مداكرة:تمازيغت (وسط لمغريب)

التعليق اللخراني: قبل 3 سنوات ديال Saad Nabbi ف لموضوع Untitled

Untitled بدل

ازول فلاون، كنت جيت كيف عادتي كانطرجم لمقالات ديال ويكي داريجا ل ويكي تشلحيت لي كانخدم عليه و كنت جيت نترجم هاد لمقال ولاحضت جوج حواج بغيت ناقشهم معاكم إلى بغيتو تفاعلو معايا عليهم :

- تمازيغت وسط لمغريب ليست هي شلحة زايان فقط ، تمازيغت وسط لمغريب فيها بزاف ديال اللهجات و إقدرو بين هاد اللهجات إكونو اختلافات كبار نضرا لتواجد لهجات زناتية و لهجات مصمودية/صنهاجية فالمنطقة. كانفضل انها تحيد ديك " شلحة زايان " من لمقال

- "كتنافس سوسية علي شكون أكتر وحدة فيهم متداولة" مصدر ؟ حيت ڭاع المصادر لي قلبت فهم سواء محلية ولا غربية كايأكدو على أن السوسية او تشلحيت هي أكثر لغة امازيغية من حيت عدد الناطقيت سواء فلمغريب ولا فشمال افريقيا، كذلك المصدر لي تهز منو بلي راه 5 مليون لي كايدويو ب تمازيغت وسط لمغريب لي هو سيت ديال إنالكو هو براسو كايقول بلي تشلحيت عنها عدد ناطقين يقدر ب 8 مليون.

مابغيتش نبدل شي حاجة فلمقال حتى نتشاور معاكم، تنميرت -Ayour2002 (نقاش) 13:15، 20 دجنبر 2020 (+01)ردّ

أزول فلاك السي Ayour2002 وشكرا على لميساج ديالك. أنا مانقدرش نجاوبك على لأسئلة ديالك حيت ماشي أنا اللي كتبت لمقالة وماضابطش مزيان هاد النقط، ولكن بغيت غي نقولك باللي إلا كتبتي فالصفحة د النقاش بلا ما تا طاڭي تا واحد، را صعيب بزاف يعرفوك الناس كتبتي و لا يناقشو معاك. أنا دابا شفتك حيت ويكيبديا بالدارجة باقا صغيرة، و تانقدرو نشوفو ڭاع التعديلات اللي تدارت. ولكن إلا كبرات أيولي صعيب بزاف.
لمهم باش نجاوبك، أحسن حاجة هي ديما تشوف التاريخ ديال الصفحة وتشوف شكون كتب لمقالة و لا لجملة اللي كاتبغي تناقش. ف هاد لحالة السي Saad Nabbi هو اللي كتب لمقالة و هانا طاڭيتو هنايا. إن شاء الله يكون نقاش مزيان، را فينما كان النقاش فينما لجودة ديال لمقالة كاتقاد و هادي حاجة مزيانة بزاف. شكرا ليكم. -- Anass Sedrati (نقاش) 11:56، 20 دجنبر 2020 (+01)ردّ
Anass Sedrati شكرا سي اناس على الملاحضة انا لمرا جايا هانحاول نبقا نطاڭي دوك لي ديجا خدمو فالموضوع باش نناقشو لا كان مايتناقش. بالمناسبة، بغيت نيت نسولك على القضية ديال سكريپت كونفيرتور ديال ويكي تشلحيت واش كاين عليها شي خبار ولا والو ؟ تنميرت نك -Ayour2002 (نقاش) 19:23، 20 دجنبر 2020 (+01)ردّ
آه تماما أ السي Ayour2002 :) بالنسبة للقضية ديال السكريبط راني كانهضر مع واحد لمهندس خدام ف لمؤسسة و قالي غايقادو شي حاجة PHP و باقي كانقاد معاه. ولكن دابا ملس شفت ويكيبيديا تاشلحيت لقيت باللي را فيها أصلا تيفيناغ للاتيني ولعكس تا هو، غي هو تيفيناغ تيبان أبيض (ماتيبانش النص، اللون ديالو أبيض) واش عرفتي لمشكل اللي كانهضر عليه؟ -- Anass Sedrati (نقاش) 20:42، 20 دجنبر 2020 (+01)ردّ
ازول مرا خرا سي Anass Sedrati وي راه فعلا من تيفيناغ للاتيني كاين وخدام مزيان ولكن المشكل هو من لاتيني لتيفيناغ لي عندي انا ماخدامش كاع ، حتا هاد القضية لي قلتي مابانش ليي ديال انه بلون لبيض. ممكن تزيد تشرح ليا هاد القضية الله يحفضك، شكرا-Ayour2002 (نقاش) 21:23، 20 دجنبر 2020 (+01)ردّ
مسعد لمسا ليكوم بجوج خوتي Anass Sedrati وAyour2002. لموهيم لاحضت هاد النيقاش اللي درتو بجوج وعجبني. ونيت تزامن مع واحد لمشروع ديال ترجمة كنت غانبداه لمقالات ديال اللوغات لأمازيغية بجميع لأسر لكبيرة ديالها (شرقية، شمالية، تارݣية، غربية وݣوانش) وقريب غانبدا فيه منين نتفرّغ تاني للموسوعة، قريب بزّاف. وݣاع لمقالات اللي تكتبو على هاد اللوغات لدابا (تشلحيت وتمازيغت ناطلاس أناماس) غانعاودها بصيغة موسوعية وبمصادير اللي راها موتوقة (غاليبا من ترجمات بالنݣليزية ولفرانساوية... ) إلا كان ممكين تصبرو قبل ما تترجمو لويكي تشلحيت غايكون حسن. تحياتي وليلة سعيدة. --سمير تامر (نقاش) 21:46، 20 دجنبر 2020 (+01)ردّ

