تركمانستان

تركمانستان (بالتركمانية: Türkmenistan - بالروسية: Туркмения) هي بلاد جات ف وسط آسيا. تاتحدّها أفغانستان من لجنوب الشرقي، إيران من لجنوب و لجنوب لغربي، أوزباكستان من الشرق و الشمال الشرقي، كازاخستان من الشمال و الشمال لغربي، و لبحر د قزوين من لغرب.

تركمانستان جات ما بين بزاف د لحضارات و كانت تادوز منها الطريق د لحرير التاريخية. ف لقرون لوسطانية حكمو لمنطقة لمغول، و موراهم جاو لفارسيين. ف 1881، دخلات لإمبراطورية الروسية و حتلات لبلاصة كاملة. من مورا التورة لبولشوڤية، ستاقلات تركمانستان، و لكن دغيا (ف 1925) دخلات ف لإتحاد السوڤياتي و ولاّت هي لجمهورية التركمانية السوڤياتية لإشتراكية. ف 1991، مورا ما تفكّك لإتحاد السوڤياتي، رجعات تركمانستان عاود دولة مستاقلة.

تيسكنو ف تركمانستان تقرييا 6 د لمليون د الناس، و لعاصمة ديالها هي عشق آباد. اللغة الرسمية هي التركمانية، ولكن بزاف د الناس تيخدّمو الروسية ف لحوايج الرسمية. لفلوس ديال تركمانستان هي ل مانت. لإقتصاد د لبلاد تيعوّل بزاف على لݣاز الطبيعي (عندها رابع أكبر احتياطي د لݣاز ف لعالم). تال 2012، كانت تركمانستان بلاد فيها حزب واحد (سميتو لحزب الديموقراطي)،^[1] و الرئيس د لبلاد من 2007 لدابا هو ݣوربان ݣولي بردي محمدوڤ.

عيون لكلام

^ "تركمانستان تنهي نظام الحزب الواحد - سكاي نيوز عربية (2012)".

تقدر تزيد شوف بزاف د تّصاور و لمعلومات ديال Turkmenistan ف ويكيميديا كومنز.

هادي زريعة ديال مقالة خاصها تّوسع. تقدر تشارك ف لكتبة ديالها.

[1] "تركمانستان تنهي نظام الحزب الواحد - سكاي نيوز عربية (2012)".

[1]