر ب واحد ف لْمليون. باش يتستخرج كيتم تّبريد ديال لْهوا حتا كيولي سايل، ؤ من بعد كتّم عملية ديال تّقطير.[2]

إيزوطوپاتعدل

لإيزوطوپات ؤلا نضاير ديال لكريپتون كاين منهم لكريپتون-78 لّي نص لحياة ديالو فايتة 1.5 ألف مليار مليار عام. ؤ كاينين إيزوطوپات خرين بحال لكريپتون 79، 80، 81، 82، 83، 84، 85، ؤ 86.[2][4][3][5]

لإيزوطوپات ديال لكريپتون
سمية د لإيزوطوپ لكتلة دّرية (ݣرام/مول) نّسبة ف طّبيعة (%) نص لحياة
كريپتون-78 77.920 0.355 1.5 ألف مليار مليار عام
كريپتون-79 78.920 0 35 ساعة
كريپتون-80 79.916 2.286
كريپتون-81 80.916 0 210000 عام
كريپتون-82 81.913 11.593
كريپتون-83 82.914 11.5
كريپتون-84 83.911 56.987
كريپتون-85 84.912 0 11 عام
كريپتون-86 85.911 17.279

عيون لكلامعدل

  1. لمعلومات لكاملة ديال لعناصر د طّابلو دّوري
  2. 2.0 2.1 2.2 2.3 "لْجمعية لْملكية ديال شّيمي Royal Society of Chemistry، طّابلو دّوري، كريپتون" (بنّݣليزية).CS1 maint: unrecognized language (link)
  3. 3.0 3.1 "لموسوعة لبريطانية".
  4. "لمكتبة لوطنية ديال طّب National Library of Medicine".
  5. "لجدول دّوري، كريپتون-79".
  تقدر تزيد شوف بزاف د صور و معلومات ديال Krypton ف ويكيميديا كومنز.