ويكيپيديا

سنوريات الشكل

سنوريات الشكل
معلومات عامة
سمية لعيلمية Feliformia
(ميكلوش كريتسوي، 1945)
لخاصية د ترتاب تنيضيمة
تابع ل كارنيڤورات
لعيشة
عايش فلفترة 40 مليون عام قبل لميلاد


سنوريات الشكل (سمية علمية: Feliformia) هي تنضيمة تحتانية ف التنضيمة كارنيڤورات لي كاتشمل نواع من لكارنيڤورات لي كايديو ل "لقط"، بحال لقطوط (الصغار و لكبار)، الضبوعا، النموسا، الزبابد، و الطاكسات لمرتابطين. سنوريات الشكل واقفة مقابلة معا التنضيمة التحتانية من لكارنيڤورات، كلبيات الشكل، لي كاتجمع النواع د لكارنيڤورات لي كايشبهو ل "لكلب".[1]

تفراق لكارنيڤورات ل ݣروپات عراض من سنوريات الشكل و كلبيات الشكل مقبول ب شكل عريض، بحال التعريف ديال هاد جوج ݣروپات ب صيفتهوم تنضيمات تحتانيين (شي مرات فاميلات فوقانيين). ترتاب النواع د سنوريات الشكل ب صيفتهوم طرف من التنيضيمة د سنوريات الشكل ولا تحت شي تستاف آخر مازال كايتطوور.

الترتابات السيسطيماتيكيين كايتعاملو غير معا الطاكسات لباقيين، منهم ݣاع سنورات الشكل ف التنيضيمة د سنوريات الشكل، وخا كاينين شي تنواعات ف التعريف و التستاف د لفاميلات و لݣنوس.[2][3] و بصح، لفيلوجينيات لموليكية كايلمحو بلي سنوريات الشكل لباقيين وحدانيين لعرش.[4]

الترتابات السيسطيماتيكيين لي كايتعاملو معا الطاكسات لباقيين و لمنقارضين كايتنوعو ب شكل عريض.[5][6] شي وحدين كايفرقو سنوريات الشكل (لباقيين و لمنقارضين) ب صيفتهوم إيلورويديات - Aeluroidea (فاميلة فوقانية) و سنوريات الشكل (تنضيمة تحتانية).[6] و وحدين خرين كايجمعو ݣاع سنوريات الشكل (لباقيين و لمنقارضين و "الجدود لمحتاملين") ف التنضيمة التحتانية سنوريات الشكل.[5] شي ديراسات كايلمحو بلي لخشيان د "جدود محتاملين" ف هاد التنضيمة التحتانية (ولا حتى كارنيڤورات) يقدر يكون ما منّوش.[7] لفاميلات لمنقارضين كيف ما كايبانو ف الليستة د الطاكسات، فيهوم مشاكيل قل ف قضية لعالاقة بين سنوريات الشكل لباقيين (النمراڤيدات هوما أكتر طاكسا فيها لمشاكيل ف لكلاصاج).

لخصايل

بدل
 
جمجومة سنوريات الشكل كاتوري بواقة سمعية مدوبلة لبيوت

ݣاع سنوريات الشكل لباقيين كايتشاركو ف واحد لخصلة مشروكة لي هي لبواقة السمعية ديالهوم (كبسولات عضميين ضايرين ب لودن لوسطانية و الدخلانية).[8] كايلعب هاد التشخيص دور ساروت ف لكلاصاج د النواع ب صيفتهوم سنوريات الشكل و كلبيات الشكل. ف اللولين، لبواقة السمعية مدوبلة لبيوت، مكوّنة من جوج عضام مربوطين ف واحد لباريير - Septum. كلبيات الشكل عندهوم بواقة سمعية وحدانية لبيت ولا مقسمة ب شكل جوزئي، مكوّنة من عضم واحد. وخا هاكداك، هاد لخصلة فيها مشاكيل ب النسبة ل لكلاصاج د النمراڤيدات لمنقارضين كا سنوريات الشكل. لفوصيلات د النمراڨيد كايوريو بواقة معضمة بلا باريير، ولا حتى طراص ب لمرّة ف لبواقة كاملة. تفتارض بلي عندهوم واحد لغلاف د لكارتيلاج ف لميكانيزم د لودن.[9]

