بيرزيرك (مانݣا)
بيرزيرك
| ||
| ||
| معلومات عامة | ||
| لعنوان لأصلي | ベルセルク | |
| نوع د لمانڭا | أنمي ومانغا أكشن و فنتازيا مظلمة | |
| مانڭاكا | كينتارو ميورا | |
| لّوغة لأصلية | جاپونية | |
| تاريخ د لبدية | غشت 1989 | |
| لجوايز | ||
| لموقع الرسمي | http://www.younganimal.com/berserk/ | |
بيرزيرك ( ب جاپونية: ベルセルク، بيروسيروكو، Beruseruku– لي كاتعني تاير/هايج) هي سيرية د لمانݣا جاپونية كتبها و رسمها كينطارو مييورا. لقصة محطوطة ف واحد لعالم د لفنطازيا لكحلة مآنسپيري من ؤروپا د الزمانات لوسطانيين، كاتضور على الشخصيات د ݣاتس، واحد السيّاف وحداني، و ݣريفيث، الشاف د واحد لعصابة د لمرتازقة كايعييطو ليها "عصابة لباز". السيرية كاتبع الرحلة د ݣاتس و هو باغي ياخد التار من ݣريفيث، لي خانو و ضحّى ب عشرانو على قبل باش يولّي ݣائن شيطاني قوي.
مييورا دشّن لپروطوتيپ د بيرزيرك ف 1988. السيرية بدات ف لعام التالي ف مجلة لمانݣا الشهرية آنيمال هاوس د دار النشر هاكوسينشا، لي جات ف بلاصتها ف 1992 لمجلة النص شهرية يونݣ آنيمال، فين بيرزيرݣ كمّل ف النشر ديالو. من بعد لموت د مييورا ف ماي 2021، آخر شاپيطر خدم عليها تنشرات بعد موتو ف شتنبر د نفس لعام؛ السيرية تستأنفات ف يونيو 2022، تحت السوپرڤيزيو د لمانݣاكا و عشير مييورا د الطفولة كووجي موري و لݣروپ د معاونين مييورا و لمتعلمين من ستوديو ݣاݣا.
بيرزيرك تآضاپطا ل سيرية آنيمي تلفازية د 25 حلقة من أو إل إم، لي غطّات لآرك ديال لعصر الدهبي، و لي تبتّات من أكتوبر 1997 ل مارس 1998. لآرك د لعصر الدهبي عاوتاني تآضاپطا ل طريلوجي سينيمائي د أفلام لآنيمي؛ الجوج أفلام اللوالا تدشّنو ف 2012 و لفيلم التالت بدا ف 2013. واحد لآضاپطاسيو د سيرية آنيمي تلفازية جاوجة تنقلات ل جوج مواسم ف 2016 و 2017.
على حساب شتنبر 2023، لمانݣا د بيرزيرك جابت كتر من 60 مليون كوپي ف التسركيل (circulation)، ب لحساب د لڤيرسيوات الديجيطال، هادشي لي خلّاها وحدة من أكتر السيريات د لمانݣا تباعو ف ݣاع لوقات. خدات الجايزة د لمتياز ف النسخة السادسة د جايزة أوصامو طيزكا التقافية ف 2002. بيرزيرك تشكر ب شكل عريض، ب الضبط على ود لمود لمضلّم، معاودة لقصّة، الشخصيات، و لخدمة لمفصّلة د ميورا ف الرسيم.
لحبكة
بدلݣاتس تزاد وسط الجتّة لمعلّقة د مّو و تربى كا مرتازق (mercenary) من باه لحݣار لي مبنّيه، ݣامبينو، هادشي من بعد ما ماتت مّو ب التبنّي، شيسو. من موراها ݣاتس قتل ݣامبينو ب السيف عليه ف حالة د الدفاع على النفس، و هرب من لݣروپ د لمرتازقين و ولّى مرتازق جوّال. الستيل ديالو الطّايش و لكن لمجهد ف لمقاتلة جدب النتيباه د ݣريفيث، الشاف د ݣروپ لمرتازقين لي كايعييطو ليهم عصابة لباز (band of the hawk)، ݣاتس تدخّل ل هاد لعصابة من بعد ماغلبو ݣريفيث. مملاكة ميدلاند ستأجرات لعصابة على قبل لعوين ف لحرب ضد براطورية تشودر، و ݣاتس عرف ب الرغبة د ݣريفيث ف حكيم مملاكتو لخاصّة بيه و عرف ب سنسلة لي ف ملكو، لي كاتسمى لبيهيليت. من مور ما عفى عليهم لمحارب الجنّي نوصفيراتو زوض، عطى إندار ل ݣاتس بلي غادي يموت ب كونو صاحب ݣريفيث.
ف لوقيتة لي ݣريفيث بدا يتعاشر معا النوبالا د ميدلاند و بنت لماليك، تشارلوط، ݣاتس بدا يربّي لكبدة على كاسكا، لي هي واحد لكومونضوا خرة د عصابة لباز و و بوحدها لي نتوا. من مور ماسمع لعتيراف د ݣريفيث ل شارلوط بلي هو كايعتابر صحابو غير هادوك لي عندهم حلم، ݣاتس قرّر يخلّي لݣروپ و يصيب لحلم ديالو، هاد لقرار لي رفضو ݣريفيث من غير يلا غلبو ݣاتس ف دويل. منين ݣاتس غلبو، ݣريفيث تدلّى بيه لحال ف واحد لأزمة لي سالات ب لعتيقال ديالو من مور ما غوى شارلوط. توضّرات ليه لبيهيليت ف لوقيتة لي كانو فيها كايعدّبوه، و الجيش د ميدلاند ديكلارا بلي لبيزان ولّاو برّا لقانون. دغيا من موراها، واحد لكائن غامض معروف ب سمية سكول نايت (فارس الجمجومة) وعّى ݣاتس بلي فعايلو زنّدات واحد لكوسوف، و من مور ما عرف ب لمحنة د عصابة لباز، رجع ليهم عاوتاني باش يعتق ݣريفيث. ف هاد لوقت، هو و كاسكا كمّلو لحب ديالهم ل بعضياتهم.
من بعد ما عتقو ݣريفيث، لبيزان دراو بلي التعداب ردّو ݣاعما قادر يتريّسهم. منين ݣريفيث رجّع لبيهيليت، لبيهيليت خدّمات دمّو على ود باش يبدا لكوسوف، لي هو واحد لملاقية بين لعوالم لمادّيين و النجميين. ف لوقيتة د لكوسوف، لبيزان غايتقاتلو معا كليكة من الريّاس د الجنون معروفين ب سمية يد الرب، لي ورّقو بلي ݣريفيث تختار ب صيفتو لعضو لخامس ديالهم و و يقدر يولي معاهم غير يلا ضحّى ب عشرانو، هادشي لي قبل بيه هو. من مور ما توشمو ب رموز سحريين لي تعلمو بيهم على ود التضحية، لبيزان تݣزرو من لمرسولين د يد الرب لي فايتين كانو بشر و ولاو جنون و لي بحال زوض، خداو لقوة ب التضحية ب الناس لعزاز عليهم، غير ݣاتس و كاسكا لي نجاو من هاد لكوسوف. ݣريفيث، لي ولى يد الرب لخامسة، ب سميتو الجديدة فيمطو، غتاصب كاسكا، و ݣاتس مشى ليه مرفقو (forearm) و عينو ليمنى و هو كايحاول يعتقها؛ وخا سكول نايت فلّتهم ف اللخر، ب سباب هاد لموصيبة كاسكا ولات مصدومة. من بعد ما عرف من سكول نايت بلي لوشام د التضحية كايخلّيهم مستهدفين من كائنات الضلام، ݣاتس خلّى كاسكا عند لحدّاد ݣوضو يقابلها، هو و بنتو ب التبني إيريكا، و ريكيرت، لعضو الصغر د عصابة لباز، لي نجى حيتاش ماكانش حاضر ف لكوسوف. من مور ما عطاه ݣوضو سيف جديد، ݣزّار الدراݣون (dragonslayer)، و ريكيرت عطاه يد عسرية صطيناعية، ݣاتس بدا ف تصياد لمرسولين و هو كايقلّب على يد الرب ف لوقيتة لي تابعو فونطوم شيطاني، ولد الجن (demon child)، لي هو ف لحقيقة لولد لمامزيودش د كاسكا لي ولّى ممسوخ من مور ما فيمطو غتاصب كاسكا.
