باب دارنا
باب دارنا هولدينݣ، معروف كتر غير بسميت باب دارنا، هي واحد شاريكة مغريبية ديال لإنعاش لعقاري، كيقولو بلي بدات ف 1990،[1] ولاكين ماتحلات رسميا حتال 18 أكتوبر 2019،[2] مولاها هو سيدي محمد الوردي لي من قبل كان موضاف معا وفاسلف ؤ وفاكاش.[3]
باب دارنا
| ||
| معلومات أساسية | ||
| نوع د لمؤسسة | شركة عقارية | |
| لبلاد | لمغريب | |
| تاريخ د تّأسيس | 1990 و 18 أكتوبر 2019 | |
لبدية بدل
لقصة كاتبدا ب ضبط ف 2013 ملي باب دارنا بدات كاتبان ف ساحة ب لإشهارات ف تلفازة وسوشل ميديا كيبينو فيهم أنهم عندهم مشاريع ديال ديور ف بزاف د لمدون د لمغريب ؤ بعروض مختالفة كاتناسب كلشي، ؤكيديرو حتا تسهيلات ف لخلاص.[4]
هاد لإشهارات، لي شاركو فيهم ممتيلين ؤفنانين، كانو كيدوزو فيهم لعروض لي كاينا بحال مثلا "تشري جوج ديور وتالتا فابور" ولا "ڤيلا بتامان برطمة"، هادشي لي خلا ناس يتيقو ؤيزعمو يشريو.[3][4]
حاجة خرا، هاد "شاريكة" حضرات لبزاف د لمعارض داخل لمغريب ولا ف لخاريج، وهادشي خلا حتا لمغاربة لي ساكنين برا يزعمو ف الشرا ديال ديور.[3]
لفضيحة ديال نّصب بدل
ف لول ديال نونبر 2019، تقريبان شي 20 واحد لي دافعين تسبيق باش ياخدو ديور مشاو كيطالبو قدام لمقر د شاريكة باش يردو ليهم فلوسهم حيت تعطلو باش يعطيهم ديورهم؛ ومن بعد ليالي من لمفاوضات، الوردي عطاهوم شيكات.[3] نهار 7 نونبر واحد من هاد الناس ؤفنفس لوقت محامي دار شكاية ضد رئيس لمدير لعام ديال باب دارنا الوردي حيت شيكات بلا رصيد.[5]
تحقيق بدل
ف 21 نونبر، الوردي تشد وتحط ف لحراسة نضرية. معا لبوليس لقضائي الوردي عتارف بلي ماكانش عندو ترخيص ديال لبني.[3]
ف 30 دجنبر، نائب لمدير لعام ؤ نمرة 2 ديال باب دارنا عتمان البوكفاوي تشد ؤهو هربان ف أبيدجون ف لكوط ديڤوار.[6]
ف نونبر 2021، خرجو تقارير بلي لوردي هرّب ل فلوس ل پاناما ؤ خدّمهم ف واحد شاريكة د ستيتمار تما[7]، ضحايا طالبو باش يتحل تحقيق ف هاد لقضية.[8]
لموحاكامة بدل
ف 12 يناير 2023، حكمات محكامة ستيناف د دارلبيضا على مول شاريكة لوردي بخمسطاش لعام د لحبس ؤ على نّوطير لي متاهم ب تزوير ب طناش لعام د لحبس، ؤ لمجموع تعطات 51 عام د لحبس لڭاع ناس لي متاهمين ف هاد لقضية.[9]
عيون لكلام بدل
- ^ Faiçal Faquihi (13 دجنبر 2019). "Affaire Bab Darna: Tromperie sur marchandise «très spéciale»?". leconomiste.com (ب لفرانساوية). مأرشيڤي من لأصل ف 2020-04-09. تطّالع عليه ب تاريخ 2020-01-25.
- ^ Wadie El Mouden (5 دجنبر 2019). "Casablanca: de nouvelles arrestations dans l'affaire «Bab Darna»". le360.ma (ب لفرانساوية). مأرشيڤي من لأصل ف 2023-01-13. تطّالع عليه ب تاريخ 2020-01-25.
- ^ a b c d e Wadie El Mouden (7 دجنبر 2019). "Enquête exclusive. L'incroyable histoire de l'arnaque Bab Darna". le360.ma (ب لفرانساوية). مأرشيڤي من لأصل ف 2023-06-05. تطّالع عليه ب تاريخ 2020-01-25.
- ^ a b Abdelali El Hourri (1 دجنبر 2019). "Affaire d'escroquerie Bab Darna immobilier: ce que l'on sait". medias24.com (ب لفرانساوية).[ليان مهرس ديما]
- ^ Wadie El Mouden؛ Khadija Sebbar (21 دجنبر 2019). "Vidéo. Affaire Bab Darna. Le curieux silence des autorités de tutelle: que dit la loi?". le360.ma (ب لفرانساوية). مأرشيڤي من لأصل ف 2023-06-02. تطّالع عليه ب تاريخ 2020-01-25.
- ^ Abdellah Ouardirhi (31 دجنبر 2019). "Bab Darna : Fin de cavale pour Othmane El Boukfaoui en Côte d'Ivoire". هيسپريس (ب لفرانساوية). مأرشيڤي من لأصل ف 2020-01-25. تطّالع عليه ب تاريخ 2020-01-25.
- ^ محمد لديب (9 نونبر 2021). "وثائق تكشف استثمار مؤسس "باب دارنا" أموال ضحاياه بشركة في بنما". هيسپريس (ب لعربية). مأرشيڤي من لأصل ف 2022-12-07. تطّالع عليه ب تاريخ 2021-11-13.
- ^ شيماء بخساس (9 نونبر 2021). "ضحايا "باب دارنا": صاحب الشركة وظف مبالغ مالية في شركة في بنما". alyaoum24.com (ب لعربية). مأرشيڤي من لأصل ف 2021-11-13. تطّالع عليه ب تاريخ 2021-11-13.
- ^ شبل، عبد الإله (2023-01-12). "المحكمة توزع 50 عاما سجنا على المتهمين في ملف النصب العقاري "باب دارنا"". هيسپريس (ب لعربية). مأرشيڤي من لأصل ف 2023-02-01. تطّالع عليه ب تاريخ 2023-01-13.