شكر على لستقبالعدل

مسعد الصباح خويا أناس. كنشكرك بزاف على الاستقبال ديالك ليا. كون على يقين أنني غنعاون ويكيبيديا بالداريجة باش تكبر كتر، وتولي فيها مقالات عامرة، يعني لمقالات لي كاينين دابا غانزيد نكبرهوم بترجامة من لمواقيع الشقيقة بحال نسخة لي بلعربية ولونغلي، وغانزيد نصاوب صفحات جديدة باش نعاونو المحتوى إكون فيه محتوى كبر ولكن بواحد الجودة لي مزيانة. --سمير تامر (نقاش) 12:10، 9 غشت 2020 (+01)

الله يحفظك السي سمير شكرا بزاف على الرسالة ديالك وعلى لحماس ديالك تاهو. مرحبا بيك معانا ويلا حتاجيتي أي حاجة حنا را موجودين باش نتعاونو بيناتنا ونطورو مزيان الدارجة نشاعلاه :) -- Anass Sedrati (نقاش) 21:38، 9 غشت 2020 (+01)

شي حوايج خاصهوم إيتمسحو وأشياء أخرىعدل

تحياتي السي أنس، كنتمنى تكون كادوز نهارك على خير. إلى كان ممكن خويا تمسح گاع الصفحات لي كاتبدا بـ "قالب:ص.م" وگاع التفرعات ديال هاد لقالب حيت هاد النوع دالصياغة دقوالب المعلومات ثبت لفشل ديالو على لأقل فهاد لوقت. راه درت نمودج جديد ساهل غاتلقاه هنا جبتو من ويكي لهولندية وترجمتو وهو ساهل فعملية بناء ص. لمعلومات، ويمكن نعتامدو عليه ونترجمو ص. لمعلومات من ديك لويكي أولا وعلاش لا، نبنيو به صناديق وحدين خرين. تقدر تلقا نمودج خدمت بيه ص. معلومات دولة هنايا. حاجة خورى واش ممكن إيكون شي بوت لي إيعاونا باش نديرو هاد صندوق لمعلومات الجديد فمقالات الدول بلاصت الجدول لي كاين حاليان؟ --سمير تامر (نقاش) 13:33، 12 غشت 2020 (+01)

السلام عليكم السي سمير وشكرا بزاف على لخدمة ديالك. فلحقيقة هادشي اللي درتي مجهود كبير وكيستاحق الشكر. بالنسبة للمسيح د صندوق لمعلومات ونديرو واحد جديد لمشكل هو باللي هذا راه قرار خاص يديرو كًاع لمجتمع الداريجي ويتافق عليه حيث كاين دراري آخرين تاهوما تيديرو صناديق بحال هادوك ديال لبلدان وخاص لمجتمع كامل على شنو بغا يدير فلمستقبل. عندنا واحد لمجموعة فتلغرام كاناقشو فيها هادشي (و تا لمسائل د لبوتات اللي كاينين دراري مزيانين فيها). كانظن مزيان بزاف تدخلليها معانا باش هاكا يكون النقاش مع كلشي وناخدو قرار جماعي. صيفطليا عافاك إيميل فيه لمعرًف (ID) ديالك ديال تلغرام ونزيدك تما. صافي؟ تحياتي مرة خرا السي سمير -- Anass Sedrati (نقاش) 13:42، 12 غشت 2020 (+01)
السي أنس كنشكرك بزاف. لمشكل هو أنني معنديش تيليغرام هاد الساعة. واش مكاينش شي بلاصة هنايا بحال الميدان فالنسخ لخرين فين نحط هاد لقتيراح؟ حيتاش بان ليا بلي أسهل طريقة نقدرو نخدمو بيها صناديق المعلومات هي الطريقة ديال ويكيبيديا لهولندية. التركيب ديالو ماشي صعيب، ما كيدخلوش فيه دوك لوحدات ديال لوا بزاف (وخا معرفتش صراحة لاش كيصلاحو حتى كايبان ليك واحد خطأ بلحمر گدو گداش، موهيم ماعلينا) وهو ساهل فلستيعمال ونقدرو نستعملوه فهاد لمشروع. لموهيم نتوما لي تافقتو عليها مرحبا. علمني باللي كاين خويا ومشكور أصديقي. --سمير تامر (نقاش) 14:09، 12 غشت 2020 (+01)
السي سمير الله أودي مرحبا بيك فأي وقت. أنا را متافق معاك وعجبوني هادوك الصنادق اللي كادبر وأنا داعمك فيهم (را شفت مثال ديالهم). اللي بغيت نقول هو باللي را خاص الناس د لمجتمع يتافقو عليهم. ماشي مشكل إلا ماعندكش طيليڭرام را كاين واحد الصحفة بحال لميدان، كانسميوها حنايا لبرلمان ولكن ماشي كلشي كيقرا فيها. أنا كانقتارح نتا تفتاتح لموضوع تما و تمونسيوني أكبر عدد د الناس (را كاين السميات تما)، و فنفس لوقت أنا نهضر معاهم ف طيليڭرام باش يشراكو فالنقاش حيت ديك الساعة أيكون خرج الرابط د لموضوع ديالك. وهاكا نديرو هاد النقاش. آش بانلك؟ فكرة مزيانة؟ تحياتي السي سمير و ليلة مبروكة ليك -- Anass Sedrati (نقاش) 21:09، 12 غشت 2020 (+01)
صافي خويا راه درت داكشي لي گلتي. مشكور بزاف وليلة سعيدة.--سمير تامر (نقاش) 23:00، 12 غشت 2020 (+01)

