ويكيپيديا:مسابقة ويكيپيديا ب الداريجة يوليوز 2024
ب مناسبة عيد لميلود الرابع ديال ويكيپيديا ب الداريجة، ويكيميديا لمغريب كاتنضّم مسابقة د لكتابة مفتوحة ل جميع لمشاركين.
- تاريخ لبدية: السبت 20 يوليوز 2024، الساعة 00:00
- تاريخ لمسالية: السبت 27 يوليوز 2024، الساعة 23:59
باش تعرف كيفاش تصايب كونط، تكتب مقال و مسايل تقنية خرة ف لويكي، شوف لتحت ف لفقرة د لمعاونة.
طابلو د لمشاركين و النقاط
نويطة: عدد النقاط و لمساهمات و لمقدار ديالهم ماشي كافيين باش يربح مشارك. الجودة د لمساهمات مهمّة بزاف، و خاص لمشارك يهتم ب لأسلوب و طريقة د لكتابة د لمقال باش تكون عندو فرصة كبر ف الرباح.
| نمرة | مشارك(ة) | شحال د التبديلات | مقدار د التبديلات (بايت) | نقاط |
|---|---|---|---|---|
| 1 | Abdes101 (مداكرة | مساهمات) | 46 | 26885 | 376 |
| 2 | Mr.Kenzo1 (مداكرة | مساهمات) | 23 | 24422 | 358 |
| 3 | سنوببي (مداكرة | مساهمات) | 160 | 7037 | 265 |
| 4 | Mohamed darija (مداكرة | مساهمات) | 14 | 2311 | 34 |
| 5 | شعيب الحساسبي (مداكرة | مساهمات) | 5 | 4141 | 25 |
| 6 | منير وطاج (مداكرة | مساهمات) | 3 | -65 | 3 |
| 7 | المكاوي1018 (مداكرة | مساهمات) | 2 | 0 | 2 |
| 8 | أميرة أبيها (مداكرة | مساهمات) | 2 | 8 | 2 |
| 9 | Zakiman0 (مداكرة | مساهمات) | 1 | 0 | 1 |
| 10 | الحساسبي (مداكرة | مساهمات) | 1 | 141 | 1 |
| 11 | Makhalat (مداكرة | مساهمات) | 1 | 0 | 1 |
| 12 | Zzainab aharizz (مداكرة | مساهمات) | 1 | 0 | 1 |
| 13 | Assia Ghorbal (مداكرة | مساهمات) | 1 | 0 | 1 |
| 14 | Gsyromayss (مداكرة | مساهمات) | 1 | 0 | 1 |
| 15 | سعاد اكريم (مداكرة | مساهمات) | 1 | 0 | 1 |
| 16 | Fatiha abouabdellah (مداكرة | مساهمات) | 1 | 0 | 1 |
| 17 | EL padrino37 (مداكرة | مساهمات) | 1 | 0 | 1 |
| 18 | Mossawiii (مداكرة | مساهمات) | 1 | 0 | 1 |
لقواعد د لمسابقة
- لمشارك خاصو يتقيّد ف ويكيپيديا ب الداريجة، و يدير تبديلات ب لكونط ديالو، باش يتحسبو لمشاركات ديالو (التبديلات ب لادريسة د لأيپي مامحسوبينش).
- التبديلات كيكونو محسوبين ف لمسابقة يلا طراو ف لمدة ديال لمسابقة، ماشي قبل ولّا من بعد، و التبديلات لي تّلغاو ولّا تحيّدو مامحسوبينش.
- لمشاركات لمقبولين خاص يكونو مكتوبين ب الداريجة ب حروف عربية، لي لمحتوى ديالهوم موسوعي و محايد.
- لمشارك يقدر يكتب ب الشكل و لإملاء لي كيريّحو (متلاً الدارجة، الداريجة، دّاريجة...)، ب أي لهجة ديال الداريجة د لمغريب، طالمّا لمحتوى مفهوم و باين و مافيهش إلتباس ف لمعنى.
- لجنة التحكيم عندها لقرار اللخر على الليستة د لفائزين، لي يقدرو يدخلو فيها إعتبارات ديال الجودة د لمساهمات ديال لمشارك، ماشي غير لعدد و لمقدار.
- زيادة: لمشارك ماخاصوش يكون عضو ف اللجنة د التحكيم ولّا مبلوكي ل أسباب متعلّقة ب لمحتوى.
- زيادة: أي كتاتبي دار تبديل ف ويكيپيديا ف لفترة د لمسابقة كيتّعتابر مشارك مباشرةً. يلا كتاتبي مابغاش يتّحسبو التبديلات ديالو ف لمسابقة و ماتبانش سميتو ف الطابلو د لمشاركين، يقدر يدير طلب ل أي عضو ف اللجنة د التحكيم باش يزيد سميتو ف هاد الصفحة.
التنقيط
- لمشارك كياخد 5 د النقاط مباشرةً يلا كتب مقال جديد ولّا زاد 1000 بايت ولّا كتر ف واحد من لمواضيع لي كاينين هنا
- كلا تبديل مقبول عليه نقطة
- كلا 1000 بايت من التبديلات لمقبولة ديال مشارك كياخد عليها 10 د النقاط (متلاً 10000 بايت = 100 نقاط).
- يقدر لمشارك يكتب ف مواضيع و مقالات خرين لي ماشي ف الليستة، ولايني ف هاد لحالة ماكياخدش 5 د النقاط إضافية.
الجوائز
- باش تكون فرصة د الرباح كبر، تقرّر باش يتدارو 5 د الجوائز
- ف حالة نجحات لمسابقة، غادي تّعاود بشكل دوري كتر من مرة ف لعام، و يكونو بزاف د لفرص ديال الرباح ف لعام
- جميع الجوائز على شكل روشارج د التيليفون (ديال شركة د لإتصالات ف لمغريب) ب قيم مختالفين:
- 500 درهم ل الرتبة اللولة
- 350 درهم ل الرتبة التانية
- 200 درهم ل الرتبة التالتة
- 150 درهم ل الرتبة الرابعة
- 100 درهم ل الرتبة لخامسة
- ل أسباب متعلّقة ب لقوانين ديال مؤسسة ويكيميديا و ل أسباب عملية، ماغاديش يتّعطاو جوائز من نوع أخور (فلوس، قواسم د الشرا...)، ولاكين لفائز عندو لحق يدير مابغى ب الجائزة ديالو (يبيعها و ياخد قيمتها فلوس متلا).
- لفائزين غادي يتم التواصل معاهوم ب لإيميل، داكشي علاش خاص لمشاركين ماينساوش يديرو لادريسة د لإيميل ديالهوم فاش يصاوبو لكونط د ويكيپيديا (ولّا يزيدوه يلا نساو)
اللجنة د التحكيم
- Reda benkhadra (مداكرة | مساهمات)
- Ideophagous (مداكرة | مساهمات)
معاونة
غادي يتزادو مواضيع و ليانات و ڤيديوات هنا فاش يكونو واجدين. يلا وحلتي و ماعرفتيش تدير شي حاجة، ماعليك غير تسوّل شي عضو ف اللجنة د التحكيم، أمغار د ويكيپيديا، ؤلا أي كتاتبي عندو خبرة.
- كيفاش تصايب كونط ف ويكيپيديا
- كيفاش تبدّل ف مقال
- كيفاش تصايب مقال جديد
- كيفاش تربط صفحة ب لوغات خرين