رشيد إدريسي
رشيد إدريسي
| ||
| معلومات عامة | ||
| زيادة | 1939 وطات لحاج | |
| لموت | 18 أكتوبر 1971 (31/32 عام) سلا | |
| لجنسية | لمغريب | |
| لحرفة | Nuclear chemist و موهنديس | |
مولاي رشيد الإدريسي (1939 - 18 أكتوبر 1971) كان شيميست ؤ موهنديس نووي مغريبي. خدا لإدريسي سمعة كبيرة مورما خدم على تخراج د ليورانيوم من لفوسفاط، فين كتاشف كمية كبيرة من ليورانيوم ف لفوسفاط لمغربي. مور وقت قصير من هاد لكتيشاف، مات ف كسيدة حدا رّباط، و مازال ضروف موراها ماواضحاش.
حياتو ؤ قرايتو
بدل
مولاي رشيد إدريسي لوطاطي تولد ف عام 1939 ف مدينة أوطاط الحاج حدا تازة.[1][2] قرا فيها لبتيدائي كامل، و موراها مشا ل لكوليج د أزرو.[1][3] مورما خدا لباكالوريا من لكوليج، رحل ل رباط و كمل قرايتو ف شيمي.[1][2]
ملي كان شاب، خدم لإدريسي ف مشاريع تنموية ف مدينتو لأصلية أوطاط الحاج، ب تعاون معا ليونيسكو باش تبنا دار شباب.[1] ؤ عاون باش تحل جمعية تعاونية زراعية ؤ ليسي ف لڤيلاج.[2]
خدا لإدريسي دوكتورا ف لعولوم ف شيمي نّووية عام 1970 من كلية لعولوم ف جاميعة باريز مورما دار بحت على لفلورة لكهربية د تاني أوكسيد ليورانيوم ف مفاعل زوي ف فونطناي ؤ روز.[1][4][5] خدا حتا ديپلوم ف لهنداسة لكيميائية من لمعهد لوطني د لعولوم ؤ تيكنولوجيا نّووية ف ساكلاي.[1]
لكاريير لعيلمية
بدلف ڭاع حياتو لمهنية رفض لعروض لي عطاوه مختبرات برانية ؤ جهات خرين.[1][2] مورما رجع ل لمغريب، هتم لإدريسي ب السياسة بحيت ولا نقابي ؤ عتامد نضرية د لعالم التالت.[1][2][6] ولا موراها ؤستاد ف لمدراسة لمحمدية د لهنداسة ؤ رحل ل أسفي فين دار أبحات ف عدد ديال لمختبرات ف لخر د ستينات.[1][3]
ركز لمجال د لبحت د لإدريسي على تخراج د ليورانيوم من لفوسفاط، لي كان أكبر صادرات د لمغريب.[1] ف لأبحات ديالو، رسم خريطة ديال حوض ڭنتور ؤ توزيع ديال ليورانيوم فيه.[7] ف 1968، كتاشف كمية كبيرة من ليورانيوم ف لفوسفاط لمغريبي، و علن عليها ل صّحافة لمحلية.[1][6] ؤ قدّر لإدريسي بلي يمكن تخراج د تقريبان 72 ألف طن من ليورانيوم كل عام كا منتج تانوي هابط التكلفة من لفوسفاط لمغريبي.[1][2][6] شجع لإعلام لكتيشاف ديالو، ؤ عطا موراها لمعطيات د نتايج لي لقا ل لوكالة دولية د طاقة درية.[1][2][6]
لوفاة ؤ لأتر ديالو
بدلمات رشيد الإدريسي ف 18 أكتوبر 1971 ف مدينة سلا ف كسيدة ملي كان قاطع قنطرة بورڭراڭ و هو جاي من رّباط و ف طريقو ل مدينتو أوطاط الحاج.[1][2][3] لموت ديالو بشكل مفاجئ جبد شكوك بلي راه غتيال سياسي.[1][2] وقال لموهنديس محمد أيت قدور، صاحب لإدريسي ف لخدمة، ف كلمة قالها ف ڭنازتو، بلي طاح ضحية "تورط ديالو ف تطوير مشروع دفاعي ف لعالم العربي ب سباب أنه عندو لعيلم ولمعرفة ولقدرة".[6] لام لباحت لحاج محمد حرموش، لي حتا هو أصلو من أوطاط لحاج، لموت د لإدريسي ل "جهات برانية".[1] و قال جورنال تيحاد شتيراكي بلي لإدريسي كانو حاضيينو مخابرات برانية، و يقدر يكون لموساد، ولاكين هادشي ما تأكدش.[6]
ف ماي 2023، تدارت جايزة رشيد لإدريسي لوطاطي د نّقد من طرف جمعية عبور تقافية د نّشر، لي توجات أعمال ف نّقد لأدبي ف لمغريب ؤ تفكرات لإدريسي.[8][9]
عيون لكلام
بدل- ^ a b c d e f g h i j k l m n o p El Alaoui El Bahi، M'hammed (2014). الدكتور عبد الهادي التازي في تاريخ تازة [Dr. Abdelhadi Tazi in the history of Taza]. Rabat.
- ^ a b c d e f g h i Doukalli، S. (2023-09-27). "رشيد الإدريسي.. المغربي الذي استخرج اليورانيوم من الفوسفاط" [Rachid Idrissi...the Moroccan who extracted uranium from phosphate]. Morocco Times (ب لعربية). تطّالع عليه ب تاريخ 2023-11-05.
- ^ a b c Benhlal، Mohamed (2005-03-01). Le collège d'Azrou. La formation d'une élite berbère civile et militaire au Maroc (ب لفرانساوية). Paris: KARTHALA Editions. ص. 371. ردمك 978-2-8111-3914-8.
- ^ Idrissi، Dr. Rachid (1970-12-08). Contribution à l'étude de l'interface reactionelle en cinétique hétérogéne, fluoration de monocristaux de UO2 (PDF) (PhD thesis). Faculté des sciences de l'université de Paris.
- ^ Idrissi، Rachid؛ Tivadar، Kikindai؛ Bernard، Auguin؛ Daniel، Vigner (1970). "New intermediate phases revealed by the in situ fluorination of uranium oxide UO2 in a fast electron diffractometer". Comptes rendus de l'Académie des Sciences. 270 (9): 765–768.
- ^ a b c d e f Dokha، Mohamed (2002-07-30). "المهندس رشيد الإدريسي أول كيميائي مغربي يستخرج اليورانيوم من الفسفاط" [Engineer Rachid Idrissi is the first Moroccan chemist to extract uranium from phosphate]. Al Ittihad Al Ichtiraki (6928).
- ^ Jeanmaire، Jean-Paul (1993-01-01). "Répartition de l'uranium dans les niveaux phosphatés Maastrichtien supérieur - Eocène inférieur de la partie occidentale du bassin des Ganntour (Maroc occidental). Derniers résultats" (PDF). Mines, Géologie & Énergie. Rabat (53): 2.
- ^ "جائزة "المهندس الوطاطي" تتوّج كتب النقد" [The “Engineer El Ouatati” award crowns the books of criticism]. هيسپريس (ب لعربية). 2023-07-05. تطّالع عليه ب تاريخ 2023-11-05.
- ^ "تتويج عدد من كُتاب الأدب المغربي - قوس تيفي" [Crowning a number of Moroccan literary writers] (ب لعربية). 2023-07-07. تطّالع عليه ب تاريخ 2023-11-05.