ويكيپيديا:كيفاش تدير تسجيل ؤديو ديال مقال

بعض لمقالات ف ويكيپيديا ب الداريجة عندها تسجيل ؤديو، باش يكون لمحتوى ديالو موتاح ل الناس لي ماكيعرفوش يقراو لحروف ؤلا كيفضّلو يسمعو لمقال بلاصت مايقراوه. تقدرو تلقاو لمقالات لمهضورة ف هاد التصنيف: تصنيف:مقالات مهضورة.

كيفاش تزيد ؤديو

قرا لمقال لي بغيتي تردو ؤديو، و سجّلو ب لاپليكاسيون ديال التيليفون ؤلا لپيسي لي كاتجيك مناسبة. حسن يكون عندك مايك ب جودة مزيانة باش يكون التسجيل مزيان.
يلا كنتي سجّلتي لوديو بشكل مفرّق باش يجيك ساهل، كاينين أپليكاسيونات، ف التيليفون ؤلا ف لويب لي كيعاونوك باش تجمع التسجيلات ف فيشي واحد. كاين متلا Musik-Editor ف لپلاي سطور ف السمارتفون.
حوّل لفيشي من mp3 ل ogg لي هوّا لفورما د لفيشي لي مقبول كتر ف مشاريع ويكيميديا. تقدر هنا تستعمل هاد السيت.
طلّع لفيشي سوا ف ويكيمديا كومنز (سيت عام ديال التصاور و الڤيديوات د ويكيميديا)، ولّا نيشان ل ويكيپيديا ب الداريجة.
زيد لفيشي ؤديو ف لبدية د لمقال ب هاد الشكل: {{مقال_مهضور|سمية د لفيشي.ogg|تاريخ}}. ماتنساش تحدد التاريخ فاش تسجل لفيشي.