مداكرة:ببر

خلل في التفعيل

السلام عليكم @Ideophagous، عافاك كنت ناوي نحط المقال لي واجد عندي كامل، و لايني كاين شي ديفو، منين كانبغي ندير فقرة جديدة (== xxx ==)، ماكاتصدقش و كاتجي بحال شي فقرة تحتانية (=== xxx ===) ماعرفتش السباب منين جا؟ سنوببي (مداكرة) 03:56، 9 أكتوبر 2024 (+01)

تكملة

وخا أصلاً كانكون داير ليها (== ==) ماكاتصدقش و كاتجي بحال يلا داير ليها (=== ===). سنوببي (مداكرة) 03:58، 9 أكتوبر 2024 (+01)

تصليح

سمحلي يا أخ @Ideophagous على التبرزيط، صافي صلحت المشكل كان ف فقرة ديال الطاكسونومي اللولى، و لي أترات على الفقرات لباقيين كاملين و خا ماعرفتش منين جا المشكل ب الضبط، واقيلا من التصغير ديال الواصفين د نوييعات لببر (<small>) و طرا شي مشكل. و لكن صافي منين حيدتهوم كلشي تقاد. سنوببي (مداكرة) 04:33، 9 أكتوبر 2024 (+01)

السمية

سلام @سنوببي. ماكانضنش بلي ف لمغريب كانسميو هاد لحيوان "ببر". يلا سوّلتي أي واحد غادي يڭول ليك سميتو "نمر"، وخا ف لعربية دايرين النمر هوّ داك لي مرقّط. Ideophagous (مداكرة) 22:23، 9 أكتوبر 2024 (+01)

السلام عليكم، أخ هذا كايتسمى غلط كيفاش تقدر تسمي نفس السمية ل جوج نواع منفاصلين، و هاد الغلط راه ماشي غير ف المغرب و صافي، و لكن حتى ف باقي الدول لي لهجاتهم عربيين. كاين فرق كبير بين الببر (tiger) و النمر (leopard) و الفهد (cheetah) ، أما يلا جينا نديرو سميات كيفما كانقولوهم راه غانسميو بن عرس، نمس و غانسميو النيص ضربان و إلخ. تاني حاجة خاي يلا كنا غانكتبو مقال موسوعي علمي ب الطاكسونوميا و غيرها، ف راه خص المصطلحات يكونو دقيقين، ب النسبة ليا يلا قلنا لببر نمر ف شنو غانقولو ل النمر. و يلا كان شي بديل بحال تيݣر و سمية خرى مرحبا. و حتى الناس خص يبداو يفرزو بين الببر و النمر حيت كايبان ليا غلط ماخاصوش يكون من الساس و شكراً. سنوببي (مداكرة) 00:36، 10 أكتوبر 2024 (+01)

و أنا معا التدريج و الاولية ل لكلمات الدارجة يلا كانو كاينين ف الڤوكاب و دقيقين و لكن ضد المغالطات الشايعين لي كايبدلو من المعنى و يقدرو يدوخو لي كايقرا، زيد حيوان الببر ماكاينش ف المغرب عليها ستوردنا هاد الكلمة من الفصحى أو الفارسية و حتى الفرنسية. و هادا ريي الشخصي. و شكراً مرة خرة خاي. سنوببي (مداكرة) 00:41، 10 أكتوبر 2024 (+01)

سلام @سنوببي، صافي نتا لي تعرف. غير غادي يكون مزيان يلا زدتي شي نويطة كاتهضر على السمية، و علاش "نمر" ماشي صحيحة، حيت 100% غادي يتساءلو ناس خرين على هاد النقطة. تقدر تشوف كيفاش تدارت نويطة لوغاوية ل كلمة "عولام" ف مقال وينستون تشورتشل. يلا كانت شي حاجة ماوضحاش ولّا مابانش ليك كيفاش كاتدار، سوّل ف أي وقت. الله يحفضك و تهلا! Ideophagous (مداكرة) 10:45، 11 أكتوبر 2024 (+01)

وخا خاي، غانزيد النويطة، و غانزيد ݣاع فقرة ديال أصل لكلمة و لكلمات لخرين ديال هاد النوع من لي نحضر المراجع. سنوببي (مداكرة) 19:34، 11 أكتوبر 2024 (+01)

ب خصوص التصاور

السلام عليكم @Ideophagous، عافاك كيفاش نقدر نحط جوج تصويرات كايبانو ف تصويرة وحدة (Crop). واش كايخصها شي موضيل ولا شنو؟ و شكرآ. سنوببي (مداكرة) 04:04، 13 أكتوبر 2024 (+01)

سلام @سنوببي. ماعرفتش تحديداً شنو بغيتي تدير، ولايني شوف متلاً هاد لموضيل: موضيل:بزاف د تصاور. و ها كيفاش كيبان متلاً ف مقال لإصلاحية د شوشانك. يلا ماجاكش هوّ هاداك، نشوفو شي حل خور. Ideophagous (مداكرة) 15:45، 13 أكتوبر 2024 (+01)

آه هي هاديك لي بغيت نعرفها. شكراً. سنوببي (مداكرة) 01:39، 14 أكتوبر 2024 (+01)

@Ideophagousجربت نفس الطريقة لي كاينة ف التصويرة د مقال "إصلاحية شوشانك"، غير هو التصويرة التحتانية ماشي ف نفس لقياس معا التصويرة لفوقانية. سنوببي (مداكرة) 02:02، 14 أكتوبر 2024 (+01)

سلام @سنوببي. حيت كانضن دوك جوج تصاور ماعندهمش نفس لعبار ف لأصل. جاوني هوما هادوك. Ideophagous (مداكرة) 07:38، 14 أكتوبر 2024 (+01)