پاراݣواي
پاراݣواي، رسميا لجمهورية د پاراݣواي (بالصبليونية: República del Paraguay - بلݣواراني: Tetã Paraguái) هي بلاد ماكاطلش على لبحر جات ف أمريكا لجنوبية. تاتحدّها لارجونتين من لجنوب و لجنوب لغربي، لبريزيل من الشرق و الشمال الشرقي، و بوليڤيا من الشمال لغربي. واخا لبلاد كاطلش على لبحر، عندها مراسي جات ف ويدان اللي تاتصب ف لمحيط لأطلسي.
پاراݣواي
| ||||
|
República del Paraguay (es)
| ||||
| نشيد | النشيد لوطني د پاراݣواي
| |||
| لعاصيمة | أسونسيون | |||
| الساكينة | ||||
| شحال دالسكان | 6,811,297 (2017) | |||
| السمية ديال السكان | پاراڭواياني، پاراڭوايانية، پاراڭوايانيين, پاراڭوايانيات | |||
| اللوغات الرسمية | صبليونية لڭواراني | |||
| متوسط ديال لعمر | 73.12 (2016) | |||
| لجغرافيا | ||||
| لميساحة | 406,756 كم² | |||
| لقمة لعالية | جبل تلاتة د كاندو (842 م) | |||
| لبلاصة الطايحة | لواد د پاراݣواي (46 م) | |||
| لإدارة | ||||
| رئيس الباراغواي | سانتياغو بينيا | |||
| لبرلمان | لكونڭرس د پاراݣواي | |||
| سلطة لقضائية لكبيرة | Supreme Court of Paraguay | |||
| لقتيصاد | ||||
| الناتج الداخلي لكامل | 39,950,899,733 $ (2021) | |||
| لبيطالة (شوماج) | 4 % (2014) | |||
| مؤشر التنمية لبشرية | 0.717 (2021) | |||
| لفلوس | ڭواراني د پاراݣواي | |||
| معلومات خرة | ||||
| توقيت ديال لبلاد | ڭرينيتش - 4 America/Asuncion | |||
| رمز لبلاد | PY | |||
| رمز لانترنيت | .py | |||
| رمز التيليفون | +595 | |||
| نماري د ليرجونس | 911 | |||
| جيهة د صوڭان | ليمن | |||
| السيت الرسمي | paraguay.gov.py | |||
أول أوروپيين وصلو للمنطقة كانو هوما الصبليون اللي دخلو ليها ف 1524. ف 1537، أسّسو لمدينة ديال أسونسيون و حتلّو لبلاد. صبانيا ماكانتش مهتما بيها بزاف، و الناس د لبلاد علنو لإستقلال ديال لجمهورية د پاراݣواي ف 1811. من مورا لإستقلال، دخلات لبلاد ف بزاف د لمشاكل، منها حرب مابين 1864 و 1870، اللي ماتو فيها كتر من النص د السكان[1]، و مشا فيها كتر من الربع د لأراضي د لبلاد لبلدان آخرا (لارجونتين، لبريزيل و أوروݣواي). بقات پاراݣواي عندها مشاكل سياسية وحكموها بزاف د الديكتاتورات، تال 1989 فين جا آخر انقلاب عسكري، اللي بدات فيه لمرحلة د الديموقراطية ف لبلاد، اللي باقا تال دابا.
تيسكنو ف پاراݣواي تقريبا 7.4 مليون د الناس، و لعاصمة ديالها هي أسونسيون. اللغات الرسمية د لبلاد هي الصبليونية و لݣواراني، و لفلوس اللي كاتخدّم هي لݣواراني د پاراݣواي. لبلاد هي وحدا من لبلدان لقلال ف أمريكا لجنوبية اللي حافضو على التقافة ديالهم، وكتر من 90% د السكان تيهضرو لݣواراني.[2] هي عضو مؤسس د بزاف د لمنضمات دولية بحال لأمم لمتحدة و لمنضمة د لبلدان لأمريكية و ميركوسور و لحركة د عدم لإنحياز.
عيون لكلام
بدل- ^ "باراجواي - حرب التحالف الثلاثي". مأرشيڤي من لأصل ف 2021-05-16. تطّالع عليه ب تاريخ 2021-05-14.
- ^ "لغة أصلية اللي عندها صحّة كبيرة - نيو يورك تايمز (2012)". مأرشيڤي من لأصل ف 2023-07-19. تطّالع عليه ب تاريخ 2021-05-14.
|
تقدر تزيد شوف بزاف د تّصاور و لمعلومات ديال Paraguay ف ويكيميديا كومنز. |