عاماين موراها، من بعد ما قتل شلّا مرسولين و ولى معروف ب سمية "السيّاف لكحل"، ݣاتس نضمّ ليه لإيلف (elf) پاك، و شداتو فارنيز، لكاپطن ديال فرسان السنسلة لحديدية السماوية التابعين ل كنيسة لكرسي السماوي، لي مآمنة بلي ݣاتس فال ديال لاپوكاليپس. ݣاتس غادي يهرب من بعد ما عتق فارنيز و رجع ل الدار عند ݣوضو، فين عرف بلي كاسكا توضّرات. التقلاب ديالو عليها دّاه ل لمدينة لمهدومة د لقدّيس آلبيون، لي وجّدوها يد الرب كا موطع على قبل واحد لحفلة لي فيها كايعطيو ل شي واحد منهم واحد الشكل مادّي، و هاد لمدينة عاوتاني ولات ملجأ د اللاجئين لي هربو من التدرام د جيوش براطورية كوشان. ݣاتس عتق كاسكا من لأوسقوف موزݣاس د لكرسي السماوي ف لوقيتة لي الرواح د لموتى كايهجمو على لمدينة، هادشي لي صنع لوشمة د التضحية، و نضمّو ليه فارنيز، و لعسّاس ديالها سيرپيكو، و الشفّار لبرهوش إيسيدرو، ف هاد لوقيتة، واحد لمرسول تابع ل مدينة لقدّيس آلبيون كايستهلك ولد الجن و كايخدّم كسدتو باش يريسطوري ݣريفيث ل الشكل لمادّي.
من بعد ما تقاتل ݣاتس ضد ݣريفيث و زوض ف الدار د ݣوضو، ݣريفيث درى بلي شي طراصات من الطفل الشيطاني باقيين فيه. و هو كايأمل ب شي موطع مأمن من الجنون و لحتيمال باش تداوى كاسكا، ݣاتس قرر باش يسافر معا كاسكا ل مسقط الراس د پاك، إيلفهيلم ف ݣزيرة سكيليݣ، و خلّى إيسيدرو، سيرپيكو، و فارنيز يتبعوه من لخوف ديالو بلي غايخسر لكونطرول على راسو ضحية ل الدوافع الضلاميين ديالو. لي تجسّدو وسط عقلو ب صيفتهم وحش د الضلام، و فارنيز غاتولي هي لي مقابلة كاسكا. ف نفس لوقت، ݣريفيث كايصايب عصابة لباز الجاوجة معا زوض و مرسولين خرين باش يعتقو ميدلاند من براطورية لكوشان، لي مريّسها لبراطور ݣانيشكا، لي هو مرسول موخلويض.
الرباعة د ݣاتس كايتلاقاو معا لموشعويدة فلورا، و لمتعلمات دياولها شيركي و لإيلف (elf) إڤاليرا و هوما كايعتقو واحد لڤيلاج من الطرولات (trolls)، و فلورا عطات ل ݣاتس درع لبيرزيركر، لي كايزيد ف لقوة ديالو و لكن كايريسكي ب كسدتو ل ما فوق جهدها هادشي لي كايخلي الضلام الدخلاني ديالو يستهلكو. فلورا ف اللاحق غاتّقتل من لمرسولين، و من مورا ما هربو، الرباعة د ݣاتس غايتلاقاو معا واحد لمخلوق غامض كايقولو ليه الطفل د ضو لݣمرة، لي بيّن واحد لعاطفة ل ݣاتس و كاسكا قبل ما يغبر من مور ما كملات لݣمرة. ف ديك الساعة، سكول نايت وعّى ݣاتس باش مايفرطش ف لقوة د درع لبيرزيركر ف لوقيتة لي كايوكّد على الناس د إيلفهيلم بلي قادرين يداويو لعقل د كاسكا. أما ݣاتس و رباعتو ضمنو واحد لباطو سميتو "عوْد لبحر"، لي مريّسو خطيب فرانسيز، لآمير رودريك، باش يوصلو ل إيلفهيلم ف لبدو د لهجوم د لكوشان على لمرسى د لمدينة، لي فيها ݣاتس و زوض تحالفو بيناتهم ل وقت قصير باش يتقاتلو معا ݣانيشكا و هو ف الشكل د لمرسول، ݣانيشكا تطرونصفورما ل واحد لكيان وحشي فوق طبيعي و سبب التداخل بين لعوالم لمادّيين و النجميين من مور ما قتلو ݣريفيث. ب سباب النعمات ديال شارلوط و لكرسي السماوي، ݣريفيث أسس مدينة فالكونيا باش يعطي ملجأ ل لبشرية من لمخلوقات لي ستاغلو التداخل من مور ما لعوالم تداخلو.
من مور ما نضمّات ليهم واحد لبنت حورية سميتها إيسما، الرباعة د ݣاتس وصلو ل إيلفهيلم؛ لي لحاكم لإلف ديالها، ضانان، عاون فارنيز و شيركي ف لانطريما السحرية ديالهم، و فلح ف الريسطوراسيو د عقل كاسكا. سكول نايت غايعرّف ݣاتس ب الصانع ديال درع لبيرزيركر و غايوري ليه لماضي نتاعو معا يد الرب و الرايس ديالها، ڤويْض. طفل ضو لݣمرة غايبان خطرة خرة من بعد؛ و بان بلي هو ولد الجن، لي يقدر ياخد السيطرة من لمضيّف د ݣريفيث ف لوقيتة منين لݣمرة كاتكون كاملة. ݣريفيث غايرجّع السيطرة على مضيّفو و غايخطف كاسكا و هو كايخرّب شجرة الروح ديال لݣزيرة، هادشي لي طلق رواح لي هجمو على لݣزيرة و سبّبو ل ضانان، إيسما، و لمخلوقات السحريين لخرين (من غير پاك و إيڤاليرا) ب لغبور وسط لعالم النجمي. ف لوقيتة لي الناجيين كانو كايهربو على عوادن لبحر، ݣاتس جاه نهيار ف حالة من لياس. ݣريفيث غايرجع ل لأرض لقاريّة معا كاسكا، و غايحبسها ف فالكونيا ف واحد لحالة من السهو النفيصالي حتى كاتّفكر رفقانها و كاتجرّب تهرب، غير باش تسخف قبل مايشدّوها. ݣاتس تجبد من لڤيزيوات ديال الضلام الدخلاني ديالو لي كايحكّر عليه باش يستسلم، و لكن كايسخف ف لوقيتة لي لمحاربين د كوشان كايدرّمو على لباطو و بان بلي هوما تحت الرياسة د سيلات، الرايس د قبيلة محاربين لباكيراكا لي فايت ل ݣاتس تقاتل معاهم، و ضايبا، لي هو سحّار و خدّام سابق ل ݣانيشكا. ريكيرت كان من بينات لعساكرية، لي هرب من فالكونيا قبل هو و إيريكا و الصحراوا د كوشان.
لكوشان كايمشيو معا ݣاتس و رباعتو ل عاصيمتهم فين ݣاتس غايتحبس كا حتياط. ضايبا علمهم بلي جيش د فالكونيا بان ف لحدود د براطورية كوشان و بلي لهجمة على إيلفهيلم طرف من حملة عرْض ديال فالكونيا باش يخلّيو ݣريفيث يحكم لعالم. و بحال هاكدا، ضايبا أمر باش يبلاصيو ݣاتس و رباعتو، رودريك، طاقم لباطو، و السحّارا الناجيين د إلفهيلم تحت من الرياسة ديالو ف لوقيتة لي لبراطورية كاتوجّد ل حرب ضد فالكونيا. و ف لوقيتة لي كانو كايتأقلمو معا لعيشة ف لعاصيمة د كوشان، شيركي بقات سخفانة و ݣاتس بقى محبوس، رودريك حضر ل لكورولطاي (kurultai)، لي هي واحد لملاقية د لقبايل لحاكمين د كوشان كايعيّط ليها لبراطور الجديد "مغامرة"، هو و سيلات و ضايبا. تمّاكين، ضايبا علم لبراطور ب تجاربو ف فالكونيا، سيلات سقصى لبراطور باش يتريّس الجيش ضد ݣريفيث. هادشي تقاطع منين ركشاس، لي هو واحد لمرسول د كوشان ف لعصابة الجديدة د لباز، غايبان من لكسدة د واحد النبيل د كوشان. راكشاس من بعد غايحضّر واحد الجيش د الطرولات لي بداو كايهجمو على لمدينة ف لوقيتة لي سيلات دخل معا راكشاس ف دويل.
