لمنتخب لوطني لمغريبي د لكورة د لعيالات
لمنتخب لوطني لمغريبي د لكورة د لعيالات (ب لعربية منتخب المغرب لكرة القدم للسيدات) هيّا لفرقة لي كاتمتّل لمغريب ف لكورة د لعيالات على لمستوى دّولي ؤ كاتّسيّر من طاراف لجامعة لملكية لمغريبية د لكورة. أول ماتش لعبو لمونتاخاب د لعيالات كان ف 1998، ضد جنوب إفريقيا ف نّسخة تّالتة ديال كاس إفريقيا د لكورة د لعيالات، ؤ تسالا ب تّعادل 1-1. لمودريب لحالي ديال لفرقة هوّا خورخي بيلدا.[1]
لمنتخب لوطني لمغريبي د لكورة د لعيالات
| ||
| ||
| معلومات عامة | ||
| بلاد | لمغريب | |
| لقب د لمنتخب | لبؤات الأطلس | |
| سپور | كورة | |
| كلاص د التنافس | كورة د لعيالات | |
| تابع ل | لجامعة لملكية لمغريبية د لكورة | |
| كوض د فيفا | MAR | |
| لموقع الرسمي | https://www.frmf.ma/ | |
| معلومات إضافية | ||
| مشاركات | كاس إفريقيا د لعيالات 2022 و كاس لعالم د كورة د لعيالات 2023 | |
ف كاس إفريقيا د كورة د لعيالات 2022، وصل لمنتخب لمغريبي د لعيالات ل لفينال لمرة اللولة ف تاريخو و خسر قدام لمنتخب د جنوب إفريقيا.[2] و كان أول منتخب ف لمنطقة د شمال إفريقيا و الشرق لأوسط كيشارك ف كاس لعالم ف 2023. أول بيت ماركاه لمنتخب ف كاس لعالم كان ديال بتيسام جرايدي ضد لمنتخب ديال كوريا الجنوبية ف 30 يوليوز 2023، و هاد لماتش كان نيت أول رباح ل لمنتخب ف كاس لعالم،[3] بعدما كان خسر ضد ألمانيا ف لماتش اللول ديالو ب 6 ل 0.[4] لمنتخب زاد حقق إنجاز كبير ملي قدر يتأهل ل الدور التاني ديال كاس لعالم، بعدما غلب لمنتخب د كولومبيا ب 1 ل 0، و تعادلات ألمانيا معا كوريا الجنوبية، و بهادشي قصى ألمانيا لي كانت مرشحة باش تدي لكاس، وخا كان خسر قدامها.[5][6][7]
عيون لكلام بدل
- ^ "Jorge Vilda Takes the Helm: New Coach for Women's National Football Team". موروكو وورلد نيوز (ب نڭليزية). مأرشيڤي من لأصل ف 2023-10-13. تطّالع عليه ب تاريخ 2023-10-13.
- ^ "WAFCON 2022: SA crowned champions, record attendance; here are 5 tournament highlights". مأرشيڤي من لأصل ف 2023-07-30. تطّالع عليه ب تاريخ 2023-07-30.
- ^ "Morocco wins its first ever women's world cup match after 1-0 victory over South Korea". 2023-07-30. مأرشيڤي من لأصل ف 2 غشت 2023. تطّالع عليه ب تاريخ 2023-07-30.
- ^ "Alexandra Popp scored twice as Germany made a real statement of intent against the World Cup debutantes from North Africa". 2023-07-24. مأرشيڤي من لأصل ف 17 غشت 2023. تطّالع عليه ب تاريخ 2023-07-30.
- ^ "Morocco stun higher-ranked Korea in historic upset". CAF (ب نڭليزية). 2023-07-30. مأرشيڤي من لأصل ف 30 يوليوز 2023. تطّالع عليه ب تاريخ 2023-07-30.
- ^ "Morocco make history, reach Women's World Cup knockout stage". CAF (ب نڭليزية). 2023-03-08. مأرشيڤي من لأصل ف 3 غشت 2023. تطّالع عليه ب تاريخ 2023-08-03.
- ^ "Historic: Morocco's Women football team qualify for Round of 16 after beating Colombia 1-0". HESPRESS English - Morocco News (ب نڭليزية). 2023-08-03. مأرشيڤي من لأصل ف 3 غشت 2023. تطّالع عليه ب تاريخ 2023-08-03.
 هادي زريعة ديال مقالة خاصها تّوسع. تقدر تشارك ف لكتبة ديالها. |