لخصايل لمضبوطين د لبواقة السمعية د سنوريات الشكل لباقيين كايلمحو ل واحد الجد مشروك، وخا حتى شي جد ما تئيضونتيفيا ف التشجالات لفوصيلية. كاينين خصايل خرين لي كايفرّزو كلبيات الشكل على سنوريات الشكل و ف لغالب هاد لخصايل كانو موجودين ف الطاكسا الجدر ديالهوم. و لاكين، ب سباب النتيواع - Speciation، هادشي ماكايتطبقش ب شكل ميقون منو على ݣاع النواع لباقيين.

سنوريات الشكل كايميلو باش يكونو عندهوم روسطرومات (قنانف) قصر على كلبيات الشكل ب سنان قل، و سنان لحايميين زايدين ف لختيصاص. سنوريات الشكل كايميلو باش يكونو لحايميين كتر و صيادا د لمكيدة ب شكل عام. كلبيات الشكل مايلين ل جيهة الريجيم لقارت و لمبني على النتيهازية. وخا هاكداك، سنوريات الشكل لقارتين حتى هوما موجودين، ب الضبط ف فاميلة الزباديات.

بزاف د سنوريات الشكل عندهوم مخالب كايتطواو ولا كايتطواو غير ل النص، و بزاف منهوم شجريين ولا نص شجريين. سنوريات الشكل عاوتاني كايميلو باش يكونو صبعيين لمشية (كايتمشاو على صباعهوم). جل سنوريات الشكل أرضيين و عندهوم مخالب ماكايتطواوش.

لفاميلات لباقيين

بدل
 
فوصّا (كريپطوپروكطا فيروكس)
 
پوما (پوما كونكولور)
 
ضبع منقط (كروكوطا كروكوطا)
 
سرقاط (سوريكاطا سوريكاطا)
 
بينتورونݣ (آركتيكتيس بينتورونݣ)

سبعة د لفاميلات لي باقيين، ب 12 لفاميلة تحتانية، 56 ݣنس، و 114 نوع ف التنضيمة التحتانية سنوريات الشكل. عندهوم مادى طبيعي ف ݣاع لقارات من غير أوصطراليا و آنطاركتيكا. غالبية النواع صيادا د لمكيدة شجريين ولا نص شجريين. لفرايس لمستهدفين كايتنوعو على حساب لقد د النوع و لموارد د لماكلة لموجودين (النواع لكبار ف لقد كاياكلو ف الساس لبزوليات الصغار و النواع الصغار كاياكلو لبخوش ولا اللاسلسوليات).

فاميلة فلنوكيات - Eupleridae (ل"كارنيڤورات لملغاشيين") منهوم لفوصّا، لفلنوك، الزباد لملغاشي و النموسا لملغاشيين، كاملين محصورين ف ݣزيرة مدغشقر. النواع التمنيا ف هاد لفاميلة كايوريو تنواعات شداد ف الشكل. هاد التنواعات ودّاو ل شي تسْمْيات شايعين ديال شي نواع خرين ل شي نواع ف هاد لفاميلة، و فايتين تبلاصاو ف فاميلات مبدلين على ديالهوم، كيف ما كايبان ف شي سميات د النواع لي كاينين ف إفريقيا لقارة (الزباد و النمس). غير هو، التحاليل لفيلوجينيين على لا دي إن كاتعطي دليل مجهد بلي ݣاع لكارنيڤورات لملغاشيين تطوورو من جد مشروك واحد لي كان من جدود النمسيات - Herpestid.[10][11] التحاليل لفيلوجينيين كايدعمو هاد الشوفة و كايبلاصيو ݣاع لكارنيڤورات لملغاشيين ف هاد لفاميلة.[12]

