مداكرة:زرمومية

على ود السمية

@Ideophagous، واش ممكن تعطي نضرك ف السمية ديال لمقال، حيتاش السمية "وزغة" ف لمغرب موراديف د "بو بريص" (حتى ف الفصحى)، لي هو ݣنس/نوع من "السحليات" و لكن ف لمغرب ب شكل زنقاوي لكلمة "وزغة" كاتطلق على بزاف د النواع لمبدلين من السحليات. عليها شفت بلي هادي هي السمية لمواتية ب الداريجة مادام لكلمة سحلية مامتداولاش و معربة. ماعرفتش واش كاينين شي سميات ف لمغرب (ب لهجات خرين) لي كايعنيو ب شكل دقيق "سحلية". سنوببي (مداكرة) 02:42، 23 دجنبر 2024 (+01)

سلام @سنوببي قلّبت دابا ف معجم الدارجة المغربية ديال محمد بوسلام، و أعمّ كلمة مخدّمة ف لمغريب لي كاتعني "السحلية"، على حساب هاد الديكسيونير، هيّ "زرمومية". كاينين كلمات خرين بحال "وزغة"، "بوبريص"، "حندور"، "عيابت الصلا"، "تاتا". Ideophagous (مداكرة) 21:05، 23 دجنبر 2024 (+01)

حتى أنا سامع ب هاد لكلمة (زرمومية). و الدلالة ديالها قرب كتر ل معنى "سحلية" ب لمقارنة معا كلمة وزغة لي كاتعني "بو بريص-geckoo" ب شكل أولي. عليها كاتبان لي حسن. شكراً سنوببي (مداكرة) 01:04، 24 دجنبر 2024 (+01)