مستخدم:DarijaBot/عطاشة 2: زيادة ؤ تحياد ؤ إصلاح ديال طاڭات، تصنيفات، عناون ؤ غيرهوم، ف لمقالات (سميت لمجال = 0)

 عطاشة كاملة 
 عطاشة ف طور تّطوير 
 عطاشة محبوسة 
 عطاشة كانت ؤ تّلغات 

  • لبوت: DarijaBot
  • لونݣاج: پايثون
  • پاج ديال لبوت ف ݣيتهاب: داريجابوت
    • شحال د لفريكونص: بشكل منتاضم، ما بين مرة ف سّيمانة تال مرة ف شّهر، علا حساب شحال د لخدمة تدارت ف ويكيپيديا.
  • سطاتو: خدّامة

هاد لعطاشة كتخدم علا هاد لحوايج:

  • زّريعة: يلا ماكانش ديجا ف لمقال، كيتزاد يلا كان عدد لكلمات فيه قل من 250 كلمة. ؤ كيتحيد يلا كان عدد لكلمات فايت 500 كلمة. كيتصلح من "بذرة" يلا شي حد خدم هاد طّاݣ لقديم. باش تزيد تّعرف علا لمقالات زريعة شوف ويكيپيديا:زريعة.
  • لعنوان ديال لفقرة د "عيون لكلام": كيصلح لعنوان يلا كان مامكتوبش كيفما تافقنا عليه (متلا "عيون دلكلام"، "مصادر"، مراجيع"، ...)، كيزيدو يلا ماكنش ديجا.
  • عيون: كيتزاد مورا "عيون لكلام" يلا ماكانش. كيتصلح من "مراجع" يلا شي حد خدم هاد طّاݣ لقديم.
  • مقالة ناقصينها عيون لكلام: لبوت غادي يزيد هاد طّاݣ يلا لمقال ماكانوش فيه عيون. يلا تزادو عيون ؤ طّاݣ كان باقي، غادي يحيدو لبوت. لعيون لي كاينين وسط قوالب مامحسوبينش.
  • مقالة زنقة ماكاتخرجش: يلا ماكان حتا ليان كيدّي ل مقالة خرة، غادي يتزاد هاد طّاݣ. غادي يتحيد يلا كان لعكس. لّيانات لي كاينين وسط قوالب مامحسوبينش.
  • مقالة ما مصنفاش: غادي يتزاد يلا ماكان حتا تصنيف خدام، ؤ يتحيد يلا كان شي تصنيف. تّصنيفات لّي كيتزادو بشكل ؤطوماتيكي (معا شي طاݣ متلا) ؤ تّصنيفات لمخفيين مامحسوبينش.
  • مقالة مقطوعة من شجرة: كيتزاد يلا ماكان حتا شي ليان ف شي مقالة خرة كيدي ل لمقالة لحالية. لّيانات لّي كاينين ف لقوالب ؤلا تّصنيفات ؤلا أي پاج خرة ماشي ديال لمحتوى ماكيتحسبوش عادة. طّاݣ كيتحيّد يلا كانو ليانات كيدّيو ل لمقال موجودين.
  • فقرة مازالا خاوية ولا ناقصة: كيتزاد يلا كانت شي فقرة خاوية (جوج عناوين من نفس لمستوى متّابعين مابيناتهوم والو، ؤلا عنوان ف لّخر ما موراه والو، لعنوان د "عيون لكلام" كيتحسب بحال يلا ماكاينش). تّحياد خاصو يتدار ب ليد.
  • مقالة بدية مقبولة: غادي يتزاد ف لپاج د نّيقاش ديال لمقال، غير كا قتيراح ل جّماعة، ؤ علا حساب لقواعد ديال مقالة مقبولة. زّيادة د طّاݣ ف لمقالة براسها كيبقا قرار ديال جّماعة. هاد لعطاشة ماغادي تبدا حتا نفوتو 5000 أرتيكل.
  • مقالة مرشحة باش تولي مزيانة: غادي يتزاد ف لپاج د نّيقاش ديال لمقال، غير كا قتيراح ل جّماعة، ؤ علا حساب لقواعد ديال مقالة مزيانة. زّيادة د طّاݣ ف لمقالة براسها كيبقا قرار ديال جّماعة. هاد لعطاشة ماغادي تبدا حتا نفوتو 10000 أرتيكل.
  • مقالة مرشحة باش تولي مخيرة: غادي يتزاد ف لپاج د نّيقاش ديال لمقال، غير كا قتيراح ل جّماعة، ؤ علا حساب لقواعد ديال مقالة مخيّرة. زّيادة د طّاݣ ف لمقالة براسها كيبقا قرار ديال جّماعة. هاد لعطاشة ماغادي تبدا حتا نفوتو 10000 أرتيكل.
  • ضبط مخازني: زيادة د طّاݣ، ؤ تّعويض ديال طّاݣ لقديم (ضبط استنادي). طّاك يلا تزاد ماخاصّوش يتحيد، من غير يلا كان تزاد ب لغالاط، ؤ ف هاد لحالة حسن يتحيد ب ليد.
  • مقالة مرونة: هاد طّاݣ ماشي ساهل يتزاد ب لبوت، حيت لحوكم بلي مقالة مرونة ؤلا لا كيبقا داتي ؤ شوية نيسبي ف شي حالات، ؤلا كيتطلب فهم ديال لموضوع، شّي لي پروݣرام مايقدرش يديرو ب سوهولة. ولاكين نقدر نشوف حالات خاصة لي تكون واضحة ؤ يتزاد فيها هاد طّاݣ (ميتال: يلا كان لارتيكل معرب بزاف، ؤلا فيه بزاف د لكاراكطيرات لي فشكل).
  • زّيادة ديال تصنيف:تحويلات مقالات: هاد تّصنيف خاصو يتزاد ف لپاجات د تّحويل كاملين ديال لمقالات.
  • زّيادة ديال تصنيف:أرتيكلات مامربوطينش معا ويكيداطا: كيتزاد ل أي أرتيكل ماعندوش ستون كيقابلو ف ويكيداطا.
  • مقالة ناقصينها تصاور: كيتزاد هاد طّاݣ ل مقالات لي مافيهاش تصويرة، ؤ كاينين تصاور ف لموقابيلات ديالها ف ويكيداطا، ف كومنز، ؤلا ف ويكيپيديات ب لعربية، لفرانساوية ؤلا نّݣليزية.