لينتاج
بدلالديڤلوپمو
بدلف لوقيتة لي خدم كا معاون ل وقت قصير عند جووجي موريكاوا ف عمر ال18، مييورا كان مخطط ديجا شي أفكار على الديڤلوپمو د بيرزيرك، حيت كانت عندو ف لپورطفوي (portfolio) ديالو ورقة مرسوم فيها محارب مضلّم ب سيف عملاق هادشي لي غايكون أول كونصيپط على ݣاتس. مييورا ربع سنين و هو كايحط لمخطوطات ل واحد لمجلة د الشوونين مانݣا قبل ما يخدم عند هاكوسينشا؛ غير هو، حس بلي ما كانتش عندو قدرة كافية عليها و حتى هوما ما كانوش مهتمين ف نشر لاعمال د التعاويد لعلمي و لفنطازيا. ف 1988، ف لوقيتة لي كان كايخدم فيها معا بورونصون ف واحد لمانݣا معنونة ملك الدياب (king of wolves)، مييورا نشر واحد لپروطوتيپ (prototype) د بيرزيرك ف لمجلة د هاكوسينشا، ݣيكّان كوميكومي. هاد لپروطوتيپ د 48 صفحة جا هو التاني ف الجايزة السابعة د مدراسة لمانݣا د كوميكومي. ف اللاحق حط لعمل ديالو ل واحد لمجلة لي، ف ديك لوقت، "كانت على بونت و تطيح"، و سيفطوه من كتاتبي ل كتاتبي (editor) قبل مايتلاقى معا لكتاتبي اللول ديالو. التسلسيل ديال بيرزيرك بدا ف لمجلة الشهرية د هاكوسينشا، آنيمال هاوس ف 1989. مييورا علّق بلي بدا التسلسيل دغيا غير بدا، عليها عمّر ما كانت عندو لفرصة باش يكريتيكيوه لكتاتبيا.
لكونصيپط و التأتيرات
بدلمييورا قال بلي لانسپيراسيو على قبل عنوان السيرية تحطات ف لوقيتة د لمصايبة. ما كانتش عندو شي معلومة مبلانيها من لبدو على لبيرزيركرات ولا درع لبيرزيركر (لي بان لخطرة اللولا ف الشاپيطر 222). هو عزل لكلمة، و هو كايقول معا راسو "هادا طرف غامض غادي يقدر يبقى لاصق مزيان". مييورا قال بلي لعنوان كان مربوط ب التخيال د ݣاتس، و تأتر ب ماد ماكس، و وضّح كتر: "ب لمختاصر، لبدو من واحد لعالم فيه واحد لبطل مضلّم لي كايتحرق على ود التار، كايخلّيك تخيّل واحد لكاراكطير مسعور. منين كايولي مسيّرو لغضب ديالو، كايولي يكب الجعرة ديالو على لعديان لمغلوبين، و خصنا نحكرو على التاعصوب ديالو يلا بغيتو تبقاو تابتين. عليها فكّرت بلي "بيرزيرك" غايكون عنوان مخيّر ف تمتيل لعالم ديالي". على حساب مييورا، لموود د لفنطازيا لكحلة د السيرية تآنسپيرا من لفيلم د 1982 كونان لبرباري (Conan the Barbarian) و السيرية د إيلريك د ميلنيبوني (Elric of Melniboné). مييورا قال بلي هو ماشافش لفنطازيا لكحلة كا نوع فني ب حد داتو، عوض هادشي شافو كا موراديف د لفنطازيا لعامة. هو علّق بلي برّا الجاپون، لاعمال لكبار د لفنطازيا بحال ذا لورد أوف رينݣس، فيهم عناصر مضلّمين، و ف الجاپون، النوع لفني د لفنطازيا تشهر ب لوعاب لڤيديو بحال دراݣون كويست، لي كانو كايڤيزيو الطفال، و عليها، تنقّحو من لعناصر لمضلّمين، بلحق مادام هو جاه تأتير من الريوايات قبل من هاد اللوعاب، مييورا "ب شكل طبيعي ضار ل جيهة لفنطازيا لكحلة".
مييورا قال بلي قبطة نجم الشمال ديال بورونصون و طيتسُوُو هارا، كان لعمل لي حط تأتير كبر على لعمل نتاعو، و عاوتاني عاونو باش يديڤلوپي الستيل د الرسيم. زيد مييورا دكر لانيماطور و لمانݣاكا يوشيكازو ياسوهيكو و لمانݣاكا فوجيكو هوصونو ب صيفتهم تأتيرات بكرانيين ل ستيلو ف الرسيم. جاك لعنيف (Violence Jack) د ݣو ناݣاي و ݣووين صاݣا (Guin Saga) د كاورو كوريموطو آنسپيراو لقصة و لاطموصفير د السيرية.
رانپو د ماساطوشي أوتشيزاكي خدمات كا مرجع على قبل لخلفيات (backgrounds) دياولو. مييورا قال بلي السيرية د لمانݣا لعزيزة عليه كانت ضورورو ديال أوصامو طيزوكا، و بلي بغى يصايب واحد لعمل د لفنطازيا لي فيه عناصر مضلّمين، "مغمّمين" و غاديين ل ليووكاي (yōkai-like). مييورا دكر بلي هو تعلّم أساسيات تعاويد لقصة من دجوردج لوكاس، لي صايب لفرانتشايز د حرب النجوم (Star Wars)، و عيّط على لفيلم د 1977 ب نفس السمية بلي هو لعمل لأعز عندو. مييورا علّق على التأتير ديال لمانݣا د الشووجو على السيرية، و قال بلي هي ضايرة على "التعبير على كل شوعور ب شكل قوي". ب الضبط، دكر التأتير د يوميكو أووشيما، و بلي لآضاپطاسيوات د لآنيمي على وردة ڤيرساي (Rose of Versailles) و آيم فور ذا آيس! (Aim for the Ace!)، لي ب جوج بيهم تدار ليهم لإخراج من أوصامو ديزاكي، آنسپيراوه باش يقرا لمانݣا د وردة ڤيرساي و لاعمال د كييْكو طاكيمييا، بحال لمانݣا كازي طو كي نو أوطا (Kaze to Ki no Uta) ب شكل ساسي.
شي جوانب على ݣاتس (الشخصية و الديزاين) كانو ب شكل جزئي مآنسپيريين من صاحب مييور ف لمدراسة التانوية و لي ف اللاحق غايولي مانݣاكا كووجي مور، و ماكس روكاتانسكي ديال ماد ماكس و لآداء د روتݣر هاور ف لحم و دم (Flesh and Blood)، بلايد رانر، ذا هيتشر، و الدم د لابطال (The Blood of Heroes). ليد الصطيناعية د ݣاتس تآنسپيرات من هياكّيمارو د ضورورو و لپروطاݣونيست د كوبرا (Cobra) لي عندها نفس السمية. كورت، لپروطاݣونيست د پيݣماليو د شينجي واضا، و الرسمة ديال واحد لعملاق هاز سيف، لي بانو ف لملكة د التلج (سپين أوف د ݣوين صاݣا)، آنسپيراو لقد د سيف ݣاتس، ݣزار الضراݣو، ب تخلاط السيوف د الشخصيات ب جوج. مييورا علّق بلي منين كان كايرسم ݣزار الضراݣو، بغى يقلّد التأتير ديال لقبطة د كينشيرو ولا راوه (قبطة نجم الشمال) "كاتطير برّا الصفحة"، و لايني حس بلي السيف د ݣاتس ماكانش عندو نفس التقل ف لإحساس كيف لقبطة. هو بغى يوصّل واحد الشعور د "تجباد لحقيقة" ل السيف، هادشي بحال التقماص ديال فنون لحرب هوكوطو شينكين لي ف قبطة نجم الشمال، و يخلّي لقوراء يقدرو يتيّقوه. مييورا دكر بلي "السياف لكحل" ݣاتس كان لحاجة اللولى لي حط عينو فيها، و لايني ماكانت حتى شي فكرة على شنو غاتكون لقصة لخلفية ديالو. هو ركز على الديڤلوپمو د الشخصية حتى ل جوايه الطانكووبون التالت ولا الرابع عاد كان غايفكر ف شنو لي خلّاه يبغي ياخد التار.