السلام عليم الدراري Ayour2002 و سمير تامر وسمحولي على التعطيلة. السي أيور، بالنسبة للي بغيت نشرحليك، راهو باللي تا من لاتيني لتيفيناغ خدام، غي ما تيبيانليكش. شوف سير لأي مقالة تاشلحيت مكتوبة بلحرف اللاتيني، وسير لهاديك لبلاصة اللي كاتبدّل فيها لحروف، غادي تبان ليك غي تاشلحيت و تحت منها تاشلحيت، و لكن بيناتهم كاين خوية بيضا. برك تما و غادي يخرجليك تيفيناغ. جربها فأي مقالة و أتخدمليك. إلا مافهمتيش قولهالي وانا نصيفطليك ميل نصورليك فيه داكشي.

السي سمير، كون هاني، نتا راك خبير المهمات الصعبة غي قاد المقالات و حنا معاك. أيوز نك. -- Anass Sedrati (نقاش) 12:17، 21 دجنبر 2020 (+01)ردّ

اه بصاح عندك الحق Anass Sedrati خداما مزيان شكرا ماكنتش رضيت لبال لهاد القضية، واش كاين امكانية اننا نقادوها باش تولي تبان عادي حيت بلبيض صعيب على الناس إشوفوها و خاص حتا شي حروف اتعاودو حيت كاينين شي أخطاء فالترجمة. شكرا بزاف -Ayour2002 (نقاش) 12:47، 21 دجنبر 2020 (+01)ردّ
لعزّ. وا بعدا ملّي خدامة را بيخير بزاف، باش دابا تا الناس اللي يبغو يكتبو بتيفيناغ مرحبا بيهم :)) آه را هادوك اللي كانهضر معاهم من لمؤسسة كانحاول نشرحليهم هاد لمشكيل باش يقولولي شكون يقدر يعاون فيه. ملي أنعرفو شكون، ديك الساعة نديركم ف تواصل باش نقادو تا ديك لأغلاط اللغوية. تحياتي :) -- Anass Sedrati (نقاش) 13:19، 21 دجنبر 2020 (+01)ردّ
شكرا جزيلا سي أناس الله يحفضك. باش ما كان علمنا الله يجازيك بخير -Ayour2002 (نقاش) 15:15، 21 دجنبر 2020 (+01)ردّ
ازول غيفون Ayour2002Anass Sedrati .
شكرا على الملاحظات ديالكم. لمقال حاولت نترجمو من نڭليزية حيت لمقال ديالها مزيان و عامر تفاصيل.
  • أكيد تزاييت (تمازيغت ديال زيان) وحدة من اللكنات ديال تمازيغت د لأطلس. بالصح ديك لجملة ف لمقدمة زايدة وسلام.
  • بنسبة لكونها كتنافس تشلحيت على شكون كيهدرو بها ناس كتر، أولا خديت لمعلومة من لمقال نڭليزي واخا بان لي تبدل. تانيا ما كنضنش شي حد غادي يقدر يجزم شكون فيهم كتر، ولعدة أسباب. أهمها دقة لإحصائيات لغوية لي 0 ف لمغرب، وتانيا لحدود بين تمازيغت ديال لأطلس وتشلحيت ما محدداش مزيان.ولكن حتى هاد لمعلومة كنضن من أحسن تمسح من لمقال.
شكرا على لملاحظات مرة اخرى. Saad Nabbi (نقاش) 08:48، 25 يناير 2021 (+01)ردّ
رجع ل صفحة "تمازيغت (وسط لمغريب)".