بوغطاط

لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين.

بوغطاط ولاّ الشلل د النعاس هو واحد الظاهرة تاتجي لبنادم ملّي تيكون ناعس. اللي تيوقع هو لواحد تيفيق ولكن ماتيقدرش يتحرك (ما بين شوية د التواني تال شي دقايق)، و تيبقا مشلّل. لحاجة لوحيدة اللي يقدر يدير لواحد هي يحرك لعضلات د عينيه وحجبانو (ولكن ماكيشوفش شنو ضاير بيه)، و واخا يحاول يهضر ولا يغوت ولا يبكي ولا يتحرّك ما تيقدرش.

رسمة ديال لفنان السويسري هونري فوسيلي ف 1781 حاول يرسم فيها بوغطاط

بزاف د الناس تيفسرو بوغطاط باللي هو جن تيجي ف النعاس، و تيڭلس على لواحد و يخنقو، و كاين اللي تيقول باللي غي حلمة خايبة. بالنسبة للطب، هاد الظاهرة عندها تفسير علمي، و هي باللي الدماغ والضلوع تيكونو باقي ناعسين ومرخيين ولكن لعين تاتكون واعية، وعليها مايقدرش لواحد يتحرك لشويا د لوقت واخا يبغي.

الطبّا تينصحو لواحد باش ينقص من الستريس و يدير الرياضة وينعس عدد كافي ديال السوايع باش ما يجيهش بوغطاط.

عيون الكلام

هادي زريعة ديال مقالة خاصها تّوسع. تقدر تشارك ف لكتبة ديالها.