الشراط

ميّز على عبد لحق الشراط.

الشراط
‫الشراط‬ (ar) ⵛⵔⴰⵟ (tzm)
لبلاصة
لبلاد	لمغريب
لإقليم	إقليم بنسليمان
السكان
شحال دالسكان	9,754 (2014)
شحال دلفاميلات	1,856 (2014)
معلومات خرا
الرمز لجغرافي	6546926

الشرّاط (ⵛⵔⴰⵟ)، معروفة تا بواد الشراط، هي جماعة ترابية مغربية كاينة فإقليم بنسليمان، جهة دار البيضا سطات. عدد ناس لي عايشين فيها على حساب لإحصاء ديال 2014 هو 9754 نسمة.

التاريخ

تشهرات جماعة شراط أول مرة عام 1962، فاش تعرض فيها سياسي لمغربي المهدي بن بركة لمحاول غتيال، و رجعات تشهرات مرة أخرى فاش ماتو فيها جوج سياسيين مغاربة، أحمد الزايدي لي مات غارق تحت لقنطرة ديال تران بجماعة الشراط عام 2014، و تبعاتو بعد أيام لموت ديال سياسي لمغربي عبد الله باها بعد ما ضربو تران فوق نفس لقنطرة وعام 2015، غرق فهاد لجماعة 6 ديال لوليدات دفعة واحدة.

عام 2022، وزارة داخلية قررات توقف رئيس جماعة شراط سعيد الزايدي من خدمتو بتهمة لابتزاز ورشوة.

الجغرافيا

جماعة الشراط كاينة فإقليم بنسليمان جهة الدار البيضاء سطات، وهي جماعة ساحلية تاطل على لمحيط لأطلسي، بضبط هضبة شاوية سفلى. هاد الجماعة مشهورة بواد شراط لي تايقطعها، و كاتعتابر من من أغنى لجماعات فلمغريب، حيت فيها نشاط عقاري كبير تايبان فلإقامات سّكنية جديدة لي كايتبناو، و سياحة شاطئية، و لفلاحة. هاد لجماعة كاتعتابر من لأشهر فلمغريب فلإنتاج ديال لعنب دلماكلة، و تايدار فيها كل عام مهرجان ديال لعنب.

پلاج دشراط

جزء من پلاج الشراط من واد بوزنيقة

پلاج دواد الشراط هو واحد من شواطئ 26 فلجيهة ديال دار البيضا سطات، بعيد ب 52.3 كم على مدينة الدار لبيضا. فمنطقة شبه حضرية، بعيدة على مركز مدينة بوزنيقة ب 6 كيلوميترات، وهو پلاج درملة، و بلاصة مزيانة لتبحار فصيف. كاين فپلاج شراط تجهيزات مختلفة من باراسولات و قهاوي وخدمات، كيف ما فيه مركب سياحي مهجور. كايتعتابر هاد لبلاج بلاصة مزيانة لرياضة سورف وصيد بلقصبة، وكاينة فيه تجزئات ديال لفيلات وسكن راقي.

سكان

• نسبة لأمية (نّاس لّي ما كايعرفوش يقراو ولا يكتبو): 39,8%
• نسبة سّكان لّي قاريين فوق تّانوي (تانوي و جامعة): 7,1%
• نسبة نّاس نّشيطين (لّي يقدرو يخدمو): 50,9%
• نسبة لبطالة (نّاس لّي ما خدامينش و تايقلبو على خدمة): 13,1%
• نسبة نّاس اللي خدامين ف دّولة (ولا لعاطلين اللي سبق ليهوم خدمو): 2,5%
• نسبة نّاس اللي خدامين في لقطاع لخاص (ولا لعاطلين اللي سبق ليهوم خدمو):52,5%

معرض الصور

• 
  حاجز الأمواج من شائط الشراط
• 
  القنطرة المعلقة على واد الشراط
• 
  صورة تاريخية للقنطرة المعلقة لواد الشراط
• 
  صورة تاريخية لقنطرة على واد الشراط