تنواعات الشكل كاتخلي النواع لي ف هاد لفاميلة صعاب ف التلخاص ب شكل مختاصر. لمفاوتة ديالهوم ف لقد كاتتنوع بحالها بحال لمفاوتة ديالهوم ف الشكل، معا النواع الصغر كايوزنو قل من 500 ݣرام و النواع لكبر حتى ل 12 كيلوݣرام. شي وحدين عندهوم مخالب كايتطواو ولا كايتطواو ل النص (فوصا و الزباد لملغاشي) و شي وحدين خرين ماعندهومش هاد لخصلة (فلنوك و النموسا لملغاشيين). كاملين بيهوم كايميلو باش يكون عندهوم كسدات رقاق و قنانف مقمقمين (من غير لفوصا، لي عندو قنوفة حافية). الريجيم كايتنوع ف لقد و الشكل د النوع، و بحال ݣرانهوم ف لقارة الرئيسية (إفريقيا)، كايتفاوت من لبزوليات الصغار، لبخوش، و اللاسلسوليات كيف ما لقشريات و الرخويات.

فاميلة سنوريات - Felidae (لقطوط) هوما أكتر سنوري الشكل منتاشر ف لكارنيڤورات. كاين 41 نوع باقي، و تقريبا كاملين عندهوم مخالب كايتطواو إلا شي وحدين قلال. لفاميلة موزعة ف ݣاع لقارات من غير أوصطراليا (فين لمشاش لمربيين تدخلو ليها) و آنطاركتيكا. النواع كايتنوعو ف لقد، من لقط لݣليول كحل الرجل (felis negripes) ب غير جوج كيلو، ل لببر (panthera tigris) ب 300 كيلو. الريجيمات كايتفاوتو من لبزوليات الصغار حتى ل كبار، الطيور و لبخاخش (على حساب لقد د النوع).

فاميلة ضبعيات - Hyaenidae (الضبوعا و ديب لرض) فيها ربعة د النواع لباقيين و جوج نواع تحتانيين. كاملين كايوريو خصايل من التطوور التقاروبي معا لكلبيات، بحال لمخالب لي ماكايتطواوش، قنانف طوال، و آضاپطسيوات ف الجرا ل مسافات طوال. هوما باقيين كاينين غير ف الشرق لأوسط، لهند، و إفريقيا. الضبوعا حيوانات كبار و مجهدين، يقدرو يوصلو حتى ل 80 كيلو و كايمتلو وحدين من أكتر لكارنيڤورات الناجحين ف لكوكب. ديب لرض صغر بزاف من الضبوعا لخرين ب ريجيم متخصص، كاياكل ب شكل ساسي الطيرميطات لحصايديا (النمل لبيض).

فاميلة نمسيات - Herpestidae (النموسا، لكوسيمانسات، و السراقط) فيها 23 نوع، ف لفايت، كانو مبلاصيين ف فاميلة الزباديات. غير هو، ويلسن و رييدر (1993) لقاو بلي النمسيات مفرزين مورفولوجياً و جينياً على الزباديات. هوما باقيين ف إفريقيا، الشرق الاوسط و آسيا. كاملين بيهوم عندهوم مخالب ماكايتطواوش. هوما صغار ف لقد كا فاميلة، مفاوتين من 1 كيلو ل 5 كيلو، و ف لعادة عندهوم كسدات طوال و رقاق و رجلين قصار. الريجيم ديالهوم كايتنوع على حساب لقد د النوع و موارد لماكلة لموجودين، من لبزوليات الصغار و الطيور ل الزواحف، لبخوش و لعقريشات. شي نواع منهوم قارتين، مدخلين لفروي و الدرنات ف ريجيمهوم.

فاميلة زباديات النخل لإيفريقيين - Nandiniidae (زباد النخل لإيفريقي) فيها نوع فرّادي (Nandinia binotata)، كاين على طول إفريقيا جنوب الصحرا. عندهوم مخالب كايتطواو و كسدتهوم رقيقة، و هوما قارتين شجريين (لفاكهة كاتكوّن لغالبية د ريجيمهوم). هوما صغار ف لقد، الدكورا لبالغين منهوم كايوزنو حتى ل 5 كيلوݣرام.

