حمد بوكوس
حمد بوكوس (ب لأمازيغية: Ḥmad Bukus، تيفيناغ: ⵀⵎⴻⴷ ⴱⵓⴽⵓⵙ) ، مزيود ف 15 أكتوبر 1946، هو لانڭويست و صوسيولوجي مغريبي أمازيغي. هوّ دابا رئيس ديال لمعهد لملكي د التقافة لأمازيغية.
حمد بوكوس
| ||
| ||
| معلومات عامة | ||
| زيادة | 15 أكتوبر 1946 (77 عام) | |
| لجنسية | لمغريب | |
| لحرفة | صوسيولوڭ، لانڭويست، ؤستاد جاميعي و كاتب | |
| لّوغات لي كيعرف | لفرانساوية | |
حياتو بدل
تزاد حمد بوكوس ف لخصاص، ف نواحي تيزنيت. دوّز التعليم لإبتدائي ديالو ف أڭادير، و نجا من الزلزال لي كان ضربها ف 1960.
مشى موراها ل تارودانت و مراكش باش يدير لكوليج و الليسي. من بعد، تأنسطالا ف الرباط باش يدير دراستو الجامعية، ف جامعة محمد لخامس. خدا ديپلوم ف لأداب و التاريخ و لپيداڭوجيا، و خدم شي عيمان أستاد د لفرانساوية ف لكوليج.
ف 1967، شارك معا موناضيلين أمازيغ خرين، بحال براهيم أخياط و علي صدقي أزايكو ف تأسيس أول جمعية لي مهتمة ب التقافة لأمازيغية بشكل حصري، لي هيّ الجمعية لمغريبية د لبحت و التبادل التقافي AMREC.
دوّز ربع سنين ف پاري، وجّد فيها تيز تحت إشراف جيرمين تيليون Germaine Tillion.[1] و كان أول أمازيغي كيسوتني على اللوغة لأم ديالو. ف 1974، شد منصب ديال أستاد جامعي ف كلية لأداب و لعولوم لإنسانية ف الرباط، و قرّا لأمازيغية ف لمعهد لعالي ديال لأركيولوجيا و الترات.
ف نفس لوقت، كان كيوجّد الدوكتورا ديالو ف اللانڭويستيك، لي سوتناها ف جامعة پاري 7 ف 1987 تحت إشراف جان كلود شوڤاليي.[2] ف 2002، ساهم ف تأسيس لمعهد لملكي د التقافة لأمازيغية، و بعدما تقاعد محمد شفيق من الرياسة د لمعهد، خدا بلاصتو حمد بوكوس. ف خلال لكاريير ديالو، حمد بوكوس شرف على تأطير أجيال ديال لباحتين ف الدراسات لأمازيغية، و عندو مؤلفات لي ولّات مرجع ف هاد لمجال.
منشورات بدل
- الدراسة الاجتماعية واللغوية للفصيلة السوسية، 1974
- [تيز ديال الدوكتورا: لانڭويستيك: پاري 5: 1974]، تحت التوجيه ديال جيرمين تيليون[1]
- Langage et culture populaires au Maroc، كازابلانكا، دار الكتاب، 1977.
- Phonotactique et domaines prosodiques en Berbère : parler Tachelhit d'Agadir، لمغريب، 1987، 2 vol. (700 f.)
- [الدوكتورا د الدولة: لانڭويستيك: پاري 8: 1987]، تحت إشراف جان كلود شوڤاليي[2]
- Société, langues et cultures au Maroc, Rabat, publications de la Faculté des Lettres, 1995.
- Dominance et différence : essais sur les enjeux symboliques au Maroc, Casablanca, le Fennec, 1999.
- Sociolinguistique marocaine, (sous la dir.) Plurilinguismes, Sorbonne, Paris, 1999.
- Alphabétisation et développement durable au Maroc : réalité et perspectives, en collaboration avec Fatima Agnaou, Rabat, Publication de la Faculté des lettres, 2001.
- L'amazighe dans la politique linguistique et culturelle au Maroc, Centre Tarek Ibn Ziyyad, Rabat, 2004 (en arabe).
- Phonologie de l'amazighe, Publications de l'IRCAM, 2009.
- Revitalizing the Amazigh Language : Stakes, Challenges, and Strategies, Rabat, Publication de l'IRCAM, 2011.
- Revitalisation de l'amazighe : défis, enjeux et stratégies, Rabat, Publication de l'IRCAM, 2012.
عيون لكلام بدل
- ^ a b "Notice de la thèse dans le catalogue du Sudoc".
- ^ a b "Notice de la thèse dans le catalogue du Sudoc". مأرشيڤي من لأصل ف 2022-07-05. تطّالع عليه ب تاريخ 2023-07-08.
مزاود بدل
- "السيڤي ديال حمد بوكوس". لمعهد لملكي د التقافة لأمازيغية (ب لفرانساوية). مأرشيڤي من لأصل ف 2014-03-02. تطّالع عليه ب تاريخ 2023-07-08.