ويكيبيديا:بذرة

لمقال بدرة ؤلا بدرة د مقال هوّا أي مقال قصير بزاف بحيت ماكيعطيش شوفة موسوعية علا لموضوع ديالو. هاد لپاج كتشرح شنو هيّا لبدرة د مقال، ؤ كيفاش خاصنا نتعاملو معا هاد نّوع د لمقالات. يلا بانت ليك شي حاجة خاصها تزاد ف هاد لپاج، تقدر تزيدها، مي ماتنساش تعلم لمساهمين نشيطين ف ويكيپيديا، سيرتو إمغارن، ف لپاج د نّيقاش باش يكون تّيفاق علا لمحتوى.

تعريف محددعدل

صعيب نحددو ب شكل دقيق إينا مقال خاصنا نعتابروه بدرة. نقدرو نمشيو معا لقاعيدة لعامة بلي أي مقال فيه قل من 250 كلمة كيتّعتابر بدرة، ؤ خاصو يزيد يتوسّع كتر ب معلومات إضافية. هاد تّعريف يقدر يتبدّل ؤلا يزيد يتحدد علا حساب تّيفاق ديال جّماعة.

شنو خاص يدّارعدل

فحالة يلا كان لارتيكل كيستوفي شّروط ديال مقال بدرة، خاص يتزاد فيه طاڭ ديال بذرة ف لّخر ديالو. يلا فات لعاداد ديال لكلمات ف مقال 500 كلمة، خاص يتحيّد طّاڭ. هاد زّيادة ؤلا تّحياد ديال طّاڭ تقدر دّار بشكل يدوي ؤلا ب عطاشة ديال بوت.

  تقدر تزيد شوف بزاف د صور و معلومات ديال Stub icons ف ويكيميديا كومنز.