ڤينسنت ڤان غوخ

رسام هولندي (1853-1890)
(تحولات من ڤينسنت ڤان ݣوخ)

ڤينسنت ويليام ڤان ݣوخ (بالهولندية: Vincent Willem van Gogh؛ 30 مارس 1853 – 29 يوليوز 1890) رسام هولندي كاينتامي لتيار ما بعد الانطباعية، وهو واحد من أكثر الشخصيات شهرة وتأثيرا في الفن الغربي. غير فخلال عقد تقريبا استاطع انتج 2100 عمل فني، من بينهم 860 لوحة زيتية، والأغلبية ديالهم كيرجعو لعامين الأخيرة من حياتو. تنوعات الأعمال ديالو من بين مناظر طبيعية، أساليب الحياة، بورتريهات، وبورتريهات ذاتية، وتميزات بالألوان الغامقة، الطلاء المندافع، الحركي، والتعبيري واللي ساهمات فبناء الفن الحديث. ڤان ݣوخ ماكانش ناجح على المستوى التجاري، والانتحار ديالو فعمر 37 جا من مورا سنوات من المرض العقلي والفقر.

ڤينسنت ڤان غوخ
ڤينسنت ڤان غوخ
معلومات عامة
زيادة 30 مارس 1853
زونديرت (هولاندا)
لموت 29 يوليوز 1890 (37 عام)
أوبيرج رافوكس (الجمهورية الفرنسية الثالثة)
طريقة دلموت انتحار
سباب لموت ضربة بلقرطاس
لجنسية هولاندا
هولاندا
لحرفة رسام، راسم و مصمم مطبوعات
لفاميلة
لواليد Theodorus van Gogh
لواليدة Anna Carbentus van Gogh
خوت Wil van Gogh، Theo van Gogh، Cor van Gogh و Elisabeth van Gogh
شريك لا قيمة
معلومات خرى
لأعمال
ستيل فن التصوير الطبيعي، طبيعة صامتة، پورطري، منظر مدينة، interior view، بورتريه ذاتي و فن مسيحي
تأتر ب Anton Mauve، بول غوغان، Willem Roelofs، پول سيزان، بيتر بول روبنس و جان فرانسوا ميليه
Vincent van Gogh signature (Vincent).svg
IMDB: nm0994883 Discogs: 2238691 Find a Grave: 1055 Modifica els identificadors a Wikidata


ڤاز ديال السيراميك فيه زهور دوار الشمس على سطح أصفر ومع خلفية صفراء لامعة.
دوار الشمس (F.458)، إعادة للنسخة الرابعة (خلفية صفراء)، غشت 1889.[1] متحف ڤان ڭوخ، أمستردام
لوحة ذائعة الصيت لحقل ذرة مع طريق مختارقاه فالوسط تحت السماوات السوداء والممنوعة اللي كطير فخلالها مجموعة من طيور الغربان السوداء.
حقل ذرة مع الغربان، 1890. متحف ڤان ڭوخ، أمستردام

ترعرع ڤان ݣوخ في أسرة من الطبقة المتوسطة العليا، وكان جِدّي، هادئ، وعميق التفكير. ملي كان شاب، كان كيخدم تاجر فني، وكان كيسافر بزاف، ولكن ملي حولوه للندن تصاب بالاكتئاب. من بعد لقى راحتو فالدِين ودوز الوقت مبشر بروتستانتي في جنوب بلجيكا، ومع ذلك انجارفات حالتو الصحية وتصاب هاد المرة بالعزلة قبل ما يقرر باش إبدا يرسم فعام 1881، ورجع للديار ديالو مع والديه. دعمو شقيقو الصغير "ثيو" ماديا، وكانو كيتراسلو بيناتهم بالرسائل لمدة طويلة وفي الكثير من الأوقات. الأعمال ديالو المبكرة كانت معظمها كتصور أساليب الحياة ديال الفلاحين والعمال البسطاء، وكانت كتحتوي على القليل من الآثار ديال الألوان الزاهية اللي ميزات أعمالو اللاحقة. في عام 1886، انتاقل لباريس فين تلاقا مع أعضاء من الطليعية بحال إميل برنارد وبول ݣوݣان واللي كانو كينتاقدو التحسس ديال الناس من التيار الانطباعي. مع تطور العمل ديالو، استاطع ابتاكر مقاربة جديدة لمواضيع "أساليب الحياة" و"المناظر الطبيعية" المحلية. ولات لوحاتو أكثر إشراقا من حيث الألوان خصوصا ملي بدا كايطبق أسلوب طورو خلال إقامتو في أرل في جنوب فرنسا في عام 1888. خلال هاد الفترة، وسع من موضوعاتو باش تشمل أشجار الزيتون وحقول القمح وعباد الشمس.

عانى ڤان ݣوخ من نوبات ذِهان وأوهام و واخا كان ما مرتاحش من جيهت استقرارو العقلي، كان غالبا كيهمل صحتو الجسدية، وما كانش كياكل بشكل صحي وكافي وكان كايشرب الخمر بشكل كبير. انتاهت صداقتو مع ݣوݣان من بعد واحد المدابزة بآلة الحلاقة، واللي فلحظة غضب حيد فيها جزء من وذنيه اليسرى. دوز شي وقت في مستشفيات ديال الطب النفسي، بما في ذلك فترة في Saint-Rémy. من بعد ما خرج منو بمحض إرادتو، انتاقل لـ Auberge Ravoux في مدينة Auvers-sur-Oise حدا باريس وخضع لرعاية طبيب المعالجة المثلية بول ݣاشي. استمرات حالة الاكتئاب عندو، وفي 27 يوليوز 1890، طلق ڤان ݣوخ النار على صدرو بمسدس Lefaucheux[2] وتوفا من بعد يومين متأثر بجراحو.

ما كانش ڤان ݣوخ ناجح فحياتو، وكان كيتعتابر رجل مجنون وفاشل. ولى مشهور من بعد الانتحار ديالو، ودابا راه موجود في العقول ديال الناس على أنه عبقري ما تفهمش مزيان، وهو الفنان "فين كيتلاقاو الخطابات حول الجنون والإبداع".[3] بدات سُمعتو كتنمو في أوائل القرن العشرين ملي تم دمج عناصر من أسلوبو في الرسم من قبل الوحشيين (تيار) والتعبيريين الألمان. حقق نجاح نقدي، تجاري، وشعبي على مدار العقود التالية، وتذكر على أنه رسام مهم ولكن مأساوي، اللي شخصيتو المضطربة كتمثل الصورة المثالية والشاعرية للفنان المعذب. أعمال ڤان ݣوخ اليوم هي من أغلى اللوحات الفنية التي كتباع في المزادات العلنية على الإطلاق، وتم تكريم الإرث ديالو عبر متحف كيحمل الاسم ديالو، متحف ڤان ݣوخ في أمسطردام واللي كيضم أكبر مجموعة في العالم من لوحاتو ورسوماتو.

عيون لكلامعدل

  تقدر تزيد شوف بزاف د صور و معلومات ديال Vincent van Gogh ف ويكيميديا كومنز.