ويكيپيديا:كيفاش تربط صفحة ب لوغات خرين
أغلبية د الصفاحي لي كاينين ف ويكيپيديا يقدرو يتربطو معا لموقابيلات ديالهوم ف ويكيپيديات خرين. الستيتناءَات هوما الصفاحي ديال لمجال السمياتي "ميدياويكي"، الصفاحي د الستيل (دياول لموضيلات و لمودولات)، الصفاحي د الشرح (دياول لموضيلات و لمودولات)، و بعض الصفاحي لفرعيين لخرين د لمودولات.
هاد لڭيد كيشرح كيفاش تقدر تربط الصفاحي د ويكيپيديا ب الداريجة ب لموقابيلات ديالهوم، ب طرقان مختالفين. الربيط معا صفحة وحدة موقابيلة كافي باش تّربط الصفحة د ويكيپيديا معا جميع الصفاحي لخرين.
الصفاحي د التحويل من لأحسن مايتربطوش من غير ف شي حالات خاصة.
من ويكيپيدياعدل
ف الشكل لحاليعدل
1. ف صّفحة د لمقال، شوف علّيمن لتحت شوية، غادي تبان ليك "زيد ليانات بين اللوغات" ؤ كليكي عليها
2. خاص يطلع ليك هاد الشريجم
3. ف بلاصت لّوغة دخّل لكوض د لّوغة تابعاها wiki. متلا نّڭليزية enwiki، لعربية arwiki، لفرانساوية frwiki. ف بلاصت صّفحة، دّخل لعنوان د لارتيكل ف ديك لويكيپيديا. هنا متال ديال لارتيكل د عبد الرحيم التونسي. كليكي على "ربط معا صفحة"
4. غادي تطلع ليك موراها ليستة ديال لعناوين د لمقالات لموقابيلة ف لوغات مختالفين. تيقّن بلي راك ختاريتي لموضوع الصحيح (شي مرات تقدر ب لغالاط تختار صفحة ديال التحويل ؤلا التوضيح ماشي الصفحة الرئيسية). كليكي على "أكّد"
5. يلا ماكانت تا شي إيرور، غادي يطلع ليك هاد الشريجم. كليكي على "سد الشريجم د لختيار و عاود شارجي الصفحة". يلا طلع ليك ميصاج د ليرور، هادا كيعني ف لغالب بلي الصفحة لي بغيتي تربط معاها ديجا مربوطة معا شي صفحة خرة ف ويكيپيديا ب الداريجة. سير ل ديك الصفحة (تقدر تدوز ليها من ويكيداطا ؤلا من لويكيپيديا لخرة)، و شوف واش الصفحة مربوطة بشكل صحيح، ؤلا واش خاص شي صفحة من الجوج تّحيّد، ؤلا يتدمجو بجوج
ف الشكل لقديمعدل
1. ف صّفحة د لمقال، شوف علّيمن لتحت، غادي تبان ليك "زيد ليانات" ؤ كليكي عليها
2. غادي يطلع ليك هاد سّريجم
3. ف بلاصت لّوغة دخّل لكوض د لّوغة تابعاها wiki. متلا نّڭليزية enwiki، لعربية arwiki، لفرانساوية frwiki. ف بلاصت صّفحة، دّخل لعنوان د لارتيكل ف ديك لويكيپيديا. هنا متال ديال لارتيكل د نبيل عيوش
4. يلا كان لارتيكل لي بغيتي تربط مامربوطش ديجا (سوا من جيهتنا ؤلا من جيهت لويكي لوخرة)، غادي يتزاد بلا مشاكيل.
من ويكيداطاعدل
هاد التعليمي كيهم الزيادة د ليان من ويكيداطا.
1. سير ل الصفحة ديال الستون د ويكيداطا ديال لموضوع (تقدر تدوز ليه من لويكيپيديا لخرة لي بغيتي تربط معاها، ؤلا تقلب ديريكت ف ويكيداطا). على الجنب ليمن لفوق غادي يبان ليك الصندوق لي فيه الليانات د ويكيپيديا لي مربوطين معا الستون Item. كليكي على Edit.
2. لتحت د الصندوقة غادي تبان بلاصة فين تقدر تدخل لكوض ديال اللوغة (الداريجة = ary)
3. دخّل السمية ديال لمقال ب الداريجة لي بغيتي تربطو
4. كليكي على publish