Requestعدل

Hi, Anas. Could you, as a local admin, take a look at this request? Thank you. --Meno25 (نقاش) 16:14، 14 غشت 2020 (+01)

السلام عليكم Meno25 وشكرا على رسالتك. كوني لست خبيرا في أمور البوتات فإننا نناقش الأمر مع الإداريين الآخرين وسنتواصل معك على البرلمان للإجابة عن استفسارك. شكرا لك على مساعدتك لويكيبيديا الدارجة وتحية. -- Anass Sedrati (نقاش) 17:20، 14 غشت 2020 (+01)

مرورعدل

سلام عليكم أنس، بصارحة معرفتش واش خاصني نهدر الدارجة أولا اللغة العربية، المهم اليوم صدفة تنلقى هذا المشروع ددارجة أو الويكي بالدارجة وأول مرة تنسمع بيها علمًا أني تنتوجد على الويكي هدي سنتين، وحقًا جاتني غريبة جدًا حيت تولفت باللغة العربية أو الفرنسية أو الانجليزية، وأول مرة تنشوف كتابة المقالات بالدارجة، كنت تنتساءل أشنو الهدف من إنشاء مقالات بالدارجة، بعد تفكير توصلت إلى التالي يمكن إلى طلاب قراو موضع بالدارجة غيكون ساهل بالنسبة ليهوم باش افهموه، أو بالنسبة الناس ديال محاربة الأمية يمكن إتثقف الفكر ديالهم منين غتكون متوفرة ليهوم مقالات بلُوغتهم غتكون القراية سهلة والوصول دالمعلومات اسهل ربما حتى لهدوك لي معجبين بالدارجة يمكن اتعلمُها من هنا، لكن خلال التجول ديالي فالموسوعة لاحظت ان الدارجة غالب عليها اللهجة الكزاوية وأين باقي اللهجات؟ الريفية، الشمالية، الحسانية، كفاش تم الاتفاق على اللهجة الي غيتم العرض بها هاد الويكي؟

مجهود زوين هذا الذي تقدومنه، بالتوفيق وعذرا على الاطالة--فاطمة الزهراء (نقاش) 21:38، 8 شتنبر 2020 (+01)

و عليكم السلام لالا فاطمة الزهراء وشكرا بزاف على الرسالة ديالك. الصراحة ماكايناش هاد لقضية ديال اللهجة لكازاوية حيث تقريبا تا واحد من اللي كيكتبو ف ويكيبيديا الدارجة أصلا ما من الدار لبيضا ههههه. هذا من جهة، من جهة خرا را ماكاينش أصلا شي تيفاق على اللهجة اللي تيكتبو بيها الناس. ويكيبيديا را مشروع تشاركي و كولها تيكتب بالدراجة ديالو مرحبا بيه. إيلا بانتليك الدارجة د الشمال مابايناش را هادشي تيعني باللي الناس د الشمال ماتيكتبوش ف ويكيبيديا الدارجة، ماشي شي واحد مانعهم ولا كيبزَز عليهم يكتبو بشكل آخر. لمهم مرحبا بيك تكًلس و تكتب معانا باللهجة ديالك على الراس و لعين ها حنا نعاونوك فاش ما بغيتي.
مرة خرا شكرا بزاف على الرسالة ديالك و تهلا فراسك. تحية طيبة -- Anass Sedrati (نقاش) 21:51، 8 شتنبر 2020 (+01)