النتيضام
بدلبيرزيرك معروف ب التوقوفات لمطولين و لمنتاضمين دياولو، هادشي بدا من 2006. من بعد واحد لپوز، تلاتة الشاپيطرات لمتابعين على الطفولة د ݣاتس تنشرو من 8 يونيو ل 13 يوليوز، 2012؛ لقصة الساسية تستأنفات تمن شهور من بعد ف 12 أكتوبر، و السيرية دارت توقوف مور واحد الشاپيطر ف 28 دجنبر د نفس لعام. مييورا خدا عطلة باش يخدم ف لميني سيرية د ستة الشاپيطرات ݣيݣانطو ماكسيا، و تنشر بيرزيرك ب شكل مقطع من 11 أبريل ل 26 شتنبر 2014. من بعد عشر شهور د التوقوف، لمانݣا تستأنفات ف 24 يوليوز 2014، و تنشرات ب شكل شهري حتى ل 27 نونبر من نفس لعام، قبل ماتدخل ف توقوف. ولات كاتنشر ب شكل شهري من 24 يونيو ل 23 شتنبر 2016، قبل ماتدخل ف واحد التوقوف خر. لمانݣا رجعات ف النشر من 24 مارس ل 23 يونيو، 2017، و كانت ف ديك لوقت كاتنشر ب شكل شهري من 22 دجنبر من نفس لعام ل 25 ماي، 2018. ربع شهور موراها، شاپيطر خرة تنشرات ف 24 غشت 2018، قبل ماتدخل ف توقوف د تمن شهور. جوج شاپيطرات تنشرو ف 26 أبريل و 23 غشت، 2019. تلاتة الشاپيطرات تنشرو ف 24 أبريل، 22 يوليوز، و 23 أكتوبر، 2020، ب شكل مرادف. الشاپيطر اللخرانية لي ف لوقيتة د لعيشة د مييورا تطلقات ف 22 يناير 2021.
لموت د مييورا و الستيئناف د السيرية
بدلف 20 ماي، 2021، هاكوسينشا علنات بلي مييورا مات ف عمر 54 ب سباب واحد التسلوخ آورطي مجهد (acute aortic dissection) ف 6 ماي، هادشي لي خلّا السيرية ف طريق مسدودة. الشاپيطر 364 د بيرزيرك لي من مور لموت د مييورا تنشرات ف يونݣ آنيمال ف 10 شتنبر من نفس لعام، لي كانت آخر عمل د مييورا، و لاعضاء من الستوديو ݣاݣا ديالو، لي كانو مكونين منو و لݣروپ د معاونينو و لمتعلمين، خدمو على لمسالية د مخطوطة الشاپيطر. الطلقة د لمجلة كانت سوڤونير ل مييورا، ب لعرض د واحد لكتيّب خاص "ميصاجات ل كينطارو مييورا" و پوسطيرا ديال "لمشاهيد لمشهورين" من لمانݣا. ف نفس الطلقة، هاكوسينشا علّقات بلي لمستقبل د السيرية باقي ماميقونش منو و بلي لاولاوية د السطاف غاتكون "دايماً محطوطة عليه و ف شنو غايكون بان ليه يلا كان مازال معانا". لكلمة لي ختمو بيها ف الطانكووبون 41 د لمانݣا (خرج ف دجنبر 2021) من السطاف لكتاتبي د يونݣ آنيمال بلي لمستقبل د لمانݣا باقي مامقرّرش.
ف 7 يونيو 2022، هاكوسينشا و كووجي موري علنو بلي السيرية غاتكمّل ف النشر، ب تخدام بلانات و تخميمات لي تعطاو ل موري من مييورا ب راسو، زيد حتى لمدكرات و ديزاينات الشخصيات لي خلّاهم مييورا. موري ربط كيفاش فات ليه زار مييورا تقريباً 30 عام هادي منين لمفقود كان كايرسم لاحدات د "لكوسوف" ف بيرزيرك و كيفاش صاحبو كمّل لأحدات على قبل لمانݣا حتى ل الشاپيطر اللخرانية قبل موتو. موري فسّر بلي لقصة د بيرزيرك كمّلات من ديك الساعة "تماماً كيف ما تناقشنا عليها ف ديك لوقيتة، بلا تبدالات تقريباً". ماحد هو بوحدو لي عارف كيفاش كان ناوي مييورا يسالي لقصة، موري تافق باش يكمّل السيرية و واعد، "غانكتب غير لحلقات لي هدر معايا مييورا عليهم. ماغاديش نكتّر ف الشرح ديالهم. ماغاديش نكتب حلاقي لي ماعاقلش عليهم ب وضوح. غادي نكتب غير السطور و لقصات لي وصفهم لي مييورا".
ف واحد لانطيرڤيو د عام 2023، ف لوكازيو د طليق الطانكووبون ال42، موري علّق بلي مييورا "كان عبقاري د لمانݣا مفرݣع ب لموهبة"، و بلي "كانت عندو واحد اللهفة باش يشوف لحوايج من اللخر و زيد واحد لقدرة مميزة على رسيم، و تصوار لقصص و توضاف لوسايل السرديين ب مفعولية" على ود هادشي، موري ستنتج بلي مايمكنش يخلّي السيرية مكمّلة بلا مييورا، و لكن بدل ريّو من بعد ماتلاقى ب لاعضاء د ستوديو ݣاݣا، لي خدمو عند مييورا، باش يتقنو الشاپيطر اللخرانية لمامكمولاش د بيرزيرك لي كان كايخدم عليها مييورا. موري عاود خمّم، "لفكرة بلي مييورا غايكون معصّب عليا ماكاندير حتى شي حاجة كاتموتيڤيني باش نوصل ل شي قرار". على ود لمجي ديالو بلاصة مييورا ف واحد لعلاقة ب السيرية، موري علّق بلي هو مازال عندو أحاسيس مخلطين، "يقدر هادشي لي كانديرو يكون ماكايتّسمحش، حيت مييورا دابا مابقاش هنا"، زيد وكّد، "عمرني ماغانزيد التويست لخاصة بيا. ب بساطة غانعقل و غانغطي داكشي لي قال ليا مييورا".
بيرزيرك كمّل ب لكريديت لي كايبان "عمل أصلي د كينطارو مييورا، الرسيم من ستوديو ݣاݣا، ليشراف د كووجي موري". ل "آرك فانطازيا/شاپيطر ݣزيرة لإيلف" سالات ب شاپيطرات خرجو من 24 يونيو 2022، ل 26 ماي 2023؛ و لقصة د لآرك جديدة بدات ف 22 شتنبر من نفس لعام.
الطيمات
بدلبيرزيرك كايكتاشف مادى عريض من الطيمات و لمواضيع. لإيرادة لحرّة، لمكتوب، و السببية محطوطين ل النيقاش وسط السيرية. الستيماتة الدهنية د بنادم طيمة معاودة، معا بزاف د الشخصيات جايين من خلفيات فيهم صدمات، و كايتمحنو ب شكل مستامر ضد واحد لعالم ضالم. ݣاتس كايتمحن معا لمكتوب ب راسو و كايقاوم دايماً الجديب د لمكتاب. ݣريفيث حتى هو كايتقمص فكرة الستيماتة، ب تبيع لحلم ديالو ديال حكيم مملاكتو لخاصّة بيه، وخا عندو أصول حادرين، و لإيرادة لحرّة، ب لقرار ديالو باش يضحّي ب عصابة لباز على ود باش يوصل ل لحلم ديالو.
السيرية عاوتاني كاتكتاشف الطبيعة لبنادمية و لاخلاقيات، مادام الشخصيات كايتمحنو بينات يوْلّيو بشر مزيانين ولا يطيحو ف حفرة لحماق و الشر. ݣاتس، ف لبدو د لقصة، تحط ب صيفتو آنتيهيرو (antihero) لي ماكايتسوقش واش يقتل شي حد و ماكايديهاش ف الناس لي كايعاونوه. ݣاتس ماغاديش على حساب تعريفات الزوين و لخايب (لبيض و لكحل)، عوض هادشي هو ف بلاصة رمادية. ف لبدية هو ݣاعما كان ناوي يكون بطولي ولا يحامي على الدراوش، وخا فعايلو لمحفزة داتياً شي مرّات كايطبقو هادشي ب شكل علّاوي. غير هو، ماحد لقصة كاتطوور، كايبان بلي هو ف لحقيقة واحد الشخص لي كايتصارع من الداخل معا راسو ب شكل غارق. لپاسي ديالو الطراجيدي و لمصدوم، تورّى ف لآرك د لعصر الدهبي، و بان ݣاتس ب صيفتو شخصية معقدة. آن لاونروث ديال آنيمي نيوز نيتوورك كتبات بلي ݣريفيث "ماشي شرير ب لمرّة"، و لايني "متكبر و واقعي ب شكل وحشي على قبل الطبيعة لبنادمية". لكبت ديال طبيعتو لبنادمية غاتكون لبدية ديال ل لموت ديالو ب صيفتو لباز و الطلوع ديالو كا فيمطو.
