ميڭيل دي سيرڤانطيس


ميڭيل دي سيرڤانتس ساڤيدرا (ب الصبنيولية: Miguel de Cervantes Saavedra) كان عسكري و كاتب مسرحي و روائي و شاعر صبنيولي تولد ف ألكالا دي إيناريس، حدا مدريد، الصبنيول، ف 29 شتنبر 1547 (افتراض).[1] كيتعتابر واحد من الشخصيات المهمة ف الأدب الصبنيولي على المستوى ديال العالم كامل، و تّشهر بزاف ف العالم من بعد ما كتب الرواية المعروفة ديالو "دون كيخوطي دي لا مانتشا" ف عشر سنين مابين 1605 و 1615. هاد الرواية كاتعتابر واحدة من بين أفضل الأعمال الروائية المكتوبة، و بزاف ديال النقاد الأدبيين كيعتابروها هي أول رواية أوروپية[2] و واحدة من بين الأعمال المخيرة ف الأدب العالمي. الصبنيول دارت ليه تكريم كبير من بعد ما دارت تصويرة ديالو على العملة ديال 50 سنتيم. سيرڤانطيس كان عندو تأتير كبير على اللغة الصبنيولية حتى تسمات "اللغة ديال سيرڤانطيس".[3]

ميڭيل دي سيرڤانطيس
ميڭيل دي سيرڤانطيس
معلومات عامة
زيادة ح. 29 شتنبر 1547
[[wikidata:Special:EntityPage/Q46940 ترجم|القلعة الحجارة ترجم (تاج قشتالة ترجم)]]
لوفاة 22 أبريل 1616 (68 عام)
[[مدريد|مدريد (تاج قشتالة ترجم)]]
سباب لموت سباب طبيعيسكري النوع الثاني ترجم
لجنسية صبانيا
مملكة جليقية ترجم
لميهنة روائي ترجم، كاتب مسرحي ترجم، شاعر، شاعر غنائي ترجم، عسكري، مؤلف ترجم و كاتب ترجم
لفاميلة
لواليد رودريڭو دي سيرڤانطيس
لواليدة ليونور دي كورطيناس
شريك Catalina de Salazar y Palacios ترجم
لولاد Isabel de Saavedra ترجم
معلومات خرى
دين لكنيسة الرومانية لكلاطوليكية
لأعمال
ستيل شعر ترجم، رواية ترجم، تراجيديا ترجم و Q4202036 ترجم
تأتر ب فيرجيل ترجم و هوميروس ترجم
Miguel de Cervantes signature.svg
IMDB: nm0148859 Allocine: 38101 Allmovie: p218015 IBDB: 84306
Last fm: Miguel+de+Cervantes Musicbrainz: c9224cbf-0b24-4bc7-809d-3c9cf0efb3b6 Discogs: 2284087 IMSLP: Category:Cervantes,_Miguel_de Allmusic: mn0001679527 Find a Grave: 7014808 Modifica els identificadors a Wikidata


السيرة ديالوعدل

 
الإمضاء ديال سيرڤانطيس ب حرف B

واخا مشهور بزاف، جزء كبير بزاف من الحياة ديال سيرڤانطيس ما معروفش مزيان. سميتو، الخلفية ديالو، و حتى كيف كان داير هما حوايج اللي ما مأكدينش مزيان. واخا هو كان كيسينيي سميتو على الشكل ديال "Cerbantes"، الرسام ديالو خدّم السمية "Cervantes" و اللي ولات هي السمية الرسمية ديالو. من بعد، سيرڤانطيس خدّم السمية ديال "ساڤيدرا"، سمية ديال واحد الشخص من الفاميلة البعيدة، فعوض "كورطيناس" (السمية ديال مّو) اللي كان من المفروض تكون داخلة ف السمية ديالو على حساب الأعراف ديال التسمية ف الصبنيول.[4]

مجال اخر فيه خلاف هو التوجه الديني ديال سيرڤانطيس. ف القرن 16، بزاف ديال الصبنيول كانو عندهم أسلاف موريسكيين (المسلمين اللي بقاو مور الغزوة ديال ڭرانادا ف 1492) ولا أسلاف من الكونڤيرسوس (اليهود اللي عتانقو الكاطوليكية ف الوقت ديال الطرد ديال اليهود ف 1492). ضونك ما معروفش واش سيرڤانطيس كان كاطوليكي ولا كان واحد من هاد الناس.

