طوماس براكن
طوماس براكن
| ||
| ||
| معلومات عامة | ||
| زيادة | 21 دجنبر 1843 Clones | |
| لموت | 16 فبراير 1898 (54 عام) دونيدين | |
| لجنسية | لمملكة لمتاحدة د بريطانيا لكبيرة و إيرلاندا | |
| لحرفة | صحافي، سياسي، كاتب، شاعير و كاتب سياسي | |
| لّوغات لي كيعرف | نڭليزية | |
  
| ||
طوماس براكن (دجنبر 1843[1]،إرلاندا - 16 فبراير 1898، دونيدين) هو شاعير وصحافي وسياسي نيوزيلاندي.[2] هو اللي كتب النشيد لوطني ديال نيوزيلاندا "الله يحفض نيوزيلاندا"، وهو اللي بتاكر لعيبارة ديال "أرض الله" وطبّقها على بلادو.[3] هاد الشاعر ربح لجايزة لكبيرة ديال لمجتمع لكاليدوني للشعر فأوطاݣو.[2]
حياتو
بدللواليدة ديالو مارݣاريت، ماتت ف1846 ولواليد ديالو طوماس مات ف1852. تصيفت لؤسطراليا باش يلحݣ على عمّو جون كيرنان فمدينة جيلونݣ، ڤيكطوريا وهو عندو فلعمر 12 عام.[2]
فاللول مشا طوماس براكن باش يتعلم تافارماسيانيت، ومن موراها مشا يخدم فلفوارم وكان ݣزاز ديال الربيع وكسّاب. من موراها مشا كايقلّب على الدهب وكان مقابل واحد لحانوتة. فديك لوقت بدا كايكتب قصص على لمغامرات والنشاطات ديال الدهايبية اللي كانو فديك لوقت، وعلى لكسّابة ولخدّامة. دار الشركة ديال Thomas Bracken and Co اللي كانت كاتفرّق الجرنان ديال Evening Herald حتى جا بلاصتها جرنان Globe ف1890.
مشا فلبدية ديال 1869 لمدينة دونيدين فبلاد نيوزيلاندا، وتمّا فين تّنشر كتاب فيه ݣاع لقصايد لمخيّرين ديال لبلاد. وواخا كان خدّام ݣزاز ديال الربيع، بقا طوماس كايكتب وألّف كتاب Flights among the Flax اللي تلاحض فلأوساط الشعرية وخدا عليه لجايزة لكبيرة ديال لمجتمع لكاليدوني للشعر.[4]
كان طوماس براكن سياسي وربح الرياسة ديال مدينة دونيدين من مورا مامات اللي قبل منّو، وبقا فيها حتّى تقاعد ف1887.[5] مات طوماس براكن فالليلة ديال 16 فبراير 1898.[2] تدفن فلمقبارة ديال دونيدين، وواحد لمنضر تمّا قريب تسمّى على سميتو.
عيون لكلام
بدل- ^ Phillips، Jock؛ Taonga، New Zealand Ministry for Culture and Heritage Te Manatu. "Thomas Bracken's grave". teara.govt.nz. مأرشيڤي من لأصل ف 2021-05-09. تطّالع عليه ب تاريخ 2021-05-09.
- ^ a b c d Broughton.، W. S. (30 أكتوبر 2012). "Bracken, Thomas". Dictionary of New Zealand Biography. Te Ara – the Encyclopedia of New Zealand. مأرشيڤي من لأصل ف 3 شتنبر 2014. تطّالع عليه ب تاريخ 31 غشت 2014.
- ^ Serle, Percival (1949). "Bracken, Thomas". Dictionary of Australian Biography. Sydney: Angus and Robertson. تخاد نهار 31 غشت 2014.
- ^ "The Irishman who wrote New Zealand's national anthem" (ب نڭليزية). RTÉ. 8 فبراير 2021. مأرشيڤي من لأصل ف 29 دجنبر 2022.
- ^ Scholefield، Guy (1950) [First ed. published 1913]. New Zealand Parliamentary Record, 1840–1949 (طبعة 3rd). Wellington: Govt. Printer. ص. 157.
|
تقدر تزيد شوف بزاف د تّصاور و لمعلومات ديال Thomas Bracken ف ويكيميديا كومنز. |