مداكرة:بني يزناسن

حماية

سلام أ دّراري @Reda benkhadra و Anass Sedrati:. كانقتارح باش يتّحما هاد لمقال ؤ لاخور ديال تازناست، حيت لاحضت من مدة هادي واحد نّشاط غريب فيهوم بجوج. كلا مرة كيجي شي حد يبدّل رّاية من لحمر ل لخضر، ؤ لعكس، ؤ شي تصاور كيتزداو ماكيفيدو والو ف لموضوع. لمقالات بجوج يكونو محميين باش غير لي عندو كونط يقدر يبدّل فيهوم. ف حالت يلا شي حد عندو كونط بدا كيدير نفس تّصرفات غادي نطاڭيوه ؤ نطالبو ب تفسير. يلا ماكانتش ستيجابة ؤ بقات لقضية مستامرة ناخدو إجراءَات خرة. يلا كان طلب ؤلا قتيراح لحماية خاصو يتدار ف موضع أخور، علموني عافاكوم ؤ غادي نّقل لموضوع تماك.--Ideophagous (نقاش) 06:47، 8 فبراير 2022 (+01)

أهلا السي @Ideophagous:. تانا لاحضت كاينة لحركة على داك لمقال و تا ديال تازانست. من لأحسن نحميوه باش نيت الناس تبدا تدير حسابات ملي تكتب. غالبا را هادو غي جوج د الناس تيمشيو و يجيو، ولكن نقدرو نديرو لحماية ونشوفو من بعد هادشي كيفاش غادي يتطور. شكرا على لحضية ديالك. -- Anass Sedrati (نقاش) 11:13، 8 فبراير 2022 (+01)

سلام @Anass Sedrati و Ideophagous: تانا متافق بلي هاد جوج صفاحي فيهم واحد لحركية فشكل، نتمناو بلي هادشي يحبس ؤ ناس لي كيديرو هاد تبديلات يحلو مداكرة علا هاد لقضية ولا يخدمو علا لمحتوى باش لقاري يفهم لموضوع كتر. يمكن ليك أخاي منير ملي دير لحيماية تسجلها هنا كيما مكتوب ف لحكام باش يكون لقرار موتق. شكرا علا سويڤي ديالك. Reda benkhadra (نقاش) 11:04، 9 فبراير 2022 (+01)