لمداكرة د لخدايمي:DarijaBot/عطاشة 1:زيادة ب جملة/أرشيڤ 1

نّهارات د شّهورا

سلام أ دّراري @Reda benkhadra, Anass Sedrati, سمير تامر, OussamaOuh, AyourAchtouk, و Mohamed.mdb:. بغيت نقاد عطاشة د زّيادة ب جّملة ديال نّهارات د شّهورا (متلا 5 أبريل، 7 ماي...) حيت أغلبية ديالهوم ماتزادوش ؤ غادي غير يسخسخونا ف زّيادة، ؤ زايدون ساهلين ف لخدمة ب نّسبة ل لبوت. ف نفس لوقت كانضن غادي يجي مزيان باش نزيدو مجموعة د لقوالب بحال "قالب: ناس تزادو ف 12 أبريل" ؤلا "قالب:ناس توفاو ف 17 ماي" ؤلا "قالب:أحدات طراو ف 23 دجنبر". يلا عندكوم قتيراحات د قوالب خرين، مرحبا. لفيكرة هيا لبوت يقدر يقاد لپاجات ديال هاد لقوالب بشكل ؤطوماتيكي (غادي يكونو خاويين ف لبدية)، ؤ يزيد ريفيرونس ديالهوم ف كولا پاج مناسبة ديال نّهار د شّهر (شوفو ميتال ف 10 دجنبر)، ؤ هاكا غادي يبانو دوك لأحدات نيشان ف لپاج لمناسبة، ؤ غادي يخصنا غير نعمرو لّيستة ب ليد ف لپاج د لقالب. تّيكست لي غادي يتزاد غادي يكون هاكا بشكل عام:

{{التقويم المعدل|شهر=نمرة_د_شهر}}

'''نمرة_د_نهار سمية_د_شهر''' ؤلا '''نهار نمرة_د_نهار شهر نمرة_د_شهر'''

{{Commons category|نمرة_د_نهار سمية_د_شهر_ب_نڭليزية}}

== ناس تزادو ==

{{ناس تزادو ف نمرة_د_شهر سمية_د_شهر}}

== ناس توفاو ==

{{ناس توفاو ف نمرة_د_شهر سمية_د_شهر}}

== أحدات طراو ==

{{أحدات طراو ف نمرة_د_شهر سمية_د_شهر}}

== عيون لكلام ==

{{عيون}}

[[تصنيف:سمية_د_شهر]]

{{زريعة}}

{{ضبط مخازني}}

-- Ideophagous (نقاش) 11:17، 31 يوليوز 2021 (+01)

معا شكرا ليك @Ideophagous: لفيكرة مزيانة. غير لجملة اللولة ديال '''نمرة_د_نهار سمية_د_شهر''' ؤلا '''نهار نمرة_د_نهار شهر نمرة_د_شهر''' ياريت تكون '''نمرة_د_نهار سمية_د_شهر''' ؤلا '''نهار نمرة_د_نهار شهر نمرة_د_شهر''' هو النهار رقم ترتيب_النهار_فلعام من التقويم لميلادي (ترتيب_النهار_فلعام_لمكبّس إلا كان لعام مكبّس). غير ترتيب النهار لمكبس خاص يكون فليام من 29 فبراير ونتا غادي. ولقالب ديال {{زريعة}} و{{ضبط مخازني}} يجيو قبل من التصنيف. من غير هادشي كولشي مزيان.--سمير تامر (نقاش) 11:26، 31 يوليوز 2021 (+01)

هادي فيكرة موعتابارة، غادي نزيدها. حاجة خرة، هيّا نقدر نزيد سّمية إضافية د شّهر يلا كانت عندو (متلا ديسمبر ب نّسبة ل دجنبر، كتوبر ب نّسبة ل أكتوبر...). يلا كانو سميات خرين (متلا ب لعربية ؤلا كتابة مختالفة بحال دوجنبير) غادي نزيدهوم غير كا تحويلات، مي هادي نقدر نديرها بوحدها ف عطاشة ديال زّيادة د تّحويلات. -- Ideophagous (نقاش) 13:51، 31 يوليوز 2021 (+01)

صافي اللي بان ليك خويا @Ideophagous: بالتوفيق فلعطاشة (: --سمير تامر (نقاش) 14:44، 31 يوليوز 2021 (+01)

