حميد المهداوي
حميد المهدوي
| ||
.jpg)
| ||
| معلومات عامة | ||
| السمية لكاملة | HAMID ELMAHDAOUY | |
| زيادة | 1 يناير 1979 (45 عام) خنيشات | |
| لجنسية | لمغريب | |
| لحرفة | صحافي | |
| لّوغات لي كيعرف | عربية | |
| سّيت رّسمي | https://www.hamidelmahdaouy.com | |
 
| ||
حميد المهداوي (تولد ف 1 يناير 1979 ف لخنيشات) هو صحافي مغريبي معروف ب لڤيديويات لي تيدير ف ليوتوب، وبلهضرة ديالو اللي تاتكون نيشان فلمواضيع اللي تيهضر عليها. المهداوي كان عندو سيت ديالو سميتو "بديل"، اللي تسد ف 2017.[1]
المهداوي تعرف بواحد الستيل متميز من بين الصحفيين د الجورنالات الالكترونية سوا من الڤيديوهات الأسبوعية اللي عبارة عن فتتاحيات، ولّا الحوارات اللي كان كايدير مع فاعلين سياسيين و حقوقيين من دارو.
حميد المهداوي كان من الصحافيين لقلال اللي غطاو حراك الريف بحيادية، وكان تيمشي بزاف للحسيمة باش يتبع لخبار. نهار 20 يوليوز 2017، قبل من واحد لمظاهرة د حراك الريف، قبطوه لبوليس، و تًحكم عليه ب 3 شهور د لحبس بتهمة "تحراش الناس باش يديرو مظاهرة، والغوات فمكان عمومي". هاد لحكم ديال تلت شهور بدلاتو لمحكمة مبعد لعام. من بعد، و بيدمان المهداوي فلحبس، تاهماتو محكمة خرة فالدر لبيضا بتهمة خرة هي بلي "ماعلمش الدولة بجريمة تاتمس لأمن"، هاد الجريمة هي واحد عيطلو من هولاندا (اللي أصلا قال باللي ماعيطلوش)[2] و قالّو باللي باغي يدخل السلاح و الدبابات من روسيا للمغريب. مورا هاد التهمة تحكم عليه ب 3 سنين د لحبس.[3]
من مورا ما تعتاقل المهداوي ومشا للحبس، دافعو عليه بزاف د لمنظمات و لهيئات، و طالبو باش يتطلق السراح ديالو، بحال منظمة مراسلون بلا حدود، هيومان رايتس ووتش و آمنيستي إنطرناشيونل.[4]
ف صباح د 20 يوليوز 2020، خرج لمهداوي من لحبس د تيفلت 2 مورما دوز تلت سنين و هو مشدود.[5]
عيون لكلام
بدل- ^ "موقع بديل يعلن توقفه بعد ثلاثة أشهر من إعتقال الصحفي المهداوي". hakaik24.com (ب لعربية). 22 أكتوبر 2017. مأرشيڤي من لأصل ف 2020-07-20. تطّالع عليه ب تاريخ 2020-09-07.
- ^ "الريفي إبراهيم البوعزاتي المتهم بتوريط الصحفي حميد المهداوي في "إعلان الحرب على المغرب" في تصريح جديد". nadorcity.com (ب لعربية). مأرشيڤي من لأصل ف 2020-07-20. تطّالع عليه ب تاريخ 2020-03-18.
- ^ "الحكم على صحافي مغربي بالسجن ثلاث سنوات". alhurra.com (ب لعربية). 29 يونيو 2018. مأرشيڤي من لأصل ف 2023-10-11. تطّالع عليه ب تاريخ 2020-09-07.
- ^ سارة الطالبي (18 يوليوز 2018). "هيومن رايس: الحكم على المهداوي رسالة تخويف للصحافيين مفادها "قد نستخدم أي عذر لمحاكمتكم"". alyaoum24.com (ب لعربية). مأرشيڤي من لأصل ف 2020-07-20. تطّالع عليه ب تاريخ 2020-03-18.
- ^ "Libération du journaliste Hamid El Mahdaoui après trois ans de prison". لوديسك (ب لفرانساوية). 20 يوليوز 2020. مأرشيڤي من لأصل ف 2021-09-18. تطّالع عليه ب تاريخ 2020-09-07.
|
تقدر تزيد شوف بزاف د تّصاور و لمعلومات ديال Hamid El Mahdaoui ف ويكيميديا كومنز. |