لمداكرة د ويكيپيديا:لحكام د لمحتوى - لواساخ

سلام أ دّراري @Anass Sedrati و Reda benkhadra:. كيما قتارح أناس غادي يخص نّاقشو لكريطيريات باش يتّقبل ؤلا يتّرفض لواساخ، ؤ لپروصي مورا داكشي (متلاً يلا شي حد ماعجبوش لقرار ؤ بغا يعاود يحل لمداكرة على لواساخ). ب نّسبة ل لكريطيريات كانقتارح باش يتّقبل لمقال يلا:

1. توفرو فيه شروط لملحوضية
2. مكتوب ب أسلوب مزيان ؤ مفهوم
3. كيكوڤري لموضوع ديالو بشكل كافي
   • يلا كان فيه قل من 500 كلمة خاص جوج كتاتبيا يقبلو لمقال
   • يلا كان فيه كتر من 500 كلمة كتاتبي واحد كافي

يلا بانو ليكوم أفكار ؤلا قتيراحات خرين، مرحبا. --Ideophagous (نقاش) 10:30، 22 فبراير 2022 (+01)

سلام خاي @Ideophagous: شكرا بزاف علا هادشي لي درتي ف تخدام د لواساخ ؤ لمقالات لبوتية. عندي جوج مولاحضات : واش ممكن لبوط يبقا يزيد ليانات داخلانية (سوا ب زرق ولا حمر) بحال دابا لبلايص ولا لأحزاب حيت شفت بلي كيخرج غير طيكسط؟ من جيهة تانية، واش نديرو ف لحكام بلي لواساخ خصو يكون فيه عيون لكلام ؟ Reda benkhadra (نقاش) 14:58، 22 فبراير 2022 (+01)

سلام خاي رضا. إيه، راه كاينين حالات زاد فيهوم لّيانات، حتا ب لحمر، بحال ف هادا. دابا حيت لبوت خدا داكشي من لفيشي إيكسيل، خليت داكشي ف بزاف لحالات كيما هوّا مكتوب تماك، ولاكين ملي نديرو لحركة جّاية ب ليعتيماد على ويكيداطا بشكل كامل، غادي نديرو باش يزيد لّيانات د مقالات، سوا لي كاينين ؤلا لي ماكاينينش. من جيهت لحكام، متافق معاك بلي علّاقل عين وحدة ضارورية، ؤ تصويرة حتا هيّا يلا ماكانتش غادي تطلع نيشان ف صندوق لمعلومات ؤ كانت متوفرة.--Ideophagous (نقاش) 15:16، 22 فبراير 2022 (+01)

سلام أ دّراري @Anass Sedrati و Reda benkhadra:. راني قادّيت لحكام. راجعوهوم عافاكوم. --Ideophagous (نقاش) 18:31، 23 فبراير 2022 (+01)

سلام خاي @Ideophagous: هاد لحكام جاوني هوما هادوك، كيجاوبو علاش كيفاش غادي نتعاملو معا لواساخ ؤ تخدام ديالو. واحد نقطة لي بانتلي واقيلا خص نفكرو فيها مزيان هي كيفاش لواحد غادي يحط طلب ديالو باش نراجعو لواساخ لي خدم واش غير ب زيادة د شي تصنيف ولا كاين شي پروصي ولا طلب خصو يتدار؟ Reda benkhadra (نقاش) 10:47، 24 فبراير 2022 (+01)

خاصو يزيد غير طّاڭ ديال موضيل:واساخ خاصو يتراجع، راه كافي كانضن، حيت لقالب نيشان كيزيد تصنيف:واساخ خاصو يتراجع.--Ideophagous (نقاش) 10:49، 24 فبراير 2022 (+01)

واخا. غادي نمشي نزيد نشرح هاد لقضية ف لفقرة د طّاڭات باش تكون باينة كتر. Reda benkhadra (نقاش) 10:51، 24 فبراير 2022 (+01)

500 كلمة جاتني يمكن شوية قاسحة، حيت بزاف د لمقالات لي كيدوزو نيشان كانضن ماكيكونش فيهوم كتر من 200 كلمة. شنو بان ليكوم نردّوها 250 كلمة باش تجي نيت بحال لكريطير ديال مقالة زرّيعة؟ --Ideophagous (نقاش) 12:08، 27 فبراير 2022 (+01)