لغتيصاب ؤلا لإغتصاب هوّا نوع ديال لإعتداء لجنسي لي كيتضمن عادةً السيكس ؤلا التدخال لجنسي (بحال التدخال د لقضيب ؤلا شي ستون بحالو ف وحدة من الفتحات الطبيعية لي كاينين عند بنادم)، بدون الرغبة ؤلا لموافقة ديال الشخص لمعني. لغتيصاب يقدر يتدار ب لعنف لجسدي، لإكراه، الستيغلال د السلطة، ؤلا ضد شخص لي مامأهّلش قانونياً باش يعطي لموافقة بحال دري(ة) صغير(ة) (يعني قل من السن لقانوني ديال لقبول ف لبلاد لمعنية)، شخص ماشي ف لوعي ديالو، مشلول، ؤلا عندو تخلف عقلي.[1][2] لحالات د لغتيصاب و النسبة ديالهوم كيختالفو من بلاد ل بلاد، على حساب التعريف لقانوني، و لقوانين و لعقوبات لمعمول بيها. بزاف د لبلدان ماكيعتارفوش متلا ب لغتيصاب ف إطار الجواج.

خريطة د لبلدان د لعالم (2018) على حساب شحال منتاشر لإغتصاب ف لمجتمع.
  لغتيصاب ماشي موشكيل كبير ف لمجتمع
  لغتيصاب موشكيل ف لمجتمع
  لغتيصاب موشكيل كبير شوية ف لمجتمع
  لغتيصاب موشكيل كبير بزاف ف لمجتمع
  لغتيصاب موشكيل مزمن ف لمجتمع
  لا معلومات

أغلبية د لحالات ديال لغتيصاب كيكونو ديال رجال ضد عيالات. كاينين تا حالات ديال غتيصاب د رجال من طاراف رجال، ديال عيالات من عيالات، و تا ديال رجال من عيالات. لغتيصاب د الرجال كيتّعتابر من أكتر أنواع د لجرائم ماكيتديكلاراوش، بسباب لوصمة لعار ف لمجتمع، لي مرتابطة ب لممارسة د السيكس على راجل، تا ف لمجتمعات لغربية. لغتيصاب ف لحبس تاهوّا منتاشر، وخا تا هوّا ماكيتديكلاراش بزاف، و يقدر لغتيصاب يتخدم كا وسيلة ديال التهديد ؤلا التعديب ف بعض لبلدان، سيرتو لي عندها نضام ديكتاتوري بحال ف إيران.[3]

لغتيصاب الجماعي و لعبودية لجنسية يقدرو يطراو ف لحروب، و كيتّعتابرو جريمة ضد لإنسانية. لغتيصاب ديال أشخاص من أقلية عرقية محددة بشكل سيستيماتيكي كيتّعتابر جزء من لإبادة لعرقية.

الضحية ديال لغتيصاب تقدر تّعرض ل صدمة نفسية، و تحتاج ل متابعة ديال مختص. تقدر الضحية تعرّض تا ل جروح جسدية، ب لإضافة ل الريسك ديال لحمل (بالنسبة ل لعيالات)، و د لأمراض لمتنقلة جسنياً.

عيون لكلام بدل

  1. ^ "Sexual violence chapter 6" (PDF). منضمة الصحة لعالمية. 2002. مأرشيڤي (PDF) من لأصل ف 2015-04-05. تطّالع عليه ب تاريخ 2023-02-25.
  2. ^ شولهوفر، ستيفن ج. (2017). "Reforming the Law of Rape". Minnesota Journal of Law & Inequality. 35: 335.
  3. ^ "Iran giving out condoms for criminals to rape us, say jailed activists". 24 يونيو 2011. مأرشيڤي من لأصل ف 2023-05-17. تطّالع عليه ب تاريخ 2023-02-25.
 
هادي زريعة ديال مقالة خاصها تّوسع. تقدر تشارك ف لكتبة ديالها.