شاروخان، و سميتو كاتكتب ب لأوردو شاه روخ خان (خلاق ف 2 نونبر 1965 ف ديلهي - لهند)، ممتل و منتج د سّينيما هيندي. هو من أكبر و أشهر لممتلين ف تاريخ السينيما لهندية.

شاروخان
معلومات عامة
زيادة 2 نونبر 1965 (58 عام)
نيو ديلهي
لجنسية لهيند
لحرفة مقدم تلفزيوني، مومتيل، سيناريست، منتج أفلام، شطّاح و مشارك ف فوروم دولي
لفاميلة
لواليد Taj Mohammed Khan
لواليدة Lateef Fatima
شريك غوري خان (1991–)
لولاد Aryan Khan
سوهانا خان
Abram Khan
معلومات خرى
دين إسلام
لألة صوت
لجوايز
IMDB: nm0451321 Allocine: 73726 Rottentomatoes: celebrity/shahrukh_khan Allmovie: p220039 Metacritic: person/shah-rukh-khan
Facebook: IamSRK Twitter: iamsrk Instagram: irfanaminpatwary TED: shah_rukh_khan Musicbrainz: 8f9536d0-7be2-4c64-b6a4-ef73bb1c3876 Songkick: 51470 Discogs: 1273696 Modifica els identificadors a Wikidata


حياتو بدل

شاروخان مسلم و كبر ف عائيلة من الطبقة لمتوسطة ف لعاصمة د لهند. قرا لقتيصاد و التواصل ف الجامعة و فيها بدا كايلعب ف فراقي د لمسرح. بدا التمتيل ف مسلسلات د التلفزة و بان فيهوم، الشي اللي خلا منتجين ف بومباي (لعاصمة د السينما ف لهند) يعيطوليه باش يلعب أفلام ف السينيما.

أول فيلم لعب فيه كان ديڤانا ف 1992 اللي حقق نجاح كبير و خدا بيه جائزة أحسن ممتل طالع. ف ظرف عوام قليلة، قدر شاروخان يولي أكبر نجم ف بوليود و وصلات الشهرة ديالو ل بلدان آخرا ف لعالم و ب الدات ف الدول لعربية.

لأدوار اللولة ديالو كانت مختالفة على لأدوار اللي تعرف بيها من بعد: كان كايلعب بزاف أدوار ديال لبطل لخايب/الشرير بحال ف لفيلم د رام جاني. من بعد رسخ النمط ديال البطل لمحبوب عند لجمهور و قدر يبان ب شكل مختالف ف كل فيلم واخا لعدد لكتير د لأفلام اللي متل.

من أهم لأفلام ديالو ف تسعينات لقرن 20 كانت بازيݣار، دارّ و ب الدات ديلڤالي دولهانيا لي جايينݣي، اللي تّعرف عند لجمهور لمغريبي ب سميت "عودة العاشق المجنون" و اللي ولّا من الخالدات د السينيما الهندية و تّدارو بزّاف د التلميحات ليه ف لأفلام لّي جات من بعد د الشاروخان.

من بعد جات لمرحلة ديال الكوميديات الرومنسية لعالمية بحال موهابّاطين، كوتش كوتش هوطاهي و كابي كوشي كابي غام.[1]

عيون لكلام بدل

  1. ^ "Shah Rukh Khan - fantastikindia.fr". مأرشيڤي من لأصل ف 2023-04-01. تطّالع عليه ب تاريخ 2020-09-23.
  تقدر تزيد شوف بزاف د تّصاور و لمعلومات ديال Shahrukh Khan ف ويكيميديا كومنز.