فاميلة لينسانݣيات - prionodontidae (اللينسانݣات لآسيويين) فيها جوج نواع وسط ݣنس واحد. كايعيشو ف جنوب شرق آسيا. كاملين بيهوم كارنيڤورات شجريين لحايميين ب زايد. هوما أقرب قريب حي ل فاميلة السنوريات.[13]

فاميلة زباديات - Viverridae (ݣاع زبادات (من غير جوج نواع)، لبينتورونݣات، لأويانات و الزرادي) فيها 30 نوع حي. كاملين عندهوم كسدات طوال، و رجلين قصار ب مخالب كايتطواو، و قزازب طوال ف لعادة. ف التقل، هاد النوع كايتفاوت من 0.5 ل 14 لكيلوݣرام. شي وحدين منهوم كاينين ف جنوب أوروپا، و لايني لغالبية فيهم موجودين ف إفريقيا و آسيا. الريجيم ديالهوم كايتفاوت من لفاكهة و النبات ل لبخوش، لقشريات و الرخويات، و لبزوليات الصغار.

التطوور

بدل
 
لخط الزماني التطووري ديال سنوريات الشكل

ف ليپوك د لپاليوسين لوسطاني (60 مليون عام هادي)، بانو لمياكويدات. هاد لمياكويدات كانو ݣروپ د واحد الطاكسات مشابهات لعروش - Paraphyletic تشافو بلي هوما بيدائيين ل ب لموقارنة معا كارنيڤورات. كانو عندهوم سنان لحايميين كيف لكارنيڤورات و لايني كان ناقصهوم بواقة سمعية معضمة كلها. لمياسيدات كانو كارنيڤورات شجريين صغار، و على حساب لقد ديالهوم (على بونت قد النمس)، ف لغالب كانو كاياكلو لبخوش، لبزوليات الصغار و الطيور.

لمياكويدات مقسمين ل جوج ݣروپات: لمياسيدات، ب تستيفة مكمولة د الضراس، و جدود الزباديات (ماعندهومش علاقة مع الزباديات لي ف التنضيمة كارنيڤورات)، ب تستيفة منقوصة د الضراس و سنان لحايميين مختصين كتر. هاد التبدالات د السنان كايشبهو ل التبدالات بين كلبيات الشكل (ب سنان كتر) و سنوريات الشكل (ب سنان قل) و لاكين هادشي يقدر مايعنيش بلي هوما نسولا تطوريين. كان كايتشاف بلي جدود الزباديات بيدائيين ف التنيضيمة سنوريات الشكل. غير هو، شي ديراسات كايعطيو بلي هادشي ماشي بصح.[7]

ف ليپوك د لإيوصين لوسطاني (جوايه 42 مليون عام هادي)، لمياسيدات بداو يتعرشو ل جوج ݣروپات مفرزين ف التنضيمة كارنيڤورات. الجدود لفايتين د سنوريات الشكل لباقيين، لمياسيدات، كانو صيادا د لمكيدة كايعيشو ف لغابة، شجريين ولا نص شجريين، أما الجدود لفايتين د كلبيات الشكل كانو صيادا حركيين و نتيهازيين كتر.

ف لوقيتة لي واضح بلي سنوريات الشكل لبديانيين بانو ف هاد الزمان، مازال مابانش شي جد مشروك د فاميلات سنوريات الشكل ف التشجالات لفوصيلية. ب صيفتهوم كانو كايعيشو ف لغابة، سنوريات الشكل لبديانيين كانو محسوسين كتر ل التحلول لمزروب (rapid decomposition) ب سباب لغياب د لمواد الرسوبية، هادشي ودى ل طرعات كبار ف التشجالات لفوصيلية.