معا السلام عليكم السي منير. تانا متافق حيت ليامات كتار و تيبقاو ديما ناقصين شي وحدين. أنا معا تا نزيدو لقضية ديال لولادة و لموت. حاجة وحدا هي لكلمة ديال "أحداث"، فنظري نكتبو "حوايج وقعو/طراو"، حيت لكلمة ديال أحداث بعيدة على الدارجة. شنو بانليكم؟ -- Anass Sedrati (نقاش) 14:16، 31 يوليوز 2021 (+01)

ف هاد لحالة ب تّحديد ماشي موشكيل، ولاكين ب شكل عام غادي تخصنا كلمة لي كاتقابل "حدث" ديال لعربية، حيت كلمة "حاجة" عندها بزاف د لمعاني. كانقتارح "واقْعة" (جمع "وقايع")، حيت لفيعل "وقع" مستعمل بزاف ف دّاريجة. ؤلا موراديف أخور "طارية" (جمع "طاريات")، من "طرا"، غير ف هاد لحالة غادي تجي معاودة "طاريات طراو" ضونك "وقايع طراو" ؤلا "حوايج طراو" غادي تكون حسن. -- Ideophagous (نقاش) 14:23، 31 يوليوز 2021 (+01)

متافق معا هاد لفيكرة؛ غير هو عندي شي مولاحضات لي يقدرو يعاونو باش نقادو هاد لخدمة د لبوط:

1. تبدال د "أحدات طراو" ب "حوايج وقعو" (بحال هنا)
2. تبدال د {{ضبط مخازني}} ب {{قالب:شهورا}}
3. لقوالب تحت من لفقرات كيبانو لي غير زايدين. يقدر لبوط يدير زيادات/تبديلات نيشان ف لارتيكل.
4. لبوط يقدر يجينيري زيادات من ويكيداطا نيشان. متالان:
   • '''X''' (تاريخ زدياد من P569): Y (سمية د بنادم من Label ARY)، Z (لحرفة من P106) W (لجنسية من P27)
   • '''X''' (تاريخ باش توفا من P570): Y (سمية د بنادم من Label ARY)، Z (لحرفة من P106) W (لجنسية من P27)
5. باش مانعاودوش لخدمة د ليد بزاف لمرات، نقدرو نطرجمو label لي مازال ماكاينيش ب داريجة ف ويكيداطا ؤ نعطيو ل بوط ولا حنا نزيدهوم v توول د quickstatements
6. كيبانلي بلي خصا نديرو أولويات ف سميات لي غادي يزيد لبوط، حيت يلا جينيرا كلشي من ويكيداطا غادي يطلعو ڭاع ناس د لعالام لي مزيودين/توفاو ف داك تاريخ ماغاديش نساليو ؤ غادي تولي روينا؛ دونك حسن نبداو ب لمغاربة ؤ موراها ندوزو ل ناس لي عندهوم مقالات ف ويكيپيديا ب داريجة ؤ عاد ندوزو ل ناس لخرين لي معروفين.

--Reda benkhadra (نقاش) 15:08، 31 يوليوز 2021 (+01)

سلام خاي @Reda benkhadra:. شكرا علا لقتيراحات ديالك. ب نّسبة ل زّيادة نيشان ف لارتيكل، كانضن غادي تعقد لعطاشة بزاف، ف لوقت لي نقدرو نقسموها ل 3 د لعطاشي بشكل تدريجي ؤ محكوم: وحدة كاتّكلف ب زّيادة ؤ تّحديت ديال لپاجات د نّهارات (هادي)، ؤ جوج كيزيدو كولا وحدة منهوم لمعلومات من ويكيداطا علا تّوارخ د زّيادات ؤ لوفيات د نّاس. هاد زّيادة حسن تكون ف پاج منفاصلة، داكشي علاش قتارحت تّخدام د لقوالب، لي نقدرو نعاودو نستعملوهوم ف أي بلاصة خرة حتاجينا ليهوم. متلا ف لپاج ديال دجنبر، نقدرو نزيدو لقوالب ديال زّيادات ؤ لوفيات ؤ ديال لأحدات ديال كولا نهار بلا مانعاودو نكتبو داكشي مرة خرة.

ب نّسبة ل لّابيل ب دّاريجة ف ويكيداطا ديال شي شخص متلا، راه كانضن هوا نيت لعنوان د لارتيكل علا داك شّخص ف ويكيپيديا ب دّاريجة. ضونك لي خاص هوا يتزادو مقالات علا لأشخاص عندنا ف ويكيپيديا. كانضن لي نقدرو نديرو هوّا نخليو لبوت يدير أپدييت ل لقوالب ديال زيادة ؤ لوفيات كولا 3 شهور ؤلا بحال هاكا علا حساب شنو تزاد عندنا.