شكرًا لتفاعلك الطيب، يعني اللي بغا يكتب بشي للهجة تيكتب، اللهجة ديالي الأمزيغية بالضبط الشلحة وعلى ما كنت سمعت عاد غدي تتصايب شي ويكي للأمازيغية أو كاين شي طلب باش تتصايب على ما أظن، (داكشي علاش مقلتش فين الأمزيغية ههههه وكتفيت غير باللهجات لَخرين) وطبعًا غنحاول إن شاء الله نكون متواجدة هنايا، بالتوفيق ههه أسي أنس. فاطمة الزهراء (نقاش) 22:35، 8 شتنبر 2020 (+01)

فعلا فاطمة الزهراء اللي بغا يكتب ب شي لهجة تيكتب بيها و حنا كولنا مفاهمين. برك دارنغ هاتي دارنغ ويكيبيديا س تاشلحيت، غ الرابط أد. أيوز النم د تيمنسيوين أولتما فاطمة -- Anass Sedrati (نقاش) 22:49، 8 شتنبر 2020 (+01)

شكرًا على الرابط أوما أنس٬ تشرفت بيك الامزيغي --فاطمة الزهراء (نقاش) 23:23، 8 شتنبر 2020 (+01)

لأوديوواتعدل

أزول ݣما أنس، نتمنا تكون على خير. إلى جات على خاطرك راني دابا قريب نكمل "إعادة تأهيل" للمقالات ديال لجيهات اللي كاينين، زيادة على دوك اللي غايتصاوبو قريب. ماكرهتش أنك تعاود لوديو ديال جهة فاس مكناس وتصاوب ليزوضيو ديال لخرين الجداد. أيّوز نك وليلة هنيئة.--سمير تامر (نقاش) 19:56، 30 شتنبر 2020 (+01)

أزول فلاّك السي سمير تامر. آه معلوم مرحبا بكل فرح. عطيني غي اللائحة ديال لمقالات (ديرهاليا هنايا جواب) و نسجلهم كلهم أوديو إن شاء الله. من جيهة خرا را كانهضرو مع رضا هنايا باش نبدلو لقوالب ديال لأوديو. تاتشوف شنو بانلك باش إلا تبدلو لقوالب نسجلو مورا التبدال و نقادّو كلشي ف دقة. تحياتي و تانميرت نك -- Anass Sedrati (نقاش) 20:07، 30 شتنبر 2020 (+01)
تانميرت ݣما أنس والليستة تجيك من مورا ما نكمل ݣاع لمقالات (إما غدا أولا الجمعة على حساب. وآه أنا متافق مع ݣاع داكشي اللي ݣلتوه وأصلا النمودج ديال ويكي لهولندية واعر بزاف (خصوصا من ناحية لمضهر). آه وراني عطيت الرأي ديالي قبل فلبرلمان.--سمير تامر (نقاش) 20:11، 30 شتنبر 2020 (+01)
خاي أناس أزول. لموهيم لمقالات النص ديالهوم واجد، الليستة: جهة الداخلة وادي الذهب، جهة ݣلميم واد نون، جهة سوس ماسة، جهة مراكش آسفي، جهة درعة تافيلالت، جهة فاس مكناس. لاخرين غايتصايبو من هنا لتلات أولا لاربع. تحياتي وليلة طيبة.--سمير تامر (نقاش) 20:54، 2 أكتوبر 2020 (+01)
شكرا بزاف السي سمير. غادي نسجل السميات ديالهم كاملين و نديرليهم التسجيل الصوتي من هاد لعشية و نبقا غادي تانساليهم ف سيمانا إن شاء الله. أيوز نك السي سمير خدمة مزيانة بزاف. تحياتي. -- Anass Sedrati (نقاش) 13:29، 3 أكتوبر 2020 (+01)

أهلا أمداكل سمير، را كان عندي شويا د لوقت و سجّلت كلشي. تقدر تشوف التسجيلات ف لمقالات، و ملّي تقاد لمقالات لاخرين غي علمني و نسجّل. إيلا عارف كيفاش نقادّو لقالب د الصوت يكون صغر را مزيان بزاف، بحال ديال هولاندا. تا يكون عندك وقت و شوف هاد لقضية عافاك. تحياتي. -- Anass Sedrati (نقاش) 17:34، 3 أكتوبر 2020 (+01)

صافي ݣما أناس خدمة نقية ومصروعة داكشي اللي درتي. براڤو! لموهيم ملي نسالي مقالات لجيهات نشوف هادشي ديال لقالب. مشكور بزاف --سمير تامر (نقاش) 13:21، 4 أكتوبر 2020 (+01)

