سيدي فارس

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

سيدي فارس
لبلاصة
لبلاد	لمغريب
لإقليم	إقليم لحوز
معلومات خرا
توقيت ديال لمدينة	ڭرينيتش + 1

سيدي فارس (بلأمازيغية: ⵙⵉⴷⵉ ⴼⴰⵔⵙ) هوّا دوّار مغريبي تابع ل جماعة أسني، ف لإقليم د لحوز، جيهة مراكش آسفي. لإرتفاع ديال هاد الدوّار هو تقريبا 1800 ميطرو، و جاعلى بعد شي 70 كيلوميطر من مراكش. فيه ستة ديال الدواور، اللي هوما: أڭادير، تازلڭة، تامسولت، فتيزغت، تادمامت، و فتالة.

بلاكة ف الطريق د سيدي فارس.

سيدي فارس تسمّا على لوالي الصالح اللي كاين ف لمنطقة، ومعروف دابا بالزراعة د التفاح. فيه مخيّم ديال الدولة كيݣلسو فيه الدراري الصغار ف الصيف، و عاد كاين ديور سياحية للناس اللي عزيز عليهم الجبل والسياحة ف الطبيعة.

لأصل د السمية

تسمّات لمنطقة على سميت لوالي الصالح "سيدي فارس بن الحسن الوريكي" لمدفون ف السفح د جبل غيغاية. هاد لوالي هضر عليه التوارخي محمد الصغير لإفراني ف كتابو لمعروف "نزهة الحادي بأخبار ملوك القرن الحادي"، اللي هو أهم كتاب كيهضر علة التاريخ د السعديين.

لوالي الصالح سيدي فارس هضر عليه تا التوارخي لإمام التعارجي ف لكتاب ديالو على لأعلام ديال مراكش و أغمات.

السكان

السكان ديال سيدي فارس تيهضرو الشلحة ديال لأطلس لكبير. كيقولو باللي لأغلبية د الناس د لمنطقة شحال هادي كانو يهود شلوح، ولكن ما كاين تا دليل على هاد لهضرة، من غير واحد لحجرة اللي كاينا تما و كاتسمّا "آزرو ن لملاح" (لحجرة د لمّلاح)، حيت أصلا لملاّح كيكون ديال ليهود.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.