يوسف النصيري

كوايري مغريبي

يوسف النصيري، تولد ف 1 يونيو 1997 ف فاس، هو كوايري مغربي كيلعب ف پوسط ديال المهاجيم، مع الفرقة السبليونية ديال إف سي سيڤيا.

يوسف النصيري
معلومات عامة
زيادة 1 يونيو 1997 (26 عام)
فاس
لجنسية لمغريب
سپانيا
لحرفة كوايري
لّوغات لي كيعرف عربية، لوغات أمازيغية، صبليونية و الداريجة لمغريبية
لكاريير ديال الشخص
شارك ف
رياضة
رياضة كورة
پوسط مهاجم
لجنسية رّياضية لمغريب
نمرة 26
لفراقي  تعديل قيمة لخاصية (P54) ف ويكيداطا
أعوامفرقةماتشاتبيوتا
2016–2018(Wikidata:Q29) نادي ملقا 41 (5)
2016–2017(Wikidata:Q29) Atlético Malagueño 29 (16)
2018–2020(Wikidata:Q29) نادي ليغانيس 53 (15)
2020– (Wikidata:Q29) إف سي سيڤيا 113 (35)
لمونتخاب لوطني  تعديل قيمة لخاصية (P54) ف ويكيداطا
2015–2016(Wikidata:Q1028) منتخب المغرب تحت 20 سنة 7 (3)
2016– (Wikidata:Q1028) لمنتخب لوطني لمغريبي د لكورة 49 (14)
لجوايز
Twitter: ennesyri9 Instagram: ennesyri15 FIFA: 401885 UEFA: 250109210 Modifica els identificadors a Wikidata


النصيري في مونديال 2018
النصيري مع ليڭانيس
النصيري مع ليڭانيس

لكاريير ديالو بدل

يوسف تولد و كبر ف مدينة فاس، نهار واحد من شهر ستة ف عام 1997، النصيري تكون ف فرقة المغرب الفاسي، قبل ما يدوز و هو ف ثناشر عام سنين طيسك ف لأكاديمية ديال محمد السادس د كورة،[1] و تقبل من المدير ديال الأكاديمية ديك الساع ناصر لارڭيط، اللي كان كيشرح بلي النصيري عندو مؤهلات و مقومات فيزيك واعرة، بعدما دوز واحد الوقت ف لأكاديمية، النصيري أيشد الرحيل لسبليون بعدما دوز طيسط مع فرقة مالاڭا، و أيبدا مع دوزيام إيكيب، بعد عامين مع مالاڭا، النصيري أيمشي لفرقة اخرى ف السبليون سميتها ليجانيس، اللي العمل ايدوز معاهم عامين، كان ماركا فيها و بان مزيان، باش عوتاني يبدل العتبة ف السبليون نيت لفرقة سيڤيا و تباع بعشرين مليون يورو، معاهم الناصيري أيربح أول لاقاب ف مسيرتو، و أيربح اليوروپا ليڭ جوج مرات، ف 2020 و 2023.[مصدر؟]

معا لمونتخاب بدل

ف 2016، النصيري جاتو أول كونڤوكاسيون مع المونتخاب، و المدريب ديال المونتخاب فديك الوقت هيرڤي رونار لعبو ف لعمر ديال تسعطاش عام، مع المونتخاب. يلعب النصيري، ف كاس إفريقيا 2017، كاس العالم 2018، كاس إفريقيا 2019، كاس إفريقيا 2021، كاس لعالم 2022 و كاس إفريقيا 2023، و أيولي أول لعّاب مغربي كيماركي ف جوج كيسان ديال العالم، و أفضل هداف مغربي ف تاريخ كاس لعالم بثلاثة د لبيوتا، النصيري أيسجل الهدف التاريخي ضد البرتغال، اللي أيخلي المونتخاب المغربي يوصل لنصف نهاية كاس العالم.[2]