ويكي داتاعدل

تحياتي السي أنس، كانتمنى أنك تكون على خير. لموهيم محتاج لمساعدة ديالك. درت تحديت لوحدة:Wikidata جبتو من النسخة لكتالانية باش نخدّم بيه قالب:معلومات لغة الجديد اللي عاد صاوبت لبارح، حيت داك التحديت فيه لميزة ديال uptovalueid اللي خدّمتها فلپارتية ديال فاميلة اللغات وماكاينش فالنوسخة لقديمة. شوية لاحضت بلي هاد النسخة مافيهاش لميزة ديال upto اللي مستعملة فقالب:معلومات مدينة. هادشي كايخلّي لمقالات بحال الدار البيضا تبين فخانة لجيهة لمعطى ديال لبلاد (لمغريب). لاحضت واحد لحاجة خرة هي ماللي تعديل لقالب:معلومات مدينة كايبان فلتحت ف"القوالب المستعملة فهاد الصفحة:" هاد الصفحة اللي مامصاوباش قالب:Track/wikidata/upto. لعار إلا عرفتي كيفاش تصاوب هاد لمشكيل قادّو إلا كان مومكين وسمح ليا بزاف. نهارك مبروك --سمير تامر (نقاش) 14:05، 17 دجنبر 2020 (+01)

صافي خاي أناس راه حلّيت لموشكيل. لقيت نوسخة ديال ويكي داتا اللي كاتجمع لخاصيات بجوج. ياريت نبقاو على ديك النوسخة وماتبدّلش كاملة نهار يدّار ليها التحديت. نهار مبروك --سمير تامر (نقاش) 15:43، 17 دجنبر 2020 (+01)
أزول السي سمير. سمحلي تعطلت باش نجاوبك، لقيتك حليتي لمشكل وانا عاد جيت ههههه لمهم لا حتاجتي أي حاجة آخرا مرحبا، على الراس و لعين. و شكرا بزاف على كلشي اللي كادير، راك منوّر ويكيبيديا بالدارجة. -- Anass Sedrati (نقاش) 19:05، 17 دجنبر 2020 (+01)
أزول تاݣمات. هانية الله أودي مرّة خرة نشاالله. أخويا هاد الشي اللي كاندير كانحس بيه راه واجيب. وشكرا ليك حتى نتا. --سمير تامر (نقاش) 20:43، 17 دجنبر 2020 (+01)

في ما يتعلق ب لارتيكل ديال لمغريبعدل

وانا كانطرجم لتشلحيت، لاحضت بعض المعلومات لي "داز عليها الوقت نوعا ما" و لي ضروري خصها تبدل. خصوصا فما يتعلق بلپارتي ديال سياسة لي فيها بعض الحوايج لي كانو فدستور القديم و ليس الدستور باش خدام المغرب حاليا. كما ان بعض العبارات لي مأخودة من الدستور القديم و المصادر تاهوما خصهم يتبدلو. كانتمنا تتم مراجعة لهاد لارتيكل حيت راه واحد من أهم ليزارتيكل ديال هاد لويكي و لي خاس مايكونش فيها أخطاء. تنميرت كيڭان اڭما --User:Ayour2002 23/12/2020 12:07

أهلا السي أيور وشكرا على الرسالة ديالك. فعلا لمقالة ديال لمغريب راها مهمة بزاف ف هاد لويكيبيديا بالدارجة، و عليها ملّي كانت لويكيبيديا عاد بدات، اتافقو كّاع اللي كيكتبو فيها باش كاملين يكتبو ف لمقالة د لمغريب و نغنيوها مجموعين. لمهم إلا بانوليك شي أخطاء عافاك صحّحهم را تا نتا ويكيبيدي معانا و مرحبا بيك، ولاّ قولي شناهوما وانا نقاد داكشي اللي نقد عليه. لمهم ما غاديش نخليو لأغلاط فكّاع لحالات. أيوز النك دا أيور Anass Sedrati (نقاش) 10:31، 23 دجنبر 2020 (+01)

روبوتعدل

مرحبا. هل يمكنني إنشاء روبوت؟--Hdiddan (نقاش) 11:58، 18 فبراير 2021 (+01)

أهلا السي حديدان، يمكن ليك عافاك توضح السؤال ديالك؟ بغيتي تدير روبوت تيخدم علاياش؟ شكرا على التوضيح ديالك. -- Anass Sedrati (نقاش) 14:00، 18 فبراير 2021 (+01)
أرغب في إنشائه لإصلاح العديد من الأخطاء الطفيفة ، على سبيل المثال وضع المساحة بعد الفاصلة أو إزالة المسافة قبل الفترة.--Hdiddan (نقاش) 15:01، 18 فبراير 2021 (+01)
مرحبا السي حديدان. هادي فكرة مزيانة. غي بغيت نقول ليك باللي را ماشي أنا اللي كيقرر ف هادشي. غادي يخصك تمشي للبرلمان و تدير طلب تمّا، بحال اللي دار هاد السيد هنايا. شكرا بزاف و تهلا ف راسك. Anass Sedrati (نقاش) 20:29، 18 فبراير 2021 (+01)

