مداكرة:صورة مصغرة

"الصورة المصغرة ف يوتيوب" ماشي هي "صورة مصغرة"

الصورة المصغرة ف يوتيوب ماشي هي صورة مصغرة كاين فرق نقدو نديرو ارتيكل جديدة على "صورة مصغرة" حيت مجال بوحدها الصورة المصغرة ف يوتيوب هي جزء من الصورة المصغرة باش مايكونش خلط يعني الربط ديالها باللغات الاخرين غالط يمكن نديروها ايلا كانت ارتيكل سميتها "صورة مصغرة " ينعني العنوان خاصو ايكون الصورة المصغرة ف يوتيوب ويتحيد الربط بالغات الاخرين. Mrflashow (مداكرة) 16:40، 17 دجنبر 2024 (+01)

مرحبا @Mrflashow. ف رأيي، ماكايناش شي حاجة خاصة عند التصيورات الصغار ديال يوتيوب لي ماغاديش نلقاو ف موقع خور ديال الڤيديوات، داكشي علاش ماكانضنش بلي الموضوع ديال "تصيورات يوتيوب" كيتطلب مقال خاص بيه. ف نظري تقدر تدير فقرة خاصة ب يوتيوب يلا عندك معلومات خاصة غير بهاد الموقع. يلا مامتافقش، تقدر تطاڭي كتاتبيا خرين و تشوف الرأي ديالهم. Ideophagous (مداكرة) 16:45، 17 دجنبر 2024 (+01)

سلام @Ideophagous @Anass Sedrati المعلومات اللي ذكرت هي متعلقه فقط بـ "الصورة المصغرة ف يوتيوب" ماشي هي "صورة مصغرة" يعني المصادر اللي كتبت ما عندها علاقه بـ صورة مصغرة لدلك كنقتارح اتبدل العنوان باش ميكونش خلط وايضا الربط اتلغى حتى نقادو مقال جديد بعنوان "صورة مصغرة" Mrflashow (مداكرة) 16:54، 17 دجنبر 2024 (+01)

سلام @Mrflashow. كاينين جوج إشكالات:

• الإشكال اللول هوّ واش موضوع "صورة مصغرة د يوتيوب" عندو ملحوضية (شوف ويكيپيديا:ملحوضية)، يعني واش كيستاحق تكون عندو مقالة خاصة بيه ف موسوعة معرفية بحال ويكيپيديا. ف رأيي موضوع "صورة مصغرة" ولّا "تصيورة" عندو ملحوضية 100%، و نيت أصلا كاينين بزاف د المقالات ب لغات خرين على هاد الموضوع. الملحوضية ديال "صورة مصغرة د يوتيوب" مشكوك فيها.
• الإشكال التاني هوّ الطريقة د الكتابة ديال المقال خاصها تكون موسوعية (ها الواقع لي كاين)، ماشي على شكل نصائح (ها شنو خاصك تدير). شوف ويكيپيديا:ويكيپيديا ماشي...

ف نظري باش مانضيعوش بزاف د الوقت، من الأحسن يتدار مقال على "صورة مصغرة"، ولّا "تصيورة"، لي يقدر يكون موضوع "صورة مصغرة د يوتيوب" فقرة فيه، و يلا هاد الفقرة كبرات بزاف و شبعات معلومات و مصادر، نصاوبو مقال خاص غير ب هاد الموضوع. Ideophagous (مداكرة) 17:24، 17 دجنبر 2024 (+01)

شكرا على التوضيح غادي نحاول نزيد نوضح ويكون عنوان فرعي داخل لارتيكل بدل متكون صفحة بوحدها ونزيد نضبط المصادر باش يكون لارتيك شامل شكرا مرة اخرى على التوضيح Mrflashow (مداكرة) 19:11، 17 دجنبر 2024 (+01)