داكشي لاخور لي قتارحتي غادي نطبقو -- Ideophagous (نقاش) 16:24، 31 يوليوز 2021 (+01)

ميتال باش توضاح لقضية د لقوالب: ف لپاج ديال 10 دجنبر ستعملت موضيل:ناس توفاو ف 10 دجنبر. لّيستة د لوفيات ف 10 دجنبر غادي تزاد غير ف لقالب، مي غادي تبان نيشان ف لپاج ديال 10 دجنبر. -- Ideophagous (نقاش) 16:41، 31 يوليوز 2021 (+01)

سلام أ دّراري. يلا ماكانش عتيراض غادي نبدا لخدمة علا لعطاشة ؤ نلونصيها. ها لكوض د لپاج كي غادي يكون:

{{التقويم المعدل|شهر=نمرة_د_شهر}}

'''نمرة_د_نهار سمية_د_شهر''' ؤلا '''نهار نمرة_د_نهار شهر نمرة_د_شهر''' هوّا نّهار نمرة ترتيب_النهار_فلعام من تّقويم لميلادي (ترتيب_النهار_فلعام_لمكبّس يلا كان لعام مكبّس).

{{Commons category|نمرة_د_نهار سمية_د_شهر_ب_نڭليزية}}

== ناس تزادو ==

{{ناس تزادو ف نمرة_د_شهر سمية_د_شهر}}

== ناس توفاو ==

{{ناس توفاو ف نمرة_د_شهر سمية_د_شهر}}

== حوايج وقعو ==

{{حوايج وقعو ف نمرة_د_شهر سمية_د_شهر}}

== عيون لكلام ==

{{عيون}}

{{زريعة}}

{{ضبط مخازني}}

{{شهورا}}

[[تصنيف:سمية_د_شهر]]

-- Ideophagous (نقاش) 19:25، 2 غشت 2021 (+01)

شكرا بزاف @Ideophagous: علا جواب ديالك دابا عاد توضحات لي هاد لعطاشة، حيت سحابلي بلي لبوط غادي يتكلف ف لول ب زيادات د لمحتوا حتا هوما..دونك ماحد مازال مابدات لخدمة د زيادات، تقدر توكل ع الله ؤ تلونصي هاد لعطاشة باش يوجد ڭاع لمقالات ؤ موراها نقدرو نتافقو علا كيفاش غادي يدارو دوك زيادات. شكرا ليك بزاف --Reda benkhadra (نقاش) 21:28، 2 غشت 2021 (+01)

تصحيح ديال لكوض. كاينين ديجا لقوالب ديال "بحال هاد نهار/"، غادي نخدمهوم بلاصت "حوايج وقعو":

{{التقويم المعدل|شهر=نمرة_د_شهر}}

'''نمرة_د_نهار سمية_د_شهر''' ؤلا '''نهار نمرة_د_نهار شهر نمرة_د_شهر''' هوّا نّهار نمرة ترتيب_النهار_فلعام من تّقويم لميلادي (ترتيب_النهار_فلعام_لمكبّس يلا كان لعام مكبّس).

{{Commons category|نمرة_د_نهار سمية_د_شهر_ب_نڭليزية}}

== ناس تزادو ==

{{ناس تزادو ف نمرة_د_نهار سمية_د_شهر}}

== ناس توفاو ==

{{ناس توفاو ف نمرة_د_نهار سمية_د_شهر}}

== حوايج وقعو ==

{{بحال هاد نهار/نمرة_د_نهار سمية_د_شهر}}

== عيون لكلام ==

{{عيون}}

{{زريعة}}

{{ضبط مخازني}}

{{شهورا}}

[[تصنيف:سمية_د_شهر]]

-- Ideophagous (نقاش) 13:25، 5 غشت 2021 (+01)

سلام خاي @Ideophagous: كانضن خصنا نفرقو بين "بحال هاد نهار/" ؤ "حوايج وقعو". داك لقالب لولاني خاص غير ب صفحة لولا ؤ كيكون قصير (زعما كانختارو توارخ لي بغينا نبينو ؤ/ولا كيكون ديجا عندهوم مقالات كاينين باش نزيدو طرافيك)، أما لاخور كيجبد ڭاع لحوايج لي وقعو داك نهار ؤ كيكلاسيهوم علا حساب لقرون. --Reda benkhadra (نقاش) 14:25، 5 غشت 2021 (+01)