كاين قبول دابا على التاريخ ديال الزيادة د سيرڤانطيس، و اللي كيحددوه ف 29 شتنبر، و حتال القرن 18 عاد تعتارف ب شكل رسمي ب ألكالا دي إينارس كا المدينة اللي تزاد فيها سيرڤانطيس. ميڭيل دي سيرڤانطيس هو الابن ديال رودريڭو سيرڤانطيس و ليونور دي كورطيناس. الأصل ديال رودريڭو من كوردوبا (الأندلس) فين الواليد ديالو، خوان دي سيرڤانطيس، كان محامي معروف من أصل يهودي.[5] و الأصل ديالو من جهة مّو مازال ما مأكدش، بلحاق بزاف ديال المؤرخين كيقولو بيلا حتى هي كان أصلها يهودي.

السنوات اللولةعدل

رودريڭو كان ف الأغلبية ديال المرات عليه دين ولا كيقلب على خدمة. و كان كينتاقل دابا و ساعة من دار ل دار. ليونور جات من أرڭاندا ديل ري (Arganda del Rey) و ماتت ف أكتوبر 1593 ملي كانت عندها 73 عام. كانو عندها وراق كيبينو بيلا عندها سبعة د الولاد و كانت مرا قارية. ملي رودريڭو كان ف الحبس من أكتوبر 1553 حتال أبريل 1554، هي اللي تكلفات ب الفاميلة.[6]

الخوت ديالو كانو هما أندريس (تزاد ف 1543)، أندريا (تزادت ف 1544)، لويسا (تزادت ف 1546)، رودريڭو (تزاد ف 1550)، ماڭدالينا (تزادت ف 1554)، و خوان. عاشو كاملين ف كوردوبا حتال 1556 ملي مات جدهم. ل شي أسباب ما واضحاش، رودريڭو ما ستافدش من الوصية و الفاميلة غبرات و ما بقاتش كاتبان حتال 1564 ملي رودريڭو قرر يدير شكاية ف سيڤييا.[6] سيڤييا كانت ف داك الوقت كاتعرف واحد الازدهار اقتصادي كبير. و رودريڭو قدر يكري المباتة ل خوه الكبير اللي كان ماجسطير. ف 1566، الفاميلة رحلات ل مدريد.

الخدمة مع العسكرعدل

ف القرن 19، واحد الباحت كتاشف واحد المدكرة ديال البحت ديال البوليس على ميڭيل دي سيرڤانطيس ب التاريخ ديال 15 شتنبر 1569، اللي كيتّاهموه فيها ب جرح أنطونيو دي سيڭورا. كاين قبول كبير دابا عند المؤرخين بيلا هاد المدكرة هي السباب علاش سيڤانطيس خلّا مدريد.[7]

من بعد رحلة طويلة بزاف، وصل ل روما اللي لقى فيها خدمة بسيطة ف الدار ديال جوليو أكواڤيڤا، سقايفي اللي كان دوّز عام ف مدريد، و تعيّن كاردينال ف 1570.[6] ملي بدات الحرب مابين ڤينيسيا و العتمانيين ف 1570، الصبنيول تّاحدو مع ڤينيسيا ف العصبة المقدسة، تحالف تدار باش يدعم ڤينيسيا ضد العتمانيين. سيرڤانطيس، ملي شاف بيلا المدكرة ديال البحت د البوليس غاتكون ضعافت، قرر يسافر ل ناپولي، اللي ف داك الوقت كانت تابعة ل التاج ديال الأراڭون.[6] القايد العسكري ديال ناپولي كان هو أرڤارو دي ساندي، اللي كان صديق ديال الفاميلة، و اللي من بعد عطا بلاصة ل سيرڤانطيس ف الماركيس ديال سانطا كروز. ف شتنبر 1571، سيرڤانطيس مشا مع الأسطول ديال جون د النمسة، و غلبو العتمانيين ف المعركة ديال ليپانطو.[8]