لكلاصاج

بدل
  • تنضيمة تحتانية: سنوريات الشكل (كارنيڤورات "شبيهة لقط")
    • فاميلة: نمراڤيدات (قطوط السميلوضون لمزورين) (منقارضة)
    • فاميلة: پالايوݣاليدات (منقارضة)[14]
    • تنضيمة صغيورانية: إلورويديات
      • فاميلة: زباديات النخل لإيفريقية
      • ݣنس: آلاݣتساڤباطار (منقارض)[15]
      • ݣنس: آنيكتيس (منقارض)
      • ݣنس: آسياڤوراطور (منقارض)
      • ݣنس: شاندݣوليكتيس (منقارض)[15]
      • فاميلة فوقانية: شباه السنوريات - Feloidea
        • فاميلة: سنوريات (لقطوط)
        • فاميلة: لينسانݣيات (لينسانݣيات لآسيوية)
        • فاميلة: باربوروفيليدات (منقارضة)
        • ݣنس: هاپلوݣالي (منقارض)[16]
        • ݣنس: پالايوپريونوضون (منقارض)[17]
        • ݣنس: سطينوݣالي (منقارض)[16]
        • ݣنس: سطينوپليسيكتيس (منقارض)
        • ݣنس: ڤيريتيكتيس (منقارض)[18]
      • تنضيمة قزمة: شباه الزباديات
        • فاميلة: زباديات (الزباد و النواع لقراب)[19]
        • فاميلة فوقانية: شباه النمسيات
          • فاميلة: فلنوكيات (لكارنيڤورات لملغاشية)
          • فاميلة: نمسيات (النمس و النواع لقراب)
          • ضبعيات: (الضبع و ديب لرض)
          • فاميلة: لوفوصيونيدات (منقارضة)
          • فاميلة: پيركروكوتيدات (منقارضة)

فاميلة السطينوپليسيكتيدات هي فاميلة معددة لعروش ديال واحد سنوريات الشكل منقارضين لي كانو كايديو ل الزباد.

الشجرة لفيلوجينية

بدل

لعالاقة لفيلوجينية بينات سنوريات الشكل كاتبان ف لكلاضوݣرام الجاي.[16][20][21][22]

