إسپرانطو

سمع لهاد لمقال
Spoken Wikipedia icon
هاد لؤديو مخدوم من واحد نوسخة د لمقال "إسپرانطو" بتاريخ 2020-02-03، وماداخلش فيه تبديلات لي جاو من بعد.

لإسپرانطو، هي واحد لوغة صطيناعية ختارعها واحد سًيد سميتو لودڤيک لايٓتزّر تزامّنهوف ف لقرن 19 (مابين لًخر د 1870 و لًول د 1880) باش ڭاع ناس ف لعالم يبداو يهضرو نفس لوغة ويتفاهمو بيناتهم.

Ludwik Lejzer Zamenhof.
لودڤيک لايٓتزّر تزامّنهوف
أول كتاب على الإسپرانطو بالروسيا والپولونيا والفرانساويا والألمانيا

تزامّنهوف كان دكتور وطبيب د لعينين پولوني من عائلة يهودية أصلهم من مدينة بياليَسطوك (بياوٓوْسطوك), لي كانت شحال هادي د لإمبراطورية روسية و دابا تابعا لپولونيا. هاديك لمدينة كانو ساكنين فيها ناس من بزاف د القوميات بحال ليهود، لپًولونيبن، لالمان و لبيلاروس, وكانوا تيوقعو بيناتهم لمشاكيل بزاف حيث ماتيتفاهموش وماتيهضروش نفس لوغة. تزامّنهوف لاحظ هاد لمشاكيل, وعليها فكًر باش يختارع شي لوغة لي تقدر توحًدهم كاملين.

فيوليوز 1887, نشر تزامّنهوف لمشروع ديالو لي سمًاه لينگڤو ينطيْرناتسيا (لغة عالمية) فواحد لكتاب بالرًوسية لي كانت سميتو ونوا ليبرو (لكتاب لًول). ملًي كتب لكتاب كان مسمًي راسو دوكتورو يْسپيْرانطو, وهاديك هي سًمية لي تشهرات بيها تا لوغة ديالو مبعد.

لإسپرانطو مديورة باش تكون ساهلة, عليها فيها غير 16 د لقواعد لوغوية, ومافيهاش ڭاع الاستثناءات. لكلمات ديالها مصنوعين, و لأصل د لأغلبية ديالهم ماجي من الكلمات د لوغات لأوروپية (الأكثرية منهم لوغات هيندو-ٔوروپييَا).

ماكاينش احصائيات رسمية ديال شحال د ناس ف لعالم تيهضرو لإسپرانطو, ولكن كاين شي تقديرات لي تاتقول مابين 60.000[1] تال 2 د لمليون[2] د ناس تيهضروها. لأكثرية د هاد ناس ماشي لإسپرانطو هي لوغة لأم ديالهم, غي تعلموها.

لمصادرعدل