نتيخابات رياسية د لميريكان 2024
النتيخابات الرياسية د لميريكان 2024 هيّ النتيخابات الرياسية نمرة 60 ف لميريكان، لي كاتّدار مرة كلّا 4 سنين. التصويت ديال الناخبين داز ف 5 نونبر 2024،[1] و النتايج ديالها تعلنو النهار لي موراه، ب الرباح ديال دونالد طرامپ من لحيزب الجمهوري، ضد لمرشحة كامالا هاريس من لحيزب الديموقراطي، لي كانت نايبة الرئيس من 2021 تال لبدية د 2025.
.jpg)
.jpg)
ف اللول كان الرئيس دجو بايدن هوّ لي مرشح باش يعاود يتنتاخب على لحيزب الديموقراطي،[2][3] ولايني بسباب لأداء ديالو الضعيف ف لمناضرة الرياسية د يونيو 2024، بزاف ولّاو خايفين بلي لعمر و لمشاكل الصحية ديالو ماغاديش يخليوه يكمّل مزيان، و ضغطو عليه باش يتنازل على الترشح.[4] وخا رفض ف اللول، بايدن تخلى على الترشيح ف 21 يونيو، باش يكون تاني رئيس ميريكاني حالي كيدير هادشي من 1968، فاش ليندون دجونصون تنازل على الترشيح ل ولاية تانية. بايدن دعم النايبة د الرئيس كامالا هاريس باش تترشح على لحيزب الديموقراطي، و ولات لمرشحة الرسمية ف 5 غشت. هاريس ختارت تيم والتز، لعامل ديال ولاية مينيصوطا، باش يكون النايب ديالها.
دونالد طرامپ، لي كان سبق ليه كان رئيس د ميريكان، مابين 2017 و 2021، كان خسر قدام بايدن ف لإنتخابات الرياسية د ميريكان د 2020.[5] ف الجمع لعام ديال لحيزب الجمهوري د 2024، تّختار مرشح على لحيزب معا النايب ديالو دجيمس ڤانس.
ف 6 نونبر 2024، تّعلن بلي طرامپ و ڤانس ربحو لإنتخابات، باش يكونو الرئيس نمرة 47 و نايب الرئيس نمرة 50 ديال لميريكان. و تلقّاو تهنئات من بزاف د السياسيين ف لعالم. غادي يبداو لمناصب ديالهم بشكل رسمي ف 20 يناير 2025.[6]
عيون لكلام
بدل- ^ Munson, Olivia (November 1, 2024). "Is Election Day a federal holiday? What to know before decision day 2024". USA Today. تطّالع عليه ب تاريخ November 3, 2024.
- ^ Kinery, Emma (April 25, 2023). "Biden launches 2024 reelection campaign, promising to fulfill economic policy vision". CNBC. مأرشيڤي من لأصل ف April 25, 2023. تطّالع عليه ب تاريخ April 25, 2023.
- ^ Gold، Michael؛ Nehamas، Nicholas (March 13, 2024). "Donald Trump and Joe Biden Clinch Their Party Nominations". The New York Times. مأرشيڤي من لأصل ف March 13, 2024. تطّالع عليه ب تاريخ March 13, 2024.
- ^ Quinn، Melissa؛ Kim، Ellis (July 19, 2024). "More Democrats join wave of lawmakers calling on Biden to drop out of 2024 race". CBS News. مأرشيڤي من لأصل ف July 26, 2024. تطّالع عليه ب تاريخ August 7, 2024.
- ^ "Former President Donald Trump announces a White House bid for 2024". CNN. November 16, 2022. مأرشيڤي من لأصل ف January 15, 2023. تطّالع عليه ب تاريخ July 24, 2024.
- ^ "Trump wins the White House in political comeback rooted in appeals to frustrated voters". AP News (ب نڭليزية). 2024-11-05. تطّالع عليه ب تاريخ 2024-11-06.