المسيرة الأدبية ديالوعدل

سيرڤانطيس كيقول بيلا كتب تقريبا 20 مسرحية، من هاد المسرحيات بقاو غير جوج اللي هما "الكونطرا ديال الدزاير"، مسرحية مبنية على الحبس ديالو ف الدزاير، و "الحصار ديال نومانسيا". من غير هادشي، و شي قصايد شعرية، سيرڤانطيس دوّز 20 عام ما نشر فيها والو. ملي جا يكتب "دون كيخوطي"، الهدف ديالو كان هو يتحدى الطريقة ديال الكتابة الراقية و كان باغي يطيّح من القيمة ديال الروايات ديال الفرسان.[9] الاستعمال ديالو ل الوصف ديال الحياة الحقيقة و الاستعمال ديال اللغة ديال ديما كانو حوايج جداد على الناس ف داك الوقت و دغيا ولاو شعبيين.

الأجزاء الجوج ديال "دون كيخوطي" مختالفين ف العمق ديالهم، بلحاق بحال بعضياتهم ف الوضوح و الرياليزم. الجزء اللول كان كوميدي و عجب الناس بزاف.[10] و الجزء التاني كان معقد كتر و فيه تركيز كبير على الشخصيات و على الجانب الفلسفي ف القصة.[11]

الكتوبا ديالوعدل

  • La Galatea - تكتبات ف 1585
  • El ingenioso hidalgo Don Quixote de la Mancha - الجزء اللول - تكتب ف 1605
  • روايات نمودجية (1613): مجموعة ديال 12 قصة قصيرة من بزاف ديال الأنواع المختالفة على المشاكل الاجتماعية، السياسية و التاريخية ديال الصبنيول ف الوقت ديال سيرڤانطيس:
    • La gitanilla (البنت الغجرية)
    • El amante liberal (العاشق السخي)
    • Rinconete y Cortadillo (رينكونيطي و كورطادييو)
    • La española inglesa (المرا الصبنيولية النڭليزية)
    • El licenciado Vidriera (المحامي ديال الزاج)
    • El celoso extremeño (الراجل الغيران من إكسطريمادورا)
    • La ilustre fregona (الخدّامة المصورة)
    • Novela de las dos doncellas (الرواية ديال جوج آنسات)
    • Novela de la señora Cornelia (الرواية ديال السيدة كورنيليا)
    • Novela del casamiento engañoso (الرواية ديال الزواج المغشوش)
    • El coloquio de los perros (الحوار ديال جوج كلاب)
  • الجزء التاني ديال "دون كيخوطي" - تكتب ف 1615
  • Los trabajos de Persiles y Sigismunda - تكتبات ف 1617.

لمصادرعدل

  1. ريكير موريرا مارتين. "ميڭيل دي سيرڤانطيس ساڤيدرا" الديكسيونير ديال البيوڭرافيا. الأكاديميا الملكية ديال التاريخ (ب الصبنيولية)
  2. هارولد بلوم (13 دجنبر 2003) "الفارس ف المرايا" الڭارديان (ب النڭليزية)
  3. "اللغة ديال سيرڤانطيس" (PDF) الوزارة ديال الرئاسة ديال الصبنيول. الأرشيف من الأصل ف 3 أكتوبر 2008. (ب الصبنيولية)
  4. ڭارسيس 2002، ص. 189.
  5. "Desmontando al tatarabuelo judío de Cervantes en Córdoba" (ب الصبنيولية)
  6. 6.0 6.1 6.2 6.3 ماك كروري 2006، ص 34.
  7. لوكوس 2016، ص 118.
  8. داڤيس 1999، ص 199
  9. كلوز 2008، ص 39.
  10. ميتسوو و كولين 2006، ص 148-152
  11. پوتنام 1976، ص 14
  تقدر تزيد شوف بزاف د صور و معلومات ديال Miguel de Cervantes ف ويكيميديا كومنز.