ربيع (فصل)
رّبيع هوّا واحد من لفصول ديال لعام رّبعة. شّتوة كاتجي قبل من رّبيع، ؤ مورا رّبيع كيجي صّيف. رّبيع كيبدا ف 20 ؤلا 21 مارس ف نّص شّمالي د لأرض (22 ؤلا 23 شتنبر ف نّص لجانوبي د لأرض)، ؤ هوّا أكتر فترة ف لعام ف لعتيدال ديال لحرارة، ؤ طّول د نّهار ف هد لفترة تقريبان كيكون كيساوي طّول د لّيل، يعني 12 ساعة ؤ كيبقا نّهار كيطوال ؤ لّيل كيقصار كل يوم حتا كيوصل صّيف ف 20 ؤلا 21 يونيو ف نّص شّمالي د لأرض (22 ؤلا 23 دجنبر ف نّص لجانوبي د لأرض). ف لمناطق لقطبية، كيكون رّبيع قصير بزاف. فاش كيكون رّبيع ف نّص شّمالي ؤلا لجانوبي د لأرض، كيكون لخريف ف نّص لاخور.[1]
رّبيع ف بزاف د تّقافات مرتابط ب لخصوبة ؤ شّباب ؤ لولادة من جديد، ب سباب لرتيباط ديالو ب إنتاج لماكلة. لعشوب كينبتو ؤ كيخضارو ف هاد لفصل بشكل واضح، ؤ لحيوانات كيخرجو من لمبيتة شّتوية ديالهوم، ؤ طّيور كيهاجرو ل لبلايص دّافية لي بدا فيها رّبيع.[1]
راس لعام ف تّقويمات لقديمة كان عادتن كيبدا ف هاد لفصل، ؤ بعض تّقويمات، بحال تّقويم لفارسي كيبداو نيت ف شهر مارس، ؤ لحتيفال ديال راس لعام فيهوم كيتّعتابر من أهم لحتيفالات د لعام (بحال نوروز ف إيران ؤ بلدان حداها).[2] بشكل عام، شلا تقافات خرين عندهوم حتيفالات تقليدية ف هاد لفترة، بحال عيد لفصح عند لمسيحيين.[3]
عيون لكلام
بدل- ^ a b "موسوعة بريطانيكا، رّبيع" (ب نڭليزية). مأرشيڤي من لأصل ف 2023-09-22. تطّالع عليه ب تاريخ 2021-11-30.
- ^ "What is Nowruz? The Persian New Year explained". مأرشيڤي من لأصل ف 2023-07-05. تطّالع عليه ب تاريخ 2021-11-30.
- ^ "لايڤصاينص، رّبيع" (ب نڭليزية). مأرشيڤي من لأصل ف 2023-10-13. تطّالع عليه ب تاريخ 2021-11-30.
|
تقدر تزيد شوف بزاف د تّصاور و لمعلومات ديال Summer ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |