ويكيپيديا:لأرتيكل لمزيانة ديال ليوم
لأرتيكل لمزيانة ديال ليوم هيّا فقرة مديورة ف صّفحة لّولة ديال ويكيپيديا ب دّاريجة، باش تبرز أحسن لمقالات لي خدمو عليهوم لكتاتبيا ف هاد لمشروع. مبدئيا، جميع لمقالات لي كيبانو ف هاد لفقرة خاصهوم يخضعو ل معايير لجودة د مقالة مزيانة ؤلا مقالة مخيّرة. مي حيت هاد لمعايير باقي مامفعّلاش ل حد سّاعة، هادو شروط أولية مؤقتة باش تّدار مقالة كا "أرتيكل مزيانة د ليوم":
- تكون فيها موقدّيمة ب حجم كافي (3 د سّطورا بعدا) حيت هاد لموقديمة هيّا لي غادي تّزاد ف لقالب ديال لارتيكل لمزيانة
- تكون فيها علّاقل فقرة خرة كبر من لموقدّيمة
- لمقالة مايكون فيها تا شي عيب من لعيوب لمعروفين (ناقصينها عيون لكلام، مامقادّاش، مقطوعة من شجرة...)
- لمقال يكون مكمول، يعني كيعطي نضرة شاملة على لموضوع ديالو، ولاكين ماشي ضاروري يكون كامل ف جميع تفاصيلو
- مايكونش لموضوع د لمقالة حسّاس ؤلا يقدر يسبب موشكيلة، سوا ل لموسوعة ؤلا ل لكتاتبيا ديالها ؤلا تا ل لقاري لي يقدر يتأتّر بيها نفسياً (متلاً مواضيع سياسية ؤلا دينية حسّاسة لي فيها توجهات متناقضة بزاف، مواضيع لي تقدر تأدّي ل موتابعات قضائية، مواضيع جنسية...)
- مايكونش آخر تعديل فيها فات شهر، ؤلا ماتكونش دازت قبل ف لفقرة د لارتيكل لمزيانة
لپروصي
بدلزّيادة
بدلأي واحد يقدر يقتارح مقال باش يتزاد ف لفقرة ديال لارتيكل لمزيانة د ليوم. لقتيراح كيتدار ف صّفحة د لمداكرة د لمقالة. لقتيراح يقدر يتدار تا بشكل بوتي (لبوت يقتارح لمقال). ف جميع لحالات، خاص يتدار طاڭ ل إمغارن كاملين ف لموسوعة، ب لإضافة ل لكتاتبيا لي ساهمو ف لمقال. يلا لأغلبية ڤوطات باش يتزاد لمقال، كيتكلّف أمغار ب زّيادة ديالو ف صفحة فرعية ديال موضيل:مقالة الصفحة اللولا لمزيانة لي لعنوان ديالها نّمرة جّاية لي باقي ماتخدّماتش (متلاً موضيل:مقالة الصفحة اللولا لمزيانة/1، موضيل:مقالة الصفحة اللولا لمزيانة/2...) نّقل ل لقالب رّئيسي (لي لمحتوى ديالو كيبان ديريكت ف صّفحة لّولة) يقدر يتدار ب لبوت ؤلا ب ليد (من طاراف أمغار). كلّا مقال تزاد ل لقالب رّئيسي خاصو يبقا تمّاك سيمانة علّكتيرة ؤ نهار (24 ساعة) علّقليلة.
لقالب ديال لارتيكل لمزيانة كيكون محمي ؤ مايقدر يبدّل فيه غير أمغار.
تّحياد
بدللمقال لي كاين ف لارتيكل لمزيانة د ليوم يقدر يتحيّد منها. ف هاد لحالة خاص يتعوّض ب مقال أخور باش ماتبقاش لفقرة خاوية:
- يلا دازت مدة كافية (علّكتيرة سيمانة) باش تزاد.
- يلا مابقاش كيستوفي شّروط ديال لارتيكل لمزيانة د ليوم، ؤلا تبيّن بلي داز ب لغالاط بلا مايحقق شّروط بشكل كافي.
- بشكل ؤطوماتيكي ب لبوت يلا دازت مدة كاتساوي عاداد نّهارات ف لعام (365) مقسوم على لعاداد د لمقالات لمقبولين ل هاد لفقرة. لفترة ماخاصهاش تكون ف جميع لحالات قل من 24 ساعة، ؤلا كتر من سيمانة (168 ساعة). ف حالت يلا ماكانش عاداد لمقالات لمقبولين كافي، يقدرو يبقاو يتعاودو تا يتزادو مقالات جداد.
لفورما
بدللارتيكل لمزيانة ف صّفحة لّولة خاص يكونو فيها 3 د لعناصر:
- فقرة قصيرة مابين 3 تال 20 سطر، كاتشرح لموضوع (عادةً جايّة من لموقدّيمة د لمقال)، لي مافيها تا ليان حمر. يلا كانو ليانات حمرين ف لموقدّيمة د لمقال لأصلي، خاص يتحيّد منهوم لكوض ديال لّيان (جوج معقوفات من جوج جوايه)، ؤلا يتزاد لمقال لي كيدّي ليه لّيان.
- تصويرة ب حجم صغير (ستعمل لكوض ديال تّصغير) علّيسر د لفقرة
- ليان ديال "← كمل(ي) القراية …" لي كيدّي ل لمقال