ضومين د النيڤو العلوي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
الضومين د النيڤو العلوي (بالنڭليزية: Top-Level Domain اللي كايتختاصر ل TLD). بحال مثلا .com ؤلا .net ؤ غيرهم. هو واحد من الضومينات اللي كاينين ف أعلى نيڤو د الترتيب الهيراركي فالسيسطيم د سميات الضومينات (بالنڭليزية: Domain Name System اللي كايتختاصر ب DNS) د لانطيرنيط مباشرة من مور الضومين د الجدر.[1] الضومينات د النيڤو العلوي كايتأنسطالاو ف القنت د الجدر root zone ديال بلاصة السمية namespace. أي البلاصة اللخرانية اللي ما خاوياش ديال سمية ضومين مكاليفي كامل Fully Qualified Domain Name. لا خدينا كا مثال الضومين www.example.com، الضومين د النيڤو العلوي غايكون هو .com. المسؤولية ديال التسيير ديال أغلب الضومينات د النيڤو العلوي معطية لشي منظمات بالضبط من طرف الـICANN اللي كاتديريجي الـIANA (اختصار د Internet Assigned Numbers Authority اللي كاتعني الهيئة ديال تفراق النماري د لانطيرنيط) ؤ اللي مكلفة حتى ب قنت الجدر د DNS.
التاريخ
بدلفالأصل، البلاصة ديال الضومين د النيڤو العلوي كانت مقسمة ل ثلاثة ديال الڭروپات: البلدان، الصناف (الكاطيڭوريات)، ؤ المنظمات المتعددة.[2] واحد الڭروپ موقّت أخر تزاد من بعد ؤ اللي مصاوب غا من الضومين اللولاني .arpa ؤ كان مديور غا على ود الطرانزيسيو ل سيسطيم د الضومينات تابت.
النواع
بدلمن عام 2015 للفوق، الـIANA بدات كاتقسّم ضومينات النيڤو العلوي لبزاف د النواع ديال الڭروپات:[3]
- الضومينات د النيڤو العلوي ديال البنية التحتية (ARPA): هاد الڭروپ تايتكون من ضومين واحد، القنت د الباراميطرات تاع العناون ؤ التنعات. كاتسيّرو IANA بالنيابة على الكليكة المكلفة بالهندسة د لانطيرنيط على ود شلا غراضات مدكورين فالمنشورات تاع الطلب د الكومونطيرات.
- الضومينات د النيڤو العلوي العامة (gTLD): الضومينات د النيڤو العلوي اللي فيها تلاتة ؤلا كثر تاع الحروف.
- الضومينات د النيڤو العلوي العامة المطورقة (grTLD): هاد الضومينات كايسيّروها غا الريجيسطرات اللي معتامداهم الICANN بشكل رسمي.
- الضومينات د النيڤو العلوي المرعية (sTLD): هاد الضومينات كاتقتارحهم ؤ ترعاهم وكالات ؤلا منظمات خاصة ؤ اللي كاتصاوب ؤ تفرض القوانين اللي كاتضبط شكون ممكن يخدّمهم TLD. التخدام كايتبازا على الطيماتيكات ؤ الكونصيبطات د الكومينوطي اللي عندها علاقة بيهم. هاد الضومينات كايسيّروهم الريجيسطرات اللي معتامداهم الICANN بشكل رسمي.
- الضومينات د النيڤو العلوي تاع كودات البلدان (ccTLD): هادو عبارة على الضومينات المكونين من الكود د جوج حروف تاع البلدان ؤ الطيريطوارات. مع بعض الاستثناءات التاريخية، الكود لكل قنت هو نيت الكود ISO 3166 تاع ديك البلاصة.
- الضومينات د النيڤو العلوي تاع كودات البلدان المدولة (IDN ccTLD): ccTLDs كايكون ب حروف ماشي لاتينية (بحال مثلا: العربية، الكريليك، اليونانية، العبرية، الشينوية).
- الضومينات د النيڤو العلوي تاع الطيسط (tTLD): هاد الضومينات كايكونو مأنسطاليين ف .test على ود الغاراض د الطيسط فالسطاج د الديڤلوپمو د الـ IDN. هاد الضومينات ما موجودينش فالقنت د الجدر.
البلدان كاينعّتو ليها فالسيسطيم د سميات الضومينات بالكود ديال جوج حروف تاع ISO؛ [4] واخّا هاكّاك كاينين شي استتناءات (بحال مثلا .uk). داكشي لاش هاد الڭروپ كايعيطو ليه ب الضومينات د النيڤو العلوي تاع كودات البلدان. من عام 2009 للفوق، الدول اللي عندها سيسطيمات د الكتابة ما مبنياش على الحرف اللاتيني ممكن ليها تطلب تدخل للڭروپ تاع الضومينات د النيڤو العلوي تاع كودات البلدان المدولة، ؤ اللي كاتأفيشا فالتخديمات تاع الخدايمي اللخراني بالحرف تاع لوغاتهم ولكن كاتكون مكتوبة بالPunycode ف DNS .
الضومينات د النيڤو العلوي العامة (شحال هادي الصناف Categories) كانت مكونة من .gov، .edu، .com، .mil، .org ؤ .net من بعد تزادو بزاف ديال TLDs بحال مثلا .info ؤ .web ؤ .xyz.
الليستة المعتمدة ديال TLDs اللي كاينين دابا ف قنت الجذر منشورة على السيتويب ديال الـ IANA ف https://www.iana.org/domains/root/db/.
عيون لكلام
بدل- ^ Postel، Jon (March 1994). "Domain Name System Structure and Delegation". Network Working Group. doi:10.17487/RFC1591. تطّالع عليه ب تاريخ 7 فبراير 2011.
This memo provides some information on the structure of the names in the Domain Name System (DNS), specifically the top-level domain names; and on the administration of domains.
- ^ Postel، J.؛ Reynolds، J. (October 1984). "Domain Requirements". Request for Comments. Network Working Group. doi:10.17487/RFC0920. تطّالع عليه ب تاريخ 7 فبراير 2011.
- ^ "IANA root zone database". IANA.org. Internet Assigned Numbers Authority. تطّالع عليه ب تاريخ 2015-11-10.
- ^ Codes for the Representation of Names of Countries, ISO-3166, International Organization for Standardization. (May 1981)