عبد النبي الكاس
عبد النبي الكاس (بالشلحة: ⵄⴱⴷⵏⴱⵉ ⵍⴽⴰⵙ) (مريرت: 1963 - 18 مارس 2013) كان واحد المغني مغربي من لأطلس لمتوسط تيغني بالشلحة والدارجة وكيخدًم الآلة د لوتار.
عبد النبي الكاس
| ||
| معلومات عامة | ||
| زيادة | 1963 مريرت | |
| لموت | 18 مارس 2013 (49/50 عام) مريرت | |
| لجنسية | لمغريب | |
| لحرفة | مغني | |
| معلومات خرى | ||
| لألة | لوتار | |
حياتو بدل
تولد عبد النبي لكاس عام 1963 فمريرت فلأطلس لمتوسط. ملي دخل للإعدادي, تبلا بلوتار وحبس قرايتو ومشا لخنيفرة. تما تعلم مع لأستاذ اللول ديالو محمد ستيتو, وموراها تعرًف على محمد مغني, اللي بقا معاه بزاف وعلًمو لقواعد د لوتار.[1]
ف 1997, شارك عبد النبي لكاس فالسهرة اللي افتاتحو فيها دوزيم للعموم, ومن بعد سجل جوج كواسط وحدا بالداريجا (د الشعبي) ووحدا بالشلحة, وبجوج تعرفو بزاف. شارك الكاس تا فسمفونية فزاز, اللي كانت سمفونية جمعات كاع لفنانة د لأطلس لمتوسط, منهم محمد رويشة ومحمد مغني.
مات عبد النبي لكاس نهار 18 مارس 2013 فلعشية فمريرت, من بعد واحد لمرض صعيب اللي ماكان عندو دوا.[2]
عيون لكلام بدل
- ^ "شهادة الباحث أكنوز المكي في حق الفقيد الفنان الكاس عبد النبي". مأرشيڤي من لأصل ف 2019-10-24. تطّالع عليه ب تاريخ 2020-05-04.
- ^ "الموت يغيب الفنان الأمازيغي عبد النبي الكاس". مأرشيڤي من لأصل ف 2020-01-27. تطّالع عليه ب تاريخ 2020-05-04.
 هادي زريعة ديال مقالة علا موضوع عندو علاقة ب شخصيات د لمغريب خاصها تّوسع. تقدر تشارك ف لكتبة ديالها. |