هيتا (جاپون)

هيتا
日田市 (ja)
تاريخ التأسيس	11 دجنبر 1940
لبلاصة
لبلاد	چاپون
لإقليم	أويتا
السكان
شحال دالسكان	61,755 (2021)
لجغرافيا
لميساحة	666.19 كم²
معلومات خرا
توقيت ديال لمدينة	ڭرينيتش +9
السيت الرسمي	city.hita.oita.jp
الرمز لجغرافي	1862373

هيتا (ب جاپونية 日田市، هيتاشي بمعنى مدينة هيتا) هيّا مدينة ف إقليم ؤويتا ف لجزيرة د كيوشو، عدد سّكان ديالها 65000، ؤ كيرجع تّاريخ ديالها ل عهود قديمة. هيتا كتسما كيوطو ديال ؤويتا، حيت لبني ؤ سّتيل ديالها كيشبه ل كيوطو، ؤ نيت كانت تبنات علا نّمودج ديالها. هيتا معروفة ب صّناعة د لخشب ؤ لفخّار، ؤ لمناضر طّبيعية ديالها كتجلب ليها سّياح ب أعداد مابيهمش.

تاريخ

هيتا كانت مسكونة من عهود قديمة ف تّاريخ د جّاپون. ف لعصور لوسطى كانت هيتا مركز تيجاري موهيم، ؤ لأضرحة ديالها زادو من لأهمية لقتيصادية ديالها.

ف 1593، زّعيم د لحرب طويوطومي هيدييوشي غادي يسيطر علا هيتا، ف إطار لمحاولة ديالو باش يوحّد جّاپون بعد 100 عام ديال لحرب لأهلية ف لفترة د سّينݣوكو. هيدييوشي غادي يقوّي تّحصين ديال لمدينة ؤ غادي يردها قاعدة ديالو باش يزيد يتوسّع ف لجزيرة د كيوشو.

من بعد غادي يدوّزها ل لحكم ديال شّوݣون طوكوݣاوا إيِييَاسو، ف لفترة د إيدو لّي ف خلالها كانت جّاپون مسدودة علا لعالام. ف هاد لفترة هيتا غادي تكبر ؤ غادي طّور معماريا ب عتيبار كيوطو هوّا نمودج ديالها ف سّتيل د لبني ؤ ف تّقافة. هاد لإرت باقي باين حتال دابا.

قتيصاد

هيتا معروفة ب صّناعة د لخشب ؤ لفخّار، ؤ سّياحة كتلعب دور كبير ف لقتيصاد ديالها.

طّبيعة

هيتا كاينين فيها بزاف د لويدان لّي كيتلاقاو شي وحدين منهم ف واد ميكوما ؤ موراها ف واد تشيكوݣو. هاد لويدان كانو كيتستعملو ف تّوزيع تّيجاري د لخشب ف لفترة د إيدو، مي من بعد ما تّبنا سد يوواكي حبسو هاد طّرقان د لما. طّبيعة حدا هيتا زوينة بزاف، ؤ كاينين غابات ديال شجر لأرز جّاپوني ؤ جبال كيوصل لرتيفاع ديالهم ل 1000 ميترو فوق سطح لبحر، ؤ شي وحدين حتال 1200 ميترو فوق سطح لبحر.

أهم شّخصيات

• هاجيمي إيساياما: مانݣاكا (فنان كيرسم ؤ كيكتب لمانݣات) لّي ألّف شينݣيكي نو كيوجين.

عيون لكلام

تقدر تزيد شوف بزاف د تّصاور و لمعلومات ديال Hita, Oita ف ويكيميديا كومنز.