ويكيپيديا:طلب صلاحية بوت/AmgharBot
|
هاد لپاج راها أرشيڤ. عافاك ماتبدّلش فيها. باش تزيد مداكرة ؤلّا تعليقات جداد عافاك سير ل للپاج د لمداكرة د لوريجين. |
AmgharBot
- لخدايمي: Ideophagous
- سمية لبوت: AmgharBot
- لوغة د لبرمجة: بايثون
كيما كنت ديجا ڭلت قبل، كاقتارح زّيادة د بوت لي عندو صلاحيات د أمغار (ؤ منّها سميتو أمغاربوت). هاد لبوت غادي يدير عطاشات ب جّملة، ؤلا عطاشات معقّدة ؤ فيها لحساب، لي مايمكن يديرها غير كتاتبي عندو صلاحيات د أمغار، ؤ لي بسباب هادشي مايقدروش لبوتات لخرين يديروهوم.
- عطاشات ب ستيعمال ل API ديال پاي ويكي
- لحدف ديال صفاحي ب جّملة
- لكتابة ف صفاحي محميين بشكل كامل
- لحماية د صّفاحي ب جّملة ؤلا بشكل ؤطوماتيكي، متلا شي صفاحي كيتعرّضو ل تّخريب بزاف، ؤلا موضيلات (قوالب) ؤ مودولات (وحدات) مخدّمين بزاف
- لمنع ديال لكتاتبيا لمجهولين (ب لأيپي) لي كيديرو تخريب بشكل واضح، ل مدة ديال نهار، ؤ إعلام إمغارن باش يقررو واش يطوّلو لمدة ؤلا يحيّدو لمنع يلا ماكانش تخريب. + إعلام إمغارن يلا كانت حالة ماواضحاش مزيان، متلاً تخريب محتامل ديال كتاتبي عندو سمية.
ف لحالة د لحدف ب جّملة، كانقتارح باش مايفوتش 50 صفحة ف دقة وحدة، ؤ يتڤاليدا طّلب د لحدف كلا مرة من طاراف أمغار بنادم لي ماشي مول لبوت (هادشي نقدرو نزيدوه تا ف لحكام د لبوتات). ستيتناء: يلا كانت صفحة مديور فيها طاڭ د لحدف لي تزاد ب ليد (ماشي ب لبوت)، ؤ دازت عليها واحد لمدة لي خاص نتّافقو عليها.
- شحال د لفريكونص: كاتبدّل على حساب لعطاشة.
- شكون غادي يخدم هاد لبوت: نقدر نلونصيه رّاسي، ؤلا نحطو أونلاين ؤ نزيد تعليمات باش أي أمغار يقدر يخدمو. لّي جاكم مزيان.
يلا عندكوم أسئلة ؤلا قتيراحات مرحبا!
مداكرة
متافق Reda benkhadra (مداكرة) 12:16، 14 غشت 2022 (+01)- متافق Anass Sedrati (مداكرة) 13:30، 14 غشت 2022 (+01)
لبوت خدا صّلاحيات + صلاحيات أمغار. --Ideophagous (مداكرة) 19:47، 14 أكتوبر 2022 (+01)