ستيل د لعب بدل

معروف على النصيري ستيل اللعب اللي كيعتمد على الفيزيك بزاف، اللعب العالي، بطول ديال ميترو و تسعود و ثمانين، جسم رقيق، هادشي كيعطيه اجيليتي مهمة، كيعرف يلعب بلا كورة، و يقدم سخاوة بدنية ي الرجوع ديفونصيف،  و رباح ديال النزالات لا ديال الأرض والا الهوا،  عندو ديطونط، تنقيزة كيوصلوه لأبعد نقطة ممكنة، و فايت سجل بيوتا من تنقيزات ديال 2.65 مترو. القوة فيزيك ديالو كتخليه يربح بزاف ديال المضاربات، و كذلك خلاتو يماركي بزاف ديال البيوت براس، النصيري معروف عليه زايد على هادشي قدرتو على الضغط بزاف على المدافعين و الحارس و بلي كيدير مجهود فيزيك كبير ف الماتشات كاملين و هادشي اللي كيخليه عزيز عند المدربين.

تقنيا مشي واعر، كيعوض هادشي بديسپلين، و عطاء ف لونطرينما، الإصرار، لانتونستي ف اللعب.[مصدر؟]

إحصائيات بدل

المونتخاب لعام لماتشات لبيوتا
لمغرب 2016 5 0
لمغرب 2017 9 1
لمغرب 2018 7 5
لمغرب 2019 10 3
لمغرب 2020 4 2
لمغرب 2021 5 0
لمغرب 2022 17 6
لمغرب 2023 2 0

[مصدر؟]

جوايز بدل

معا لفراقي بدل

پالماريس ف لفراقي د يوسف النصيري (2 د لبوطولات)
  إف سي سيڤيا (2)

جوايز فردية بدل

  • أحسن هداف د لمنتخب د لمغريب ف كاس لعالم (3 د لبيوتا)، و أول مغريبي كيماركي ف جوج كيسان د لعالم
  • أحسن هداف مغريبي ف التاريخ د الليڭا الصبليونية، حيت فات لعربي بنمبارك ف 5 فبراير 2024[3]
  • أفضل لعاب ف لموسم معا ليڭانيس ف 2019.
  • لعاب د الشهر ف ليڭا ف يناير 2021 و أبريل 2023.[4][5]
  • ف الفرقة المثالية ديال الليڭا ف شهر يناير 2021.
  • لعاب د الشهر ف ليڭانيس ف يناير و فبراير 2019.[6]
  • لعاب د الشهر ف سيڤيا ف فبراير 2021 و أبريل 2023.
  • ف التشكيلة المثالية ديال اللعابا الأفارقة من جورنال "فرانس فوتبول" ف 2021.

عيون لكلام بدل

  1. ^ "Maroc : Le roi décore les membres de l'équipe nationale de ouissams royaux". 2022-12-20. مأرشيڤي من لأصل ف 2023-03-06. تطّالع عليه ب تاريخ 2023-06-09.
  2. ^ "Record : En-Nesyri devient le meilleur buteur marocain au mondial". 2022-12-11. مأرشيڤي من لأصل ف 2022-12-13. تطّالع عليه ب تاريخ 2023-06-09.
  3. ^ "النصيري يحطم رقم الأسطورة بن مبارك". 2024-02-06. تطّالع عليه ب تاريخ 2024-02-06.
  4. ^ "Youssef En-Nesyri, l'homme de Séville". 2021-01-11. مأرشيڤي من لأصل ف 2023-06-10. تطّالع عليه ب تاريخ 2023-06-09.
  5. ^ "Liga : Youssef En-Nesyri meilleur joueur du mois avril". هيسپريس (ب لفرانساوية). 2023-05-05. مأرشيڤي من لأصل ف 2023-05-24. تطّالع عليه ب تاريخ 2023-06-28.
  6. ^ "En-Nesyri, awarded February's Jugador Cinco Estrellas". www.cdleganes.com (ب نڭليزية). مأرشيڤي من لأصل ف 2023-05-07. تطّالع عليه ب تاريخ 2023-06-28.
  تقدر تزيد شوف بزاف د تّصاور و لمعلومات ديال Youssef En-Nesyri ف ويكيميديا كومنز.