عمل الشعب
عمل الشعب (بلفرانساوية: L’Action du Peuple) هو أول جورنال كان كاتصدرو لحركة لوطنية لمغربية ب لفرانساوية ف لمنطقة لخاضعة للحماية لفرانساوية. و كان كيشرف على إدارتها و كيحرر فتتاحيتها محمد بن الحسن الوزاني، ؤ تصدر عددها اللول ف فاس ف 4 غشت 1933، ربع شهور بعد أول حتفال بعيد لعرش، العيد لي روج ليه هاد الجورنال.[1]
عمل الشعب
| ||
| معلومات أساسية | ||
| نوع د الدورية | جورنال | |
| لموضع | فاس | |
| اللوغات د النشر | لفرانساوية | |
| لمؤسس | محمد بن الحسن الوزاني | |
| شاف إديتور | محمد بن الحسن الوزاني | |
| مولاها | لحركة لوطنية لمغريبية | |
| ||
تاريخ
بدلعْرض محمد بن الحسن لوزاني فكرة إصدار «عمل الشعب» على أعضاء قيادة التنظيم لوطني السري، لي كانت كتعرف ب «الزاوية»، و وقع عدم تفاق بسبب ختلاف خلفياتهم ثقافية، و مارحبش كلشي ب لفكرة، سيرتو لمنتمين ل شباب جامعة لقرويين لي كانو كيحظاو بتقدير الشخصيات الممولة ل لحركة لوطنية، و كان سبب الرفض ستعمال لفرانساوية، حيت كان من لمفترض مخاطبة لجماهير بلغتهم لعربية على ود تيسير عملية التوعية و تعبئة الشعب حول لقضية لوطنية. بينما كانت لأقلية كتبرر ستعمال لفرانساوية ل مخاطبة الستعمار بلغتو، خصوصا بلي السلطات لفرانساوية ف لمغريب كانت كتصدر سلسلة د الجورنالات ب لفرانساوية باش تدعم سياستها، فكان من الضروري مواجهتها بنفس اللغة دفاعا على مصالح لمغريب.[2] و كيرجع حماس هاد لأقلية لمثقفة ب اللغة لفرانساوية، ل دراستهم ف فرانسا، و لخبرة لي كتاسبوها بتحريرهم مقالات ف مجلة «Maghreb» لي كانت كتشكل منبر لحركة لوطنية ف پاري صادرة من يوليوز 1932، و لوزاني كان مؤهل ومتخصص ف الصحافة، حيت كان مساعد ل شكيب أرسلان ف إصدار جورنال «الأمة العربية» الصادرة ب لفرانساوية ف جونيڤ.
و ف الشهور اللولة على صدور جورنال «عمل الشعب» ضطر لوزاني يوقف إصدارها طبقا لقرار لمحكمة لفرانساوية، و عوضها بإصدار جورنال «إرادة الشعب» كبديل مؤقت، لي خرجات النمرة اللولة ديالها ف دجنبر 1933. و بعد ما حكمت محكمة لإستئناف ب لإفراج عن جورنال «عمل الشعب» رجعها الوزاني ل الصدور و وقف جورنال «إرادة الشعب» لي صدرات منها 14 نمرة. و من بين لكتّاب لي برزات مقالاتهم ف الجورنال، أحمد صفريوي و عمر بن عبد الجليل، لي كان كينشر مقالات كيفضح فيها نتهاكات لحماية لفرانساوية بحق لفلاحين.[3][4]
عيون لكلام
بدل- ^ "عندما تبنّت جريدة "عمل الشعب" فكرة الاحتفال بعيد العرش سنة 1933". هيسپريس (ب لعربية). 2021-07-30. مأرشيڤي من لأصل ف 2023-06-10. تطّالع عليه ب تاريخ 2023-06-10.
- ^ "Le Maroc à l'époque du protectorat français (1912-1956)". مأرشيڤي من لأصل ف 27 يونيو 2017.
- ^ "صدور أول صحيفة وطنية باسم عمل الشعب". مغرس. مأرشيڤي من لأصل ف 2023-06-10. تطّالع عليه ب تاريخ 2023-06-10.
- ^ hespress (2019-12-05). "عمل الشعب". ويكي المغرب: المغرب بالمغربية (ب لعربية). مأرشيڤي من لأصل ف 2023-06-10. تطّالع عليه ب تاريخ 2023-06-10.