أبراهام سرفاتي
أبراهام سرفاتي
| ||
| ||
| معلومات عامة | ||
| زيادة | 16 يناير 1926 الدار البيضا | |
| لموت | 18 نونبر 2010 (84 عام) مراكش | |
| لجنسية | لمغريب | |
| لحرفة | سياسي و موهنديس | |
| لّوغات لي كيعرف | لفرانساوية | |
| لفاميلة | ||
| شريك | كريستين دوغ | |
| معلومات خرى | ||
| دين | يهودية | |
| لجوايز | ||
أبراهام سرفاتي، تولد فـ16 يناير 1926 فدارلبيضا ؤمات فـ18 نونبر 2010 فمراكش، كان مناضل سياسي مغريبي.
حياتو
بدلتولد أبراهام فـ 1926 فوسط عائيلة يهودية مغريبية أصلها من طانجا، ؤبدا لمسيرة ديالو فسياسة ف فبراير 1944 ملي دخل لشبيبة شيوعيين لمغاربة، ؤموراها فـ1945 فحيزب شيوعي لفرانصاوي.[1]
خدا ديپلوم من لمدرسة لوطنية لعليا د لمناجم فباريز فـ1949، وفنفس لعام دخل حيزب شيوعي لمغريبي. بسباب لأنشطة ديالو، فـ1952 نفاتو لحوكومة د لحماية لفرانصا هو وختو إڤلين حتال 1956، حيت بنسبة ليها هو ماشي مغريبي والاكين برازيلي. بات أبراهام عاش فلبرازيل 17 لعام قبل ما يرجع للمغريب فـ1923.[1]
مور ستيقلال، خدم سرفاتي كمكلف بمهمة فوزارة لقتيصاد (1957-1960) ؤ مدير ديال لبحت وتطوير ف لمكتب لوطني د لفوسفاط بين 1960 ؤ1968، والاكين جراو عليه من هاد لخدما حيت تضامن معا لعمال د لمناجم ف لإضراب ديالهم بين 1968 ؤ1972.[1]
فـ1970، سرفاتي خرج من لحيزب شيوعي ؤعاون باش تحل لمنضمة لماركسية لينينية إلى لأمام. فيناير 1972 تشد لمرة لولا ؤتعدب، قبل مايطلقوه مورما ناضو موضاهارات طلابية. فداك لوقت لي كان سرفاتي محضي بسباب نشاط ديالو، تخبا فمارس 1972 هو ؤواحد من صحابو، عبدلطيف زروال، عند واحد لؤستادة د لفرانصاوية كريستين دوغ لي عاوناتهوم بجوج.
من بعد شهورا ديال تخبية، أبراهام سرفاتي ؤعبدلطيف زروال تشدو عاوتاني فـ1974 فدرب مولاي شريف، زروال موراها غبروه ؤماعاودش بان. فأكتوبر 1977، تحكم عليه هو ؤخمسا خرين ب لمؤبد بتهمة تهديد أمن دولة، والاكين غالبا سباب لحقيقي هو لموقف ديالو من لقضية ديال صحرا؛ بقا مشدود ف لحبس د لقنيطرة تقريبان 17 لعام حتا عفا عليه لماليك فـ13 شتنبر 1991.
نيشان مورما خرج من لحبس، سلطات صيفطاتو لفرانصا حيت بنسبة ليها هو ماشي مواطن مغريبي والاكين برازيلي، عاش تما هو ؤمراتو كريستين دوغ لي تزوج بها ف لحبس فـ1986، حتال شتنبر 1999 ملي رجع للمغريب ؤردو ليه لپاسپور ديالو.
مات أبراهام سرفاتي نهار 18 نونبر 2010 فواحد لكلينيك فمراكش، ؤتدفن ف لمقبرة ليهودية ديال دار لبيضا.[2]
كتوبا ديالو
بدل- (2001) L'Insoumis, Juifs, Marocains et rebelles
- (1998) Le Maroc du noir au gris
- (1993) La Mémoire de l'autre
- (1992) Dans les Prisons du Roi - Écrits de Kénitra sur le Maroc
- (1992) Écrits de prison sur la Palestine
- (1977) Lutte anti-sioniste et Révolution Arabe (Essai sur le judaïsme marocain et le sionisme)
عيون لكلام
بدل- ^ a b c Thomas Kerlin Park؛ Aomar Boum (2006). Historical Dictionary of Morocco (ب نڭليزية). Scarecrow Press. ص. 318-319. ردمك 0810853418.
- ^ "Mort d'Abraham Serfaty, l'un des plus célèbres opposants marocains à Hassan II". Le Point (ب لفرانساوية). 2010-11-18. مأرشيڤي من لأصل ف 2021-05-02. تطّالع عليه ب تاريخ 2020-06-01.