طلب مساعدةعدل

سلام سي اناس، كيداير لاباس عليك ؟ عندي واحد الطلب إلا كان عندك شي وقيت. إلا كان ممكن انك دير طرجمة لمقال ديال "عبد الله زاكور" من ويكيپيديا العربية لويكيبيديا ديال لونڭلي، هادا مقاوم مغريبي و كانت جاتني غريبا حيت ماعندوش مقال فويكي هي هاديك كتبت ليه مقال فويكي لعربية ولكن المستوى ديالي فلونڭلي ماواعرش بزاف باش نطرجمو مزيان. شكرا لك -- Ayour2002 (نقاش) 21:10، 3 أبريل 2021 (+01)

أهلا السي زكريا، مبدئيا أنا ماعنديش مشكل نترجم لمقال، الصعوبة ماشي تما. لمشكل هو باللي ويكيپيديا ديال لونڭلي مزيرين بزاف و ديما خاصهم مصادر تكون معروفة بزاف و ڭاع أكاديمية و ب لونڭلي. ملي قلبت فانترنت ما لقيتش بزاف، ولكن بغيت نسولك واش نتا عارف ولا عندك شي مصادر قوية؟ باش ماشي نكتبوه و فاللخر يتمسح (تيديروها بزاف للأسف). تحية ليك -- 08:37، 4 أبريل 2021 (+01)
هوما كاينين كتوبا كايدويو عليه بحال الجهاد والمقاومة بسوس على عهد مولاي يوسف. ذ. أحمد بومزكو. و معركة آيت عبد الله ضد الاستعمار.. الإسهام والخصوصية و وحدين خرين ولكن كلهم بالعربية و صراحة ماعتامتش على الكتوبة كتر ما عتامدت على داكشي لي لقيت فانترنيت. إلا كانت ويكيپيديا ديال لونڭلي صعيب إتكتب فيها مقال ماشي مشكل انطرجمو غي للفرنسية صافي --Ayour2002 (نقاش) 22:15، 4 أبريل 2021 (+01)
أهلا السي زكريا. أنا غادي نحاول نكتب عليه بلونڭلي. عندي شويا د الشغل هاد الشهر ولكن قيدتو عندي و غادي نكتب عليه إن شاء الله و نعلمك. -- Anass Sedrati (نقاش) 08:29، 29 أبريل 2021 (+00)
أهلا مرة آخرا السي زكريا. أنا كتبت دابا لمقالة بلونڭلي، تقدر تلقاها هنايا. حاولت ندير مصادر مزيانة ونقادّ كلشي مزيان. نتمنا مايمسحوهاش، باش الناس يستافدو يعرفو كتر التاريخ د لبلاد. -- Anass Sedrati (نقاش) 10:41، 10 ماي 2021 (+00)
شكرا جزيلا سي اناس على العمل لي درتي. المقال فالمستوى تنميرت نك كيڭان --Ayour2002 (نقاش) 21:53، 10 ماي 2021 (+00)

سّياسيين لمغاربةعدل

سلام خاي أناس. بنتي ليّا خدّام علا سّياسيين لمغاربة. شنو بان ليك نجبد ليستة ديال سّياسيين لمغاربة لّي كاينين ف ويكيداطا، نعمروها ب لمعلومات ؤ يزيدهم داريجابوت باش تنقص عليك لخدمة؟ --Ideophagous (نقاش) 12:02، 05 يونيو 2021 (+02)

و عليكم السلام السي منير، الصراحة كتبت شي مقالات لبارح غي ع الله، و لكن معلوم أنا متافق على هاد لقضية. ملّي دير ليستة عافاك تقاسمها معايا باش نعاونك عليها وموراها نقادو داكشي مزيان عاد نلوحو لبوط يكتب مقالات. شكرا بزاف.--Anass Sedrati (نقاش) 09:43، 6 يونيو 2021 (+01)
ضروري خاي أناس، تقدر ڭاع تقاد تّيكست لّي غادي يدخّل لبوت يلا بغيتي. فاش يكون لفيشيي واجد غادي نعلمك ؤ نعطيك أكصي ليه. --Ideophagous (نقاش) 07:42، 07 يونيو 2021 (+02)