الصحبة، الرفقة و لعلاقات لبنادميين هوما طيمات خرين تكتاشفو. كا ولد صغير، ݣاتس جرب يكوّن شي نيڤوات د صحبة معا لݣروپ ديالو د لمرتازقين، و لكن ب سباب تجاربو الصادمين معاهم، خسر التيقة ف الناس. وخا هاكداك، معا لوقت ولا معا ݣريفيث و لخرين ديال عصابة لباز، ݣاتس كوّن رابيطات، صحبات، عداوات، تعوال مبادل، و نضج عاوتاني كا فرد. مييورا قال بلي عصابة لباز تبازات على تجاربو ف لعلاقات معا صحابو د التانوي. ب الضبط، دكر بلي صحبة ديالو معا لمانݣاكا كووجي موري ب شكل جزئي آنسپيرات لعلاقة بين ݣاتس و ݣريفيث. دجايكب تشاپمان د آنيمي نيوز نيتوورك، كتب بلي من صحبتهم، الطوموحات د ݣاتس تهزو و دوك د ݣريفيث نزلو، هادشي لي خلّاهم ب جوج ياخدو ف لبال مستقبل جديد ل أول مرّة، اللولى كانت منين تطايفو جنب ل جنب كا مساويين و يموتو ف لمعراكة، و لايني رفضو هاد لمستقبل ب سباب لمخاوف الشخصيين دياولهم، مادام ݣاتس ماشافش راسو "مزيان ب شكل كافي" ل مستقبل زوين و ݣريفيث كان مخلوع بلي لحلم ديالو النبيل يريب ل شي حاجة دنيوية. مييورا قال بلي الصراع بينات ݣاتس و ݣريفيث كايهدر على التبدال ديالهم من مور مابناو الشخصيات دياولهم.
لآرك د لعصر الدهبي تقارن ب سي طراجيديا غريقية. على حساب لاونروث، لهامارتيا (hamartia) د ݣريفيث كاينة ف كيفاش هو كايقسّم (compartmentalizes) لاحاسيس دياولو د الدنب و لعار لي يقدرو يجيو ف الطريق د لحلم ديالو و كيفاش كايتعامل على ود باش يكبتهم. الديالوݣ الدخلاني ديالو ف الدويل التاني معا ݣاتس، "يلا ماخديتوش، ماشي شغلي،" كايعلْمو لپيريپيتيا (peripeteia) د لآرك لعصر الدهبي. منين ݣاتس جا كايجري باش يفلّتو ف وقيت لكوسوف، ݣريفيث وصل ل لحضة ديالو د لاناݣنوريسيس (anagnorisis) ب تخميمتو: "نتا غير بوحدك… لي خلّاني ننسى لحلم ديالي".
لغدر و التار هوما طيمات كبار ف السيرية. ݣاتس تمحن ب لغدر منين ݣامبينو باع لحم ݣاتس ل عسكري خر على وديت شوية د السوانت. ف اللخر ݣاتس غاياخد تارو من لعسكري، ب لقتيلة ديالو ف ساحة لمعراكة و ف اللاحق غايقدر يقتل حتى ݣامبينو. ݣاتس ولّا باغي التار من بعد ما رفاقو تغدرو من ݣريفيث و تضحّى بيهم من يد الرب. هاد الرغبة على قبل النتيقام كانت هي السباب الساسي د النجو ديالو.
الدين حتى هو تقاص ف السيرية، ب شكل ساسي من لكاراكطيرات د موزݣاس و فارنيز. مييورا قال بلي موزݣاس تبازا على لكونصيپط د الشخصية لقاصحة باش يصاوب واحد لكاراكطير متعصبة دينياً بلا حتى فليكسيبليتي. فارنيز محطوطة كا فيݣورا د فرسان السنسلة لحديدية السماوية، لي هوما موفتيشين مطلوب منهم يحرݣو لمهرطقين (Heretics) و لموشعويدين. من مورا ماتلاقات هي معا ݣاتس، صابت بلي صعيب ب شكل غادي و كايتزاد تلقى حل ل لإيمانها ب لفضايع لي ولات طرف فيهم، ف لوقيتة لي ݣاتس، على لعكس منها، كايدير أفعال ضد شي حاجة مامتافقش معاها. ݣاتس كاينتاقد لفكرة د الصلا، و على حساب ريّو لفعلة د التسلام ب ليدين ماكادير والو من غير كاترد الناس كايتجنبو يتقاتلو على قبل حياتهم. فارنيز ف اللخر غاتبدى ترفض دينها و التصلاب د معتقداتها من مور ماعرفات حقيقة موزݣاس. من مورا لمعراكة بين ݣاتس و موزݣاس، فارنيز قررات باش تتبع ݣاتس، باش تلقى هدف جديد ف حياتها، بعيد على مقامها الجتيماعي و لكانيسة.
لميديا
بدللمانݣا
بدلكتبها و رسمها كينطارو مييورا، لمانݣا بيرزيرك بدات ف لمجلة الشهرية د هاكوسينشا، آنيمال هاوس ف 25 غشت 1989. هاكوسينشا نشرات الطانكووبون اللولاني د بيرزيرك تحت من مطباعة دجيت كوميكس ف 26 نونبر 1990. ف 1992، آنيمال هاوس الشهرية جات ف بلاصتها يونݣ آنيمال، فين تستئنف النشر د السيرية ف أكتوبر من نفس لعام. مييورا كمّل ف النشر لمامنتاضمش د السيرية ف هاد لمجلة النص شهرية حتى لموتو ف ماي 2021؛ السيرية تستئنفات ف يونيو 2022، تحت ليشراف د لمانݣاكا عشري مييورا، كووجي موري، معا الرسيم د لݣروپ د معاونين مييورا و لمتعلمين من ستوديو ݣاݣا. ف يونيو 2016، لمطباعة التابعة ل هاكوسينشا، جيتس كوميكس، و أول سبعة و تلاتين طانكووبون د بيرزيرك تعاود ف النشر ديالهم ب رسمات د لغلاف جداد. لڤوليم ل41 لي من مور لموت جا ف نسخات عاديين و خاصين؛ اللخرين شملو رسمة مطروزة خاصة من مييورا و سيدية دراما. الطانكووبون ال42 خرج ف 29 شتنبر، 2023.
لآنيمي
بدلالسيرية اللولا (1997–1998)
بدلبيرزيرك تآضاپطا ل سيرية آنيمي تلفازية د 25 حلقة، من إنتاج نيپون طيليڤيجن و ڤاپ، لانيماسيو من أوريينطال لايت و مادجيك، و إخراج ناوهيطو طاكاهاشي. أول حلقة بدات ف لآرك د السياف لكحل و من بعد كايكحاز ل آرك لعصر الدهبي. هاد لانيمي تبتّ ف الجاپون ف نيپون تيڤي من 8 أكتوبر 1997 ل 1 أبريل 1998.
السيرية د لافلام (2012–2013)
بدللآرك د لعصر الدهبي تآضاپطا ل واحد التلاتية د أفلام لانيمي السينيماويين من ستوديو °4C. أول فيلم، لبيضة د لماليك، تدشن ف الجاپون ف 4 فبراير 2012. لفيلم الجاوج، معراكة ضولدري، بدا ف الجاپون ف 1 فبراير 2013. واحد النسخة منقولة ف التلفازة معنونة "نسخة تدكارية"، تبتّات من 2 أكتوبر ل 25 دجنبر 2022.
السيرية الجاوجة (2016–2017)
بدلواحد لآضاپطاسيو جاوجة د سيرية آنيمي تلفازية من إنتاج ليدين فيلمس و لانيماسيو د ݣيمبا و ميليپينسي. لموسم اللول د سيرية فيه 12 لحلقة غطى لآرك د لمانݣا د لإيدانة. السيرية تنقلات ف واواو و إم بي إس من 1 يوليوز ل 16 شتنبر 2016. لموسم الجاوج لي فيه 12 لحلقة غطى النص اللول ديال لآرك د لمانݣا الصقر د لبراطورية لألفية، و تبت من 7 أبريل ل 23 يونيو 2017.
لوعاب لڤيديو
بدلجوج د لوعاب لڤيديو مبازيين على بيرزيرك تديڤبوپاو من يوكيز، اللعبة اللولا، سيف لبيرزيرك: ݣاتس رايدج (ベルセルク 千年帝国の鷹篇 喪失花の章، بيروسيروكو سينّين طييْكوكو نو طاكا هين واسيوريبانا نو شوو، "بيرزيرك–آرك صقر لالفية: شاپيطر د النوّارات الضايعين")، تطلقات على قبل دريمكاست ف جاپون من شركة ASCII ف اللخر د 1999.
