متحف دار السي سعيد
متحف دار السي سعيد هوّ دار تقليدية و متحف كاين ف مراكش.[1][2] الدار كان بناها سعيد بن موسى لي كان وزير د لحرب ف لعهد ديال السلطان مولاي عبدلعزيز، و هوّ خو حمد بن موسى الشرقي (لمعروف ب بّا حماد) لي كان الصدر لأعضم ف ديك لوقيتة.
متحف دار السي سعيد
| ||
| ||
| معلومات عامة | ||
| نوع | متحف و قصر | |
| لبلاد | لمغريب | |
| لموضع | مراكش | |
| تاريخ د لبني | 1900 | |
| تحل فـ | 1932 | |
| تصنيف تراتي | جزء من مواقع التراث العالمي | |
لمعروضات د لمتحف جايين من النواحي د مراكش، زيادة على مناطق خرة بحال تانسيفت، سوس و لأطلس لكبير و الصغير و تافيلالت. كانلقاو فيها طروفا د الزواق ب لخشب، مجوهرات، فخار، سلاح تقليدي، منسوجات، و ملقيات أتارية بحال حوض د الرخام من لقرن 11.
تاريخ بدل
تّبنات دار السي سعيد ف شي وقت ف النص التاني ديال لقرن 19، و كانت دار فخمة ديال سعيد بن موسى لي كينحادر من فاميلة معروفة ف لمغريب و شادة مناصب عالية ف السلطة. ف 1930، ولّات لإدارة لعليا ديال التعليم لعمومي د لفنون الجميلة و لأتار هيّ لي مسؤولة على الدار، باش تدير فيها بيروات و متحف ديال لفنون لقديمة و ورشات ديال لحرافي التقليدية.
ف 1957، تقسّمات الدار بشكل رسمي ل جوج قسام. واحد مخصص ل ورشات لحرايفيا و الصنايعيا، و لاخور متحف ديال لحرافي التقليدية. ف نفس لوقت، كان الطرف الشرقي ديال الدار مدراسة بتيدائية لي بقات خدامة تال 1987. الطبقة لفوقانية د الدار كان فيها أول أنطير د الراديو ف مراكش.[3]
عيون لكلام بدل
- ^ "معلومات عن متحف دار السي سعيد على موقع museumnetwork.sothebys.com". museumnetwork.sothebys.com. مأرشيڤي من لأصل ف 2019-12-12.
- ^ "معلومات عن متحف دار السي سعيد على موقع idpc.ma". idpc.ma. مأرشيڤي من لأصل ف 2019-12-12.
- ^ دليل المتاحف - Guide des musées - Museums guide. لمؤسسة لوطنية د لمتاحف.