سلام خاي @Reda benkhadra:. صافي فهمت، ضونك نخدم ب قالب "حوايج وقعو ف". -- Ideophagous (نقاش) 14:32، 5 غشت 2021 (+01)

سلام أ دّراري @Reda benkhadra, Anass Sedrati, سمير تامر, و OussamaOuh:. لعطاشة كملات. يلا بانت ليكوم شي حاجة مامقاداش مزيان، علموني باش نشوف كيف نقادها. يلا كانو عندكوم أفكار بحال هادو ديال زّيادة ب جّملة، لي يسهلو علينا لخدمة، عافاكوم قتارحوهوم. عطاشات جايين عندهوم علاقة ب هادي: 1/ تّعمار ديال لقوالب د تّوارخ، 2/ زّيادة د تحويلات ل لپاجات لي عاد تقادو. -- Ideophagous (نقاش) 19:48، 5 غشت 2021 (+01)

تبارك الله عليك خويا @Ideophagous: هادي هي لخدمة لموعتابرة. أجي واش ماشي خاصها تكتب شهورة ماشي شهورا؟ حيتاش على حساب ماكاين هنا لكلمات كايتكتبو بالتا مربوطة من غير إلا كانو ݣاوريين؟ ماعرفتش غير بشهورا جاتني شوية ماشي هي هديك. لمهيم تحياتي ليك وشكرا ليك بزاف على لخدمة لواعرة اللي درتي.--سمير تامر (نقاش) 22:08، 5 غشت 2021 (+01)

سلام خاي @سمير تامر:. شكرا أ خاي. ب نّسبة ل ا ؤلا ة، كنا واحد لمرة ناقشنا لقاعيدة د لكتبة د لجمع لي كيتسالا ب صّوت ا، ؤ ڭلنا بلي غادي نكتبوه ب حرف ا، باش مايتخالطش معا صّيغة نّتوية ف شي حالات (بحال ڭزّارة = مرا خدامة ف تاڭزارت، ؤ ڭزارا = جمع ڭزار). ؤ زايدون باش تبقا تّا مربوطة علامة د تأنيت. -- Ideophagous (نقاش) 22:53، 5 غشت 2021 (+01)

هاكّاك دابا فهمت. واينّي شهر ماعندوش صيغة نتوية، هادشي لاش ݣلت نخلّيوها بالتا مربوطة (شهورة)، لو كانت بحال ݣزارة إييه جات معاها ݣزارا زعما لجمع، واينّي شهر ماعندوش مؤنات باش نديرو ليه صيغة جمعية تفرّق، فهمتي؟ حتّى من الناحية لجمالية... ماعرفتش، لموهيم مرّة خرة كانهنأك على لخدمة اللي درتي. ليلة مبروكة --سمير تامر (نقاش) 23:01، 5 غشت 2021 (+01)

كاينة، ولاكين يلا درنا قاعيدة حسن نطبقوها علا جميع لحالات، سينو بنادم غادي يخصو يعقل فوقاش يكتب ب تا مربوطة ؤ فوقاش يخدّم لّيف. أصلان غادي يكون حسن يلا حيدنا تّا مربوطة ف مرة، ؤ هادشي لي كيديرو بزاف د نّاس، مي ف نفس لوقت عندها فوايد ف شي حالات، داكشي علاش حسن تبقا غير ف دوك لحالات. لموهيم، نقدرو نعاودو نّاقشو هادشي ف ميزان لكلام، ؤ نخرجو ب شي قاعيدة عامة. -- Ideophagous (نقاش) 23:40، 5 غشت 2021 (+01)

لقاعيدة غاتكون باينة: التا مربوطة فݣاع لحالات من غير: لجمع ديال كلمة لمؤنت ديالها كايسالي بالتا مربوطة، ولكلمات لݣاورية (بيولوجيا، ألمانيا، الشينوا). أنا هكدا باش كانخدم وكاتبان ليا قاعدة ساهلة. كايبان ليا تيكست كاملو كايسالي بالالفات بحال لغرس ديال قصب السكر. لموهيم فوقاش مّا يغيتو نعاودو نناقشو هاد لقواعد. ليلة مبروكة (: --سمير تامر (نقاش) 00:12، 6 غشت 2021 (+01)