اللعبة التانية، بيرزيرك: صقر لالفية هين سييْما سينكي نو شوو (ベルセルク 千年帝国の鷹篇 聖魔戦記の章، بيروسيروكو سينّين طييْكوكو نو طاكا هين سييْما سينكي نو شوو، بيرزيرك آرك صقر لالفية: شاپيطر د التسجال د حرب الجنون السماويين)، تنشرات من شركة سامي ب شكل حصري ف الجاپون ف لپلايسطايشن 2 ف 2004.
واحد السپين أوف فيها طيمة د بيرزيرك تابعة ل سيرية اللوعاب داينستي ويريْرز ديال أوميݣا فورص، معنونة بيرزيرك و عصابة لباز (ベルセルク無双، بيرزيرك موسوو) تطلقات ف 27 أكتوبر 2016، ف الجاپون، و موراها ف ميريكان ف 21 فبراير 2017، على قبل پلايسطايشن 4، پلايسطايشن ڤيطا، و لپيسيات من السيرڤيس ستيم.
ف واحد لحدت تعاوني معا دراݣونس ضوݣما، السلاحات و الدروع من بيرزيرك: لافلام د آرك لعصر الدهبي تزادو ل لعبة، و كاراكطيرات مصاوبين د شين ميݣامي طينسييْ: لبيرايشن Dx2 كيف ما كايبانو ف السيرية التلفازية د بيرزيرك ديال 2016 لي تقدر تلعب بيهم. ف دجنبر 2021، لينييدج دابليو د MMORPG علنات واحد لمعاونة معا بيرزيرك، منها لقدرة باش تلعب ب ݣاتس.
الريوايات
بدلواحد الريواية سپين أوف، معنونة بيرزيرك: فارس تنين الشعلة (ベルセルク 炎竜の騎士، بيروسيروكو إينريوو نو كيشي)، كتبها ماكوطو يوكامي و رسمها كينطارو مييورا، تطلقات ف 23 يونيو 2017. كاتركز على لپاسي د لمرسول ݣانبيلد من لعصابة الجديدة د لباز.
الستيقبال
بدلالشاپيطر لپروطوتيپ د بيرزيرك ديال عام 1988 جات التانية ف جايزة مدراسة لمانݣا كوميكومي. لمانݣا جات فيناليست ف النسخة التانية، التالتة، الرابعة، و لخامسة ديال جايزة أوصامو طيزوكا التقافية ف 1998، 1999، 2000، و 2001 ب شكل مرادف. ف 2002، بيرزيرك ربّح مييورا الجايزة د لمتياز ف النسخة السادسة د جايزة أوصامو طيزوكا التقافية، ربح هو و طاكيهيكو إينوي، لي ربح الجايزة لكبيرة على قبل ڤاݣابونض. بيرزيرك كان واحد من لاعمال لموصيين بيهم من اللجنة د قسم لمانݣا ف النسخة لخامسة و السادسة ديال جوايز فيستيڤال فنون لميديا د الجاپون ف 2001 و 2002 ب شكل متابع. بيرزيرك: لخلوق د السياف لكحل، واحد لڤيديو تجاري د 15 التانيّة على قبل لاضاپطاسيو د السيرية لانيمي التلفازية د 2016، كان واحد من لاعمال لموصيين بيهم من اللجنة د قسم الترفيه ف النسخة لعشرين د جوايز فيستيڤال فنون لميديا د الجاپون ف 2017.
ف 2016، بيرزيرك جا ال38 ف الليستة ال17 د "كتاب د لعام" من مجلة دا ڤينتشي؛ و جا ال44 ف الليستة ال22 ف 2022 د نفس لمجلة. ف الطومبولا مانݣا صووسينكيو ديال تي ڤي آساهي ف 2021، لي صوّتو فيها 150,000 واحد على قبل أحسن 100 سيرية د لمانݣا، بيرزيرك جا ل91.
ف 2007، لمانݣا خدات جايزة أحسن مانݣا د سيينين ف جوايز جاپون إيكسپو. بيرزيرك ربح الجايزة لكبيرة د لانيمي و لمانݣا د آنيميلاند لفرانساوية ف أحسن مانݣا كلاسيكية د سيينين ف 2008، 2009، و 2013. ربح جايزة برصالونة د لمانݣا الصبليونية ف لكاطيݣوري د السيينين ف 2013 و 2012. لڤوليم الربعطاش الشمال أمريكي ديال النسخة ديلاكس التابعة ل دارك هورس كوميكس ترشح ل جوايز لهارڤي ف لكاطيݣوري د أحسن مانݣا ف 2024.
لبيع
بدللڤوليمات 33–41 من بيرزيرك بداو ف الستة اللوالا ف الطابلو د لمانݣا السبوعي د أوريكون من 2008 ل 2022؛ لڤوليمات 34 و 40 بداو هوما اللولين ف 2009 و 2018 ب شكل متابع. ف يونيو 2015، لمانݣا باعت كتر من 27 مليون كوپية ف التسركيل ف الجاپون و 8 لمليون كوپية ف لعالم؛ كتر من 40 مليون كوپية ف التسركيل ف يناير 2016؛ كتر من 50 مليون كوپية ف التسركيل (ب لحساب د لڤيرسيوات الديجيطال) ف ماي 2021؛ و كتر من 60 مليون كوپية ف التسركيل (ب لحساب د لڤيرسيوات الديجيطال) ف شتنبر 2023.
بيرزيرك خدا واحد الجايزة د لمتياز ديال دينشي شوسيكي طايشوو (جايزة إي بوك) التابعة ل هاكوسينشا ف 2015، لي كانت أكتر مانݣا ديجيطال ف لبيع ب النسبة ل هاد دار النشر من 1 يوليوز 2014 ل 30 يونيو 2015؛ لمانݣا ربحات نفس الجايزة ف النسخة ديالها د 2021، لي كانت أكتر مانݣا ديجيطال ف لبيع ب النسبة ل دار النشر من 1 يناير ل 31 دجنبر 2021.
ف مارس 2017، مايكل ݣومبوس، مودير النشر الدولي و الترخيص ديال دارك هورس كوميكس، ريپورطا بلي بيرزيرك كان أكتر پرودوي تباع ف ݣاع لوقات (ماشي غير ف لمانݣا)، و حييد من لعرش لمانݣا الديب لوحداني و الجرو، و باع كتر من 2 مليون كوپية ف أمريكا الشمالية ف شتنبر 2018.
من مور لإعلان د موت مييورا ف ماي 2021، تريپورطا بلي لڤوليمات التمنية اللوالا د نسخة ديلاكس د بيرزيرك التابعة ل دارك هورس جاو ف الليستة د آمازون ديال أكتر كتوب تباعو. على حساب ICv2، بيرزيرك كان الرابع ف أحسن فرانتشايز د لمانݣا تباعو د Q4 ف 2021 (شتنبر–دجنبر) ف ميريكان و كان عاشر "أحسن فرانتشايز د لمانݣا ف لمفعولية" ف السطارات د لبيع ب الديطاي، على حساب لحسابات د السيت ويب لي فيه فراتشايزات لمانݣا لي عندهم أزيد بيع ف لڤوليم. لڤوليم اللولاني د نسخة ديلاكس د دارك هورس كان واحد من أكتر لڤوليمات د لمانݣا تباعو ف 2022؛ كان عاوتاني واحد من أكتر لڤوليمات د لمانݣا تباعو ف 2023.
لكريتيك
بدلبيرزيرك تشكر ب شكل عريض من لكريتيك. من مور مادار الريڤيو د لڤوليم اللولاني، مايكل آرونسن د مانݣا لايف وصف بيرزيرك "ميكس عجيب من لبربارية د لعصور لموسطين، السحور و الطيكنولوجيا لمستقبالية، لي كايجمعو لغيلان، السلاحات و الدم. لحاصول ب شكل زوين هو واحد لاكسيو واعرة ب عنف دموي ب شكل كافي باش تخلّي لفانز ديال هاد النوع لفني فرحانين". پابليشرز ويكلي كتبات: "بيرزيرك كايعطي واحد لمونطاج د لعنف لي بلا رحمة و تتابوعيات د لاكسيو فيهم السوسپانس ف تخليطة من لفنطازيا الصافية و لخليعة لݣرافيك". ݣرانت ݣوودمان د پوپ كولتشر شوك كتب: "بيرزيرك كايعاود تعريف شنو لي كايعتابر مانݣا د لفنطازيا مكتوبة مزيان. كاينين شوية د لمانݣات لي كايجيو قرابين ل صنيع حجاية معقدة لي كاتشمل لحروبات د لعصور لموسطين، السحر، و لخليعة". و هو كايدير الريڤيو ل لڤوليمات الجوج اللوالا، ݣريݣ مكلهاتن ديال ريد آباوت كوميكس كتب: "مازال صعيب تيضونتيفيي شنو هو السر دبيرزيرݣ ف لقدرة د صنيع الدهشة. واش لكاراكطيرات ؟ لمنضر لڤيزويل د لوحوش؟ التلميحات الصغار على شي پاسي معدب، بحال لوشام د ݣاتس لي كايسيل ب الدم؟ ݣاع داكشي لي لفوق؟ أنا مايقّنش، و لايني عارف بلي أنا مبهور". ف الريڤيو ديالو على لڤوليم التالت، دانييل بريسكووْ د فاندوم پوست عيّط على السيرية "واحد لقصة طراجيدية د لحسيفة، لعنف، و لبراءة الضايعة'" و زاد بلي مييورا "عرف كيفاش يدكّس بزاف د لاحاسيس، الزوينين و لخايبين ب جوج، حداهم شلّا عنف و دم كايبانلي هادشي دليل على لكتابة و الرسيم دياولو".
