جزر مارشال

جزر مارشال، رسميا لجمهورية د جزر مارشال (بلينݣليزية: Republic of the Marshall Islands - بلمارشالية: Aolepān Aorōkin Ṃajeḷ) هي بلاد أرخبيل ، جات ف لمحيط لهادي، و تابعة للقارة ديال أوقيانوسيا. أقرب لبلدان ليها هوما كيريباتي و ناورو و ميكرونيزيا. مارشال فيها 1156 جزيرة، و محسوبة على لمجموعة د لجزر د ميكرونيزيا. لجزر د مارشال هي أكتر بلاد ف لعالم من ناحية شحال لمساحة ديالها فيها لما (97.87%).

جزر مارشال
Aolepān Aorōkin M̧ajeļ (mh)
نشيد	جزر مارشال ل ديما
لعاصيمة	ماجورو
الساكينة
شحال دالسكان	53,127 (2017)
اللوغات الرسمية	نڭليزية لمارشالية
متوسط ديال لعمر	65.23902 (2000)
لجغرافيا
لميساحة	181.43 كم²
لقمة لعالية	ليكييپ (10 م)
لبلاصة الطايحة	لمحيط لمهدّن (0 م)
لإدارة
رئيس جزر مارشال	داڤيد كابوا
رئيس جزر مارشال	هيلدا هاين
لبرلمان	لهيئة التشريعية د جزر مارشال
سلطة لقضائية لكبيرة	لمحكمة لعليا د جزر مارشال
لقتيصاد
مؤشر التنمية لبشرية	0.708 (2017)
لفلوس	الدولار د ميريكان
معلومات خرا
توقيت ديال لبلاد	ڭرينيتش + 12
رمز لبلاد	MH
رمز لانترنيت	‎.mh‎
رمز التيليفون	+692
نيميرويات دليرجونس	911
الجهة دالصوگان	ليمن

لجزر د مارشال تسكنات من بنادم تقريبا 2000 عام قبل لميلاد. أول مرة وصلوليها لأوروبيين كانت جوايه 1520، ملّي داز حداها فرناندو ماجلان و مستكشفين صبليون آخرين موراه. تسمّاو لجزر على سميت بحّار د لعسكر د بريطانيا سميتو جون مارشال، حيت كان هو أوّل واحد رسمهم ف خريطة ما بين الشينوا و ؤسطراليا. أول بلاد حتلات لجزر كانت هي صبانيا، ف 1528، ولكن باعتهم لألمانيا ف 1885. من مورا لحرب لعالمية اللّولا، خدات الجاپون لجزر كاملين من ألمانيا اللي خسرات لحرب. ولكن ف وسط لحرب لعالمية التانية، من مورا ما خسرات الجاپون تا هي، خدات لميريكان لجزر ف 1944 و وجمعاتهم مع لمستعمرات لاخرا ديالها ف لمحيط لهندي. بقات جزر مارشال تابعة للميريكان تال 1986، و هو لعام اللي ستاقلات فيه.

تيسكنو ف لجزر د مارشال شويا كتر من 58.000 د الناس و لعاصمة ديالها هي ماجورو. اللغات الرسمية د لبلاد هوما لينݣليزية و لمارشالية، و لفلوس اللي كاتخدّم هي الدولار لميريكاني. لأغلبية د لإقتصاد د جزر مارشال تيدور على لمعاونة اللي تاتجيها من لميريكان (لملاين د الدولارات كل عام) حيت مخليا فيها قواعد عسكرية ديالها، و تاتخلص تعويضات على التجارب النووية اللي كانت كادّير تمّا.

لعيون

تقدر تزيد شوف بزاف د صور و معلومات ديال Marshall Islands ف ويكيميديا كومنز.