لهوية لجندرية

لهوية لجندرية أو نوع لإجتماعي (بالإنجليزية: gender identity)، ف سوسيولوجيا كتوصف النوع لي شخص كايشوف بيه راسو. بزاف ديال الناس كايشوفو راسهم يا إما راجل أولا مرا، دري ولا بنت. ف لأغلبية ديال لحالات، لجندر لي كيوصفو بيه ناس روسهم هو نفسو لي وصفهوم بيه دكتور فاش يالاه تزادو. ولكن بنسبة لبعض ناس، فاش يالاه تولدو قالو ليهم نتوما لجندر ديالكم كدا ولكن من بعد ما كبرو حسو بلي هوما كاينتاميو لجندر اخر. هاد ناس كايتسماو متحولين جنسيا. بعض لمرات ناس خرين كايتسماو متحولين جنسيا فاش لأدوار لإجتماعية ديالهم، لي فرضها لمجتمع، ماكاتناسبش مع لجندر ديالهم،

هويات مشتركةعدل

أغلب ناس كايسحاب ليهم بلي كاينين غير جوج تصنيفات جندرية، ولي كاتسما تنائية جندرية، أي راجل ومرا. ولكن ف لعقود لأخيرة، ناس عرفو بلي ماكاينينش غير هاد جوج، وإنما كاينين تصنيفات خرا. ولي ساهم أكتر ف أن هاد لموضوع باش ياخد قيمة كبيرة ف لعالم هو ضهور ديال حركات مجتمع لميم، لي ساهمات عبر تعليم ونضال لحقوقي، ف أنها تبين للناس بلي كاينين بزاف ديال تصنيفات لجندرية لي لواحد يقدر ينتمي ليها.

تعبير جندريعدل

تعبير لجندري كاتعني كيفاش شخص كيلبس، كايبان، وكيتصرف، بطريقة لي تخلي ناس لخرين يعرفو لجندر ديالو. شخص لي كيلبس وكيتصرف بطريقة دكورية، يمكن نقولو عندو تعبير جندري دكوري. بينما شخص لي كيلبس وكيتصرف بحال أنتوية، نقدرو نقولو عندو تعبير جندري أنتوي. وهادشي راه مختالف على لهوية لجندرية، حيت ناس تقدر تختار كيفاش تبان ولا تصرف بطريقة معينة، واخا ماشي هادا هو لإحساس داخلي ديالهم.

تحول لجنسي و تغيير لجنسعدل

  • تحول لجنسي هو فاش تايكون لجندر لي تولدتي بيه ماشي هو لجندر لي كاتعتابر راسك منتامي ليه. ناس لي كايعيشو هاد لحالة عندهم بزاف ديال تجارب لي مختالفة على بعضياتها، واخا كاينين ناس لي دازو من نفس تجربة. متلا، كاينين ناس لي دازو من اضطراب لهوية لجندرية. لإنسان لمتحول جنسيا كايحس بعض لمرات بلي خاصو يدير عملية باش يحول لجنس ديالو، أولا ياحد هرمونات، أولا يديرهم بجوج.
  • لعبور لجنسي هو مصطلح كايستعملوه بعض ناس لمتحولين جنسيا بعد ما يديرو عملية تحول لجنسي. بعض ناس كايعتابرو هاد لمصطلح قديم وكيفضلو مصطلح متحول جنسيا كتعبير على لهوية لجندرية ديالهم.