ف الريڤيو ديالو على لڤوليمات الستة اللولين، ساتياجيت تشيطري ديال رولين سطونز كتب. "معا لمسالية د لڤوليم لخامس، بيرزيرك بدّل شكلو ل واحد لحجاية مؤتيرة على لبنادمية، الصحبة و الطوموح. هي قل ف داكشي د تطواش الدم و كتر ف داكشي د لختيارات لي تدارو من لكاراكطيرات، التويستات الصغارين لي ف اللخر غايردّو الصحاب عديان". و هو كايريڤيوي لڤوليم الطناش، إدواردو م. تشاڤيس لي كايكتب ل آنيمي أون ديڤيدي، علّق بلي وخا النشر ديالو الطويل ف التسركيل، "بيرزيرك كايصدم و أونيك كيف ما كانت ديما حتى ل هاد لمرحالة ف السيرية. كاينين غير شي شوية د لعناون (لاعمال) لي يمكن ليهم يداومو النيڤو د الشدّة و و تبقى عندهم علاقة ب لمانݣا كيف هاد لعمل". ف الريڤيو ديالو على لڤوليمات ال22 اللولين، سكوت كامبل ديال آكتيڤ آنيمي كتب: "لمواطع لغارقين و لمعتمين لي هاد لمانݣا كاتسافر ليهم ف لقصة و التعبير لفني ب جوج بيهم يقدرو يكونو متيرين ل النتيباه و كايشدّو لعقول ب نفس لقياس د لخليعة ديالهم"، و زاد بلي ماكاينينش شي بزاف د لقصص لخرين ولا لمانݣا بحال بيرزيرك". دواك بورتشي لي كايكتب ل SciFi.com ݣال: "كينطارو مييورا عرف كيفاش يصاوب قصة لي ماشي غير كاتخوّف ب شكل مضلم و صافي، و لايني عاوتاني كاتقيص و ف واحد النيڤو غارق على لي يقدرو يوصلو ليه جل لاعمال د لمانݣات". بورتشي شكر الديڤلوپمو د لقصة و لكاراكطيرات، و ستنتج: "هو ماشي ل ضعاف لقلوب، بيرزيرك متالي ل فانز د لمانݣا لخاترين لي كايعجبهم شوية دم معا الدراما دراما ديالهم".
ف لموسوعة مانݣا: لݣيد بكامل (Manga: The Complete Guide)، لكتاتبي ديالها دجايسن طومسن عطى ل بيرزيرك 4 د النجمات من ربعة. عيّط على لمانݣا "واحد لملحامة د السيف و السحور منقوعة ف الدم ب عناصر ديال هيلرايزر ديال كلايڤ باركر و كتب،" لعالم لأوروپي د لعصور لموسطين ديال لغيس و الدم واقعيين ب زايد–و مرسوم ب تفاصيل واقعيين بزاف–ل داراجة منين عناصر لفنطازيا لكحلة كايبداو يجيو، كايديرو هادشي ب واحد لخليعة تقيلة و كاتشد النتيباه". طومسن، ف واحد الريڤيو ل j-pop.com، كتب عاوتاني: "وخا كاين التݣزار، بيرزيرك ماكاتحسش لاأخلاقي كيف يقدر يكون؛ لبطل ديالنا قتّال، و لايني يلا خدينا ف لبال قصتو لخلفية لمديڤلوپية مزيان، دموعو د الندامة لي كايطيحو مرّة مرّة كايبانو زوينين كتر من، خلّينا نقولو، لمانݣا كرايين فريمان (Crying Freeman). ف مقال خر، لي كتبو ل آنيمي نيوز نيتوورك (آنن)، طومسن ݣال بلي بيرزيرك بدا ب صيفتو "لقصة د واحد السياف وحداني كايسافر لعالم و كايتقاتل معا الجنون ب الدم و لعرَق"، و ف اللاحق تقلْب ل واحد "لفنطازيا لوعاب الرول پلاي ب رباعة د لابطال لي فيهم، مستخدم سحري، شفار، موقاتيل، شي إيلفات، إلخ."، و علّق بلي مييورا كيف ما كايبان كان "كايڤيزي السيرية ل مجموعة لعمرية د الناس الصغار". وخا هادشي، طومسن قال: "أنا مازال مبهور ب الرسيم لواعر د مييور و لقدرة ديالتو على صنيع واحد لقصة طويلة ب قاعدة واسعة (ب لموقارنة معا لمانݣات لخرين، علاقل) و شوية د لفيلرز. حتى شي مانݣا سييْنين خرة د لفنطازيا ما عندها شي كاراكطيرات مديڤلوپيين مزيان ب قصص خلفيين غارقين، وخا يكونو حتى كاراكطيرات صغار".
مات فاݣالي، لي كايكتب ل كرانتشيرول حلّل التخدام د بيرزيرك ل خصايل د مانݣا الشوونين و الشووجو ف لآرك د الطفال الضايعين (ڤوليمات 14–16)، لي ودّاو ل واحد "السرد أصلي و محرّك ب لكامل". فاݣالي علّق على لپروطاݣونيست د لآرك، جيل، و لكلام ديالها لي فيه لآمل ف اللخر د لقصة، و زاد: "عمرني ما شفت شي مانݣا د شوونين ولا شووجو لي كايعبّرو ب هاد لملحوضة ب نفس الزعامة، لغرق، و التحساس الداتي كيف ما بيرزيرك". كارل كيملينݣر، لي كايكتب ل آنن، ف الريڤيو ديالو على لڤوليم ل35، قارن التسافيرة "لعامرة ب لوحوش" د ݣاتس ل إيفهيلم ب قصاص لفنطازيا ديال روبرت إي هاورد و، ف لموقارنة ديالو ل هاد لڤوليم ب لڤوليمات لفايتين، كيملينݣر كتب بلي السيرية طاحت واحد الدرجة، وخا قال بلي ماكانتش واحد "الطيحة كارتية"، و لكن "غير السيرية رجعات طاحت ل واحد لموض مرتاح، و فيه لمغامرة لكلاسيكية". بريتاني ڤينسنت ديال أوطاكو ميريكان قالت: "بيرزيرك بلا شك واحد من أكتر لفنطازيات لأونيك و لي مدخلين الستيل ويسطيرن ف ݣاع لوقات". إيريك فريدريكسن لي كايكتب ل سايفاي واير قال: "بيرزيرك واحد من أكتر لمانݣات الطوال ف التسركيل، و ب شكل تابت واحد من أكتر لمانݣات لمجهدين عاطفياً". بيتر فوبيان لي كايكتب ل كرانتشيرول عبّر: "بيرزيرك واحد من أكتر لاعمال الشخصيين لغارقين قريتهم ف حياتي، على قبل راسي و على قبل لإدراك ديالي ل لعمل د مييورا. الطرونسفورماسيو د السيرية ف ال30 عام لي دازت ب شكل فني و ب شكل طيماتيكي فرّادية ب زايد، ل درجة صعيب تلقى شي عمل خر ب نفس التقل".
