راي

الرّاي هو نوع د لموسيقا بدا ف لغرب د لجزاير، و نتاشر بزاف تا ف الشرق د لمغريب. لأصل ديالو كان هو لموسيقا د الشيوخ د لعروبية د الدزاير اللي كانو كيغنيو لقصايد ب لڭصبة و لڭلاّل. خداو مغنيين جداد هاد لأغاني ف اللخر د السبعينات واللول د التمانينات، زادو عليهم آلات جداد بحال لپيانو، و سمّاو راسهم الشباب، و هاكادا بداو لموسييقا د الراي. من الشباب اللي معروفين ف التاريخ د الراي كاين خالد و مامي و حسني.

ألبومات ديال الراي من الدزاير ف التمانينات د لقرن 20

لأصل ديالو

كاين بزاف د لهضرة على لأصل ديال الراي و منين جدا، و لكن لأغلبية د لعيون كاتقول باللي بدات هاد لموسيقا ف مدينة سيدي بلعباس ف الدزاير، و موراها مشات ل وهران، فين كبرات و بدات تاتعرف ف لعالم كامل. لأصل د لكلمة هو الراي د لواحد، زعما شنو بانليه، حيت هاداك اللي كيغنّي كيهضر على شنو باين ليه ف لموضوع اللي كيغني عليه.

عيون لكلام

هادي زريعة ديال مقالة خاصها تّوسع. تقدر تشارك ف لكتبة ديالها.