عيون لكلام

بدل
  1. ^ Basic Biology (2015). "Carnivora".
  2. ^ Taxonomic references - extant species (1): Supporting descriptive information and pictures: Diversity Web (online) – Feliformia
  3. ^ Taxonomic references - extant species (2): Integrated Taxonomic Information System (ITIS)
  4. ^ Eizirik, E., W.J. Murphy, K.P. Koepfli, W.E. Johnson, J.W. Dragoo, R.K.Wayne, en S.J. O’Brien, 2010. Pattern and timing of the diversification of the mammalian order Carnivora inferred from multiple nuclear gene sequences. Molecular Phylogenetics and Evolution 56: 49-63. doi:10.1016/j.ympev.2010.01.033
  5. ^ a b Fossil record data (with taxonomic references) extant and extinct species: The Paleaobiology Database Archived 2012-05-08 at the Wayback Machine
  6. ^ a b Supporting taxonomic references extant and extinct species: Systema Naturae 2000 / Classification - Suborder Feliformia Archived 2007-09-26 at the Wayback Machine
  7. ^ a b Wesley‐Hunt, Gina D.; Flynn, John J. (2005). "Phylogeny of the carnivora: Basal relationships among the carnivoramorphans, and assessment of the position of 'miacoidea' relative to carnivora". Journal of Systematic Palaeontology. 3 (1): 1–28. doi:10.1017/S1477201904001518. ISSN 1477-2019. S2CID 86755875.
  8. ^ R. F. Ewer (1973). The Carnivores. Cornell University Press. ISBN 0-8014-8493-6.
  9. ^ Turner, Alan (1997). The Big Cats and their Fossil Relatives: an illustrated guide. New York: Columbia University Press. p. 234. ISBN 0-231-10228-3.
  10. ^ Anne D. Yoder and John J. Flynn 2003: Origin of Malagasy Carnivora
  11. ^ Yoder, A., M. Burns, S. Zehr, T. Delefosse, G. Veron, S. Goodman, J. Flynn. 2003: Single origin of Malagasy Carnivora from an African ancestor – Letters to Nature
  12. ^ Philippe Gaubert, W. Chris Wozencraft, Pedro Cordeiro-Estrela and Géraldine Veron. 2005 - Mosaics of Convergences and Noise in Morphological Phylogenies: What's in a Viverrid-Like Carnivoran?
  13. ^ Gaubert, P., & Veron, G. (2003). "Exhaustive sample set among Viverridae reveals the sister-group of felids: the linsangs as a case of extreme morphological convergence within Feliformia". Proceedings of the Royal Society, Series B, 270 270 (1532): 2523–30. doi:10.1098/rspb.2003.2521
  14. ^ Wang, Jian; Zhang, Zhaoqun (2015). "Phylogenetic analysis on Palaeogale (Palaeogalidae, Carnivora) based on specimens from Oligocene strata of Saint-Jacques, Nei Mongol". Vertebrata PalAsiatica. 53 (4): 310–334.
  15. ^ a b Egi, N.; Tsubamoto, T.; et al. (2016). "Taxonomic revisions on nimravids and small feliforms (Mammalia, Carnivora) from the Upper Eocene of Mongolia". Historical Biology. 28 (1–2): 105–119. doi:10.1080/08912963.2015.1012508. S2CID 86239933.
  16. ^ a b c Werdelin, L.; Yamaguchi, N.; Johnson, W. E.; O'Brien, S. J. (2010). "Phylogeny and evolution of cats (Felidae)". In Macdonald, D. W.; Loveridge, A. J. (eds.). Biology and Conservation of Wild Felids. Oxford, UK: Oxford University Press. pp. 59–82. ISBN 978-0-19-923445-5.
  17. ^ Hunt, R.M. (April 2001). "Basicranial anatomy of the living linsangs Prionodon and Poiana (Mammalia, Carnivora, Viverridae), with comments on the early evolution of aeluroid carnivorans". American Museum Novitates (3330): 1–24. doi:10.1206/0003-0082(2001)330<0001:BAOTLL>2.0.CO;2. S2CID 83979855.
  18. ^ Costeur, L.; Maridet, O.; et al. (December 2011). "Palaeoecology and palaeoenvironment of the Aquitanian locality Ulm-Westtangente (MN2, Lower Freshwater Molasse, Germany)". Swiss Journal of Palaeontology. 131: 183–199. doi:10.1007/s13358-011-0034-3. S2CID 86544459.
  19. ^ Wozencraft, W. C. (2005). "Order Carnivora". In Wilson, D. E.; Reeder, D. M. (eds.). Mammal Species of the World: A Taxonomic and Geographic Reference (3rd ed.). Johns Hopkins University Press. pp. 548–559. ISBN 978-0-8018-8221-0. OCLC 62265494.
  20. ^ Morales, Jorge; Mayda, Serdar; Valenciano, Alberto; DeMiguel, Daniel; Kaya, Tanju (2019). "A new lophocyonid, Izmirictis cani gen. et sp. nov. (Carnivora: Mammalia), from the lower Miocene of Turkey". Journal of Systematic Palaeontology. Online Edition. 17 (16): 1347–1358. doi:10.1080/14772019.2018.1529000. hdl:10261/223616. S2CID 91268744.
  21. ^ Wilson, D.E.; Mittermeier, R.A., eds. (2009). Handbook of the Mammals of the World, Volume 1: Carnivora. Barcelona: Lynx Ediciones. pp. 50–658. ISBN 978-84-96553-49-1.
  22. ^ Barycka, E. (2007). "Evolution and systematics of the feliform Carnivora". Mammalian Biology. 72 (5): 257–282. doi:10.1016/j.mambio.2006.10.011.
مرجّعة من "https://ary.wikipedia.org/w/index.php?title=سنوريات_الشكل&oldid=377586"