الرسيم
بدلالرسيم د مييورا ب الضبط تشكر من لكريتيكس. بورتشي قال بلي ف الرسيم فين بيرزيرك "كايضوّي بزاف" و زاد: "لخدمة د التضلال لمقاطع (cross-hatch)، النيڤو د الديطاي، كلشي واعر. كل صفحة كاتعتابر عمل فني، كل مشهد مرسوم ب تركيز ماكاينش بحالو ل الديطاي و لاطموصفير". هو قارن الرسيم معا لكوميكس د لخليعة د عوام 1950 من إي سي كوميكس و لقاه لايق ل "الطبيعة بوحشية" د السيرية. بورتشي ستنتج: "مييورا واحد لفنان و كتاتبي موهوب بزاف، و السيريات د لمانݣا لموستقباليين دياولو غايكونو كايتسناوهم ب شكل كبير". طومسن قال: "الرسيم د مييورا واحد من لمفاتن لحقيقيين. الناس شي مرّات يقدرو يبانو ف شي شكل، و لايني لقصبات، لفرسان، لعوادن، و التزواقات لباروكيين و الرومانيسكيين مرسومين ب الديطاي و لعبار". مكلهاتن كتب بلي هو كان "ݣاعما كان مبهور بزاف" ب الرسيم د مييورا ف لبدية، و لايني بدل ريّو من مور ما بانو الجنون، و قال: "مييورا كايرسم الجنون ب واحد الطريقة غالطة و كاتخوّف ل داراجة كاتولّي ݣاعما كاتجيب الراحة ف الشوفة. بحال هاكدا خاصهم يبانو الجنون، ب طبيعة لحال". پابليشرز ويكلي كتبات: "هاد لعمل عندو واحد لخصلة د الستيل ديال لمانݣات لخرين د عوام ل1980، ب ديالوݣ مفرّق، مشاهد ناضيين د لاكسيو و رسيم حرش د لكاراكطيرات. التضلال (shading) ب لقلام و تخدام الضلال كايعطيو واحد النبرة مشؤومة". كامبل كتب: "ماغاديش تعرف شنو كايعني "لهتيمام ب الديطاي" حتى غاتقرى بيرزيرك–واحد لحاجة نادرة ب النسبة ل هاد لمانݣا ف داكشي ديال شنو كاتعطي ل لقوراء، عليها بلا مانتعجبو علاش هاد لمانݣا بارزة كيف ما هي دابا". كامبل علّق عاوتاني: "أقرب حاجة لي تقدر تكون بيرزيرك ب شكل شوفي هي كلايمور، واحد لمانݣا واعرة بزاف–و لكن راه بصح بيرزيرك ف طابق ديالو بوحدو". سيردار يوݣولالپ لي كايكتب ل آنن قال بلي الرسيم ديال لڤوليمات اللولين "شوية حرشين كتر و مصقولين ب شكل قل على لڤوليمات لي من بعد"، و لكن من مور لڤوليم التامن "تقريباً ماكاينة حتى صفحة ماكاتبانش ماضية"، و زاد بلي "لحب د مييورا ف لهتيمام ب الديطاي ف ݣاع الصفاحي و اللوحات شي حاجة واعرة". كايسي بريينزا لي كاتكتب ل آنن قالت: "الرسيم د مييورا ناضي و مرسوم ب شكل كايجيب الدهشة بلا لمعاونة ديال الجيش د لمعاونين. و ف لوقيتة لي هو كان واعر من الصفحة اللولا د لڤوليم اللول، ولّا حسن ف لعوام لكتار و هو كايخدم على بيرزيرك".
ف ريڤيو خر ل ݣرافيك ناڤل ريپورتر، بريينزا كتبات، "على لعكس من لمانݣاكات لخرين الناجحين تجارياً تقريباً، مييورا خرّج الرسيم ديالو بلا معاونين، و الديطاي لواعر ديال هاد لاعمال د لفنطازيا لعالية لإيروتيكيين و لݣروطيسكيين (ero guru) لي كايشبهو ل داندجنز & دراݣنز (Dungeons & Dragons) من يدو بوحدها"، و زادت بلي هاد لمانݣا "كاترضي الدوق د الرجال و النسا ب جوج". كارلو سانطوس، لي كايريڤيوي ل آنن، كتب، "لكونطرول لكامل د مييورا على الضو و الضل كايعطي ل كل لحضة كاليطي من عالم خر–هاد لوحدة من السيريات لقلالات لي ب كل صراحة تقدر تدّاعي بلي كاتدّي لقوراء ل شي زمانات و وقات خرين– و لهتيمام ب لخلفيات منضر كايترحّب بيه ف لوقيتة لي شلّا فنانا خرين معݣازين باش يتسوقو ل هادشي". كيملينݣر كتب بلي الرسيم د مييورا "من بين أكتر لفنون لمعقدين، لموتيرين و لبسيطين ب شكل زوين لي تحطو ف شي پاج و مرتبين ب شكل سينيماوي. كايرسم وجوه معبرين ب شكل عجيب، وحوش كايآنسپيريو الدهشة، دروع زوينين و شوية من أحسن لمشاهد الدمويين لي كايتلقاو ف أي بلاصة". تشيطري وصف لعالم لاخر د مييورا لي بان ف لآرك اللول ب "شي لحاجة لي يقدر إم سي إيشير مضروݣي يرسمها"، و قشع عاوتاني التكريمات ل هيلرايزر و أسطورة كتولو د إيتش. پي. لوڤݣرافت، و عيّط على مييورا "حجاي د لقصاص واعر لي رسيم ديالو واضح و زعايمي ب شكل كافي باش يجيب لحياة ل لعالم د ݣاتس ب شكل رايع". برونا پينيلياس لي كاتكتب ل آي دجي إن علّقات بلي النيڤو د الديطاي د مييورا ف الرسمات دياولو "كايجيب الدهشة من لبدو ل لمسالية"، و شكرات الديزاين و خصايل لكاراكطيرات، و زادت بلي هو كان قادر باش "يصرع رسيم لخصايل و لاحاسيس بحال التقصاح، لغضب، و الزعاف". آليكس تراوب ديال نيو يورك تايمس علّق على لموقارنة بين رسمات مييورا و الرسمات التشكيليين (painting) د هيرونيموس بوش، ب الضبط التصاور د مييورا على قبل "لفيݣورات لبنادميين الصغيورين لي كايسكنو مناطق طبيعيين سحريين و واسعين"، و زاد، "السي مييورا كان معروف ب الستيل ديالو الناضي و لآپوكاليپتيك، تصاور مخصوصين–السيف عملاق، وخش مخبي ف الضل–هوما خصايل لي يقدرو يعرفوهم لفانز دياولو".
لإرت
بدلبيرزيرك كايتشاف بلي واحد من أكتر لاعمال د لفنطازيا لكحلة ف التأتير. بيتر فوبيان، ف واحد لمقال على لإرت و التأتير د بيرزيرك، عيّط عليه "واحد لمونوليت ماشي غير ف لآنيمي و لمانݣا، و لكن حتى ف أدب لفنطازيا، لوعاب لڤيديو، و زيد من عندك"، ب لموقارنة ديال النيڤو د التأتير ديالو ب بلايد رانر، و زاد، "صعيب تخايل كيف غادي يبان لعالم بلا بيه، و جيال د الصانعين لي هاد السيرية آنسپيراتهم".
على حساب لكتاتبي و لموحرير كازوشي شيماضا، السيريات بحال فولميطال آلكيميست، هجوم لعمالقا، ديمن سلاير: كيميتسو نو يايبا ولا جوجوتسو كايسين ماغايكونوش موجودين كون ماكانش بيرزيرك. شي كتاتبيا د لمانݣا ديال لفنطازيا لكحلة لي ديكلاراو ب التأتير د بيرزيرك منهم هاجيمي إيساياما (هجوم لعمالقة)، كازوي كاطو (إيكزورسيست زرق)، و يانا طوبوصو (باتلر كحل). كتاتبيا خرين لي تأترو ب بيرزيرك منهم ماكوطو يوكيمورا (ڤينلاند صاݣا و پلانيطيس). يووكي طاباطا (بلاك كلوڤر)، و ريووݣو امريكا (باكّانو! و دورارا). آدي شانكار، لمونتيج د السيرية د الروسوم لمحرّكين كازلڤينيا، قال ف واحد لانطيرڤيو بلي ماغاديش يكره يآضاپطي بيرزيرك، و لي عيّط عليه "زين مديطايي ب شكل زايد" على الرسيم د مييورا و زاد "تحفة د بصح"، أما آدم ديتس، لموخريج لمعاون ف كازلڤينيا، قال بلي هاد الشوو تآنسپيرا من بيرزيرك
لكريتيكس بحال دجين پارك ديال واشنطن پوست و رامزي إيزلر ديال آي دجي إن علّقو بلي بيرزيرك بدا واحد الطريند شوفي ديال لكاراطيرات لي كايشييرو ب سيوف عملاقين لي من كلاود سترايف من فتينال فانطاسي VII، ضانطي من ديڤل ماي كراي، و إيتشيݣو كوروساكي من بليتش.