مداكرة:عومان (بلاد)

@Anass Sedrati: ماغادّيرش سّمية د هاد لپاج تالافة معا عومان (سپور)؟ حيت كاينة متلا پاج ديال Swimming ف ويكيپيديا ب نّڭليزية. واقيلا نسميو هادي عومان (دولة) ؤ تكون عومان پاج ديال تّوضيح تدّي ليهم بجوج. شنو بان ليك؟ --Ideophagous (نقاش) 19:30، 14 أبريل 2021 (+02)

Untitled

السلام عليكم السي منير و مبروك لعواشر. لقيتيني فكرت ف نفس لحاجة ملّي كنت كانكتب ليوما، و عليها ماعرفتش واش نكتبها عومان ولا عًمان. لمهم كيبانلي عندك لحق، لا بغيتي دير صفحة ديال التوضيح و ف نفس لوقت سمّي هادي عومان (دولة) باش اللي دار عومان (رياضة) ما يوقعش ليه مشكل. تحياتي -- Anass Sedrati (نقاش) 19:33، 14 أبريل 2021 (+00)

@Anass Sedrati: سلام خاي أناس. صافي قادّيت داكشي: عومان. شوف واش هوّا هاداك. --Ideophagous (نقاش) 09:55، 16 أبريل 2021 (+02)

شكرا السي منير. را شفت و كلشي هو هاداك. تبارك الله عليك و الله يحفظك. -- Anass Sedrati (نقاش) 11:00، 16 أبريل 2021 (+00)

@Anass Sedrati: غير كا ملاحضة، بان ليّا حسن نخدمو مصطلح ديال رياضة كا نشاط عام ديال تّحراك د لكسدة، ؤ سپور كا مصطلح خاص ب رياضة ديال تّسابق ؤلا ب شكل حتيرافي. شنو بان ليك؟ --Ideophagous (نقاش) 13:04، 16 أبريل 2021 (+02)

@Ideophagous: الصراحة أنا كانخدّم لكلمة د الرياضة لكلشي، و كانحاول مانخدّمش لفرانساوية ف الدارجة إلا قدرت.ولكن ما عنديش مشكل نخدّمو بالطريقة اللي بغيتي و منها نغنيو لمعجم و نزيدو معاني جداد للكلمات. -- Anass Sedrati (نقاش) 11:51، 16 أبريل 2021 (+00)

@Anass Sedrati: داكشي. أنا ماكانشوفش علاش نحاولو نقصيو مصطلح كيفما كان لأصل ديالو، حيت هنا كنولّيو ندخلو لإيديولوجية ف لموضوع، طالما متداول عند لمغاربة، ؤلا يقدر يفيدنا ف ضبط لمعاني ؤ تّوضيح ديالها باش يتّفهم لمقصود. كنضن هاد لقضية ديال لمصطلح لّي أصلو من لعربية ؤ لمقابل ديالو لّي أصلو من لفرانساوية كاينة ف بزاف د لحالات، ؤ ف رأيي نخلّيوهم بجوج سوا كا مرادفات، ؤلا كا مصطلحات عندها معاني متقاربة ولاكين ف سياقات مختالفة. --Ideophagous (نقاش) 13:55، 16 أبريل 2021 (+02)

سلام دراري ؤ عواشركم مبروكة. شفت نيقاش ديالكم، صراحة مزيان بزاف ملي دارت صفحة ديال توضيح باش تفرق بين ڭاع لمعاني؛ غير هو @Ideophagous: هاد لمقالة خاصها تكون سميتها عومان (بلاد) باش تكون مدرجة مزيان، ملي دير تحويل غير سوپريمي عومان (دولة). تحياتي ليكم. --Reda benkhadra (نقاش) 17:38، 16 أبريل 2021 (+00)

عواشرك مبروكة خاي @Reda benkhadra:. صافي تدارت. --Ideophagous (نقاش) 21:07، 16 أبريل 2021 (+02)