قصر أيت بن حدو
قصر أيت بن حدو
| ||
.jpg)
| ||
| معلومات عامة | ||
| نوع | قصر (بني صحراوي) و تراث | |
| لبلاد | لمغريب | |
| لموضع | آيت زينب | |
| تصنيف تراتي | موقع تراث عالمي و ترات تقافي ديال لمغريب | |
| معلومات إضافية | ||
| ait-ben-haddou.net:80 | ||
قصر آيت بن حدو ولا قصبة آيت بن حدو هو ݣصر و موقع أركيولوجي كاين ف جماعة آيت زينب، إقليم وارزازات ف لمغريب. هاد لݣصر هو من أهم لمعاليم التاريخية و التقافية د إقليم وارزازات و هو مصنّف ف لّيستا د تراث لعالمي د ليونيسكو من 1987.[1]
لݣصر د آيت بن حدو ميتال ديال لهندسة لمعمارية التقليدية ف لمجال لقبل صحراوي، ب حيت هو تجمّع ديال بنايات كاتّستغل ب شكل جماعي و دايرين بيها تحصينات دفاعية.
تاريخ
بدلواخّا لݣصر، ب شّكل ديالو لحالي غادي يكون ف لغالب تّبنا ف لقرن 17، لبلاصة لّي كاين فيها كانت من لقديم فيها نشاط بشري، بحيت كانت من أهم لحطّات ديال لݣافلات التّيجارية لّي كاتربط بين مرّاكش و بلاد السودان و لّي كانت كاتدوز على واد درعة و التيزي د تلويت.[1]
لموقع
بدللݣصر د آيت بن حدّو جا ف لوطيات لجنوبيين د جّبال د لأطلس لكبير.[1]
لهندسة لمعمارية
بدل
بحال أي ݣصر مغريبي د لمنطقة د درعة تافيلالت، آيت حدّو مكوّن من مجموعة د دّيور لمبنية ب الطّين و مزاحمة بيناتها و لّي لعلو ديالها غادي كايكبر من برّا ل لمركز ديال لݣصر، باش تعطيه شكل ديال كدية ولا جبل صغير. هاد لهندسة عندها دور دفاعي.
لݣصر محمي ب سوار عاليين فيهوم بروج ف رّكاني ديالهوم.
لݣصر فيه مرافق مشروكة بحال الجّامع، ساحة، رحبة ديال الزّرع، فندق و مخزن د زّرع (إݣودار) ف وسط الدّوار و لّي هو أعلى بناية ف لݣصر.
فيه جوج روضات، وحدة ل لمسلمين و تّانية د ليهود.
لݣصر د آيت بن حدو فيه ضريح ديال السيد سيدي علي أوعامر.[1]
لحضور التقافي
بدلݣصر آيت بن حدو تخدّم ف بزّاف د لمرّات ستوديو سينيمائي طبيعي ل عدد كبير من لأعمال السّينيمائية و التّلفزيونية لعالمية. لهتيمام د السينيمائيين ب لموقع[2][3] بدا من عوام 1940:[4]
أفلام
بدل- لورنس الدزيرة لعربية (Lawrence of Arabia) - إخراج ديڤيد لين ف 1962.[4]
- دجيمس بونض - الضواو لحيين د النهار (The Living Daylights) - إخراج دجون ݣلين ف 1987.[5]
- لموميا (The Mummy) - إخراج ستيفن سومرز ف 1999.[5]
- ݣلادياتور (Gladiator) - إخراج ريدلي سكوت ف 2000.[4]
- لمملكة د السما (Kingdom of Heaven) - إخراج ريدلي سكوت ف 2005.[6]
- لإسكندر (Alexandre)- إخراج أوليڤر ستون ف 2005.[5]
- لأمير د فارس: الرّمال د الزّمان (Prince of Persia: The Sands of Time) - إخراج مايك نيوويل (2010).[4]
مسلسلات و أفلام د تلفازا
بدل- لمسيح د الناصرة (Jesus of Nazareth) - مسلسل صغير خرجو فرانكو زيفيريلّي ف 1977.[5]
- اللعب د لعروش (Game of Thrones) - مسلسل نتجاتو HBO بين 2011 و 2019.[4]
عيون لكلام
بدل- ^ a b c d "Ksar d'Aït-Ben-Haddou - UNESCO". مأرشيڤي من لأصل ف 2023-10-03. تطّالع عليه ب تاريخ 2020-09-13.
- ^ "قصر آيت بن حدو استديو هوليوودي في صحراء المغرب". مأرشيڤي من لأصل ف 2021-06-24. تطّالع عليه ب تاريخ 2020-09-15.
- ^ "قصر آيت بنحدو في المغرب... حيث تجد السينما ديكورا تاريخيا". مأرشيڤي من لأصل ف 2022-10-26. تطّالع عليه ب تاريخ 2020-09-15.
- ^ a b c d e "المغرب: قصر "آيت بن حدو" كنز أثري ومعلم سياحي وموقع تصوير أشهر الأفلام". مأرشيڤي من لأصل ف 2022-09-30. تطّالع عليه ب تاريخ 2020-09-15.
- ^ a b c d "قصر آيت.. تحفة طينية مغربية صارت وجهة السينما العالمية". مأرشيڤي من لأصل ف 2023-02-04. تطّالع عليه ب تاريخ 2020-09-15.
- ^ "بالصور.. قصبة آيت بن حدو تفرد الطبيعة والمعمار يجذبان أنظار السينما العالمية". مأرشيڤي من لأصل ف 2022-12-02. تطّالع عليه ب تاريخ 2020-09-15.
شوف تا
بدل
|
تقدر تزيد شوف بزاف د تّصاور و لمعلومات ديال Aït Benhaddou ف ويكيميديا كومنز. |