لمداكرة د تصنيف:مدون قدام د لمغريب

Untitled

السلام السي منير. شفتك درتي هاد التصنيف وقلت يمكن يكون تيدوّخ. حيت كاين مقالات تا على لمدون لقدام (لجمع د مدينة قديمة) بحال هادي. يمكن هادوك هوما اللي خاص نديروهوم هنا، و هادوك بحال وليلي نديرولهم تصنيف سميتو: مدون مابقاوش و لا مدون مابقاتش مسكونة. شنو بانليك؟ -- Anass Sedrati (نقاش) 07:22، 6 ماي 2021 (+00)

سلام خاي @Anass Sedrati:. وي لقيتيني كنفكر شنو غادي نديرو ب نّسبة ل لمدون لّي قدام بزاف بحال كازا (أنفا) ؤلا طنجة ؤ باقين مسكونين. كنضن [تصنيف:مدون مغربية أترية] تجي مزيانة. شنو بان ليك؟ --Ideophagous (نقاش) 10:15، 06 ماي 2021 (+02)

@Ideophagous: أنا متافق. نديرو مدن أترية لهادو اللي مابقاوش مسكونين، و هادوك لمدون لقدام اللي كاينين تال دابا (ماشي لمدينة كاملة، غي لمدينة لقديمة) نديروهوم ف هذا، بحال لمقالة د لمدينة لقديمة ديال مراكش و لا د فاس. -- Anass Sedrati (نقاش) 10:20، 6 ماي 2021 (+00)

صافي @Anass Sedrati:. قاديت تّصنيفات. --Ideophagous (نقاش) 13:05، 06 ماي 2021 (+02)

سلام @Ideophagous و Anass Sedrati: صراحة مازال كاتبان ليا لقضية مرونة شوية. تصنيف:مدون قدام د لمغريب كانعنيو بيه Medinas in Morocco يعني تصنيف لي تحت منو تصنيف:مدون قدام خصو يكون كيعني Medinas ماشي Ancient cities لي كيشير ل داكشي ديال l'antiquité؛ ف نفس لوقت كاين تصنيف:مدون مغربية أترية لي هوما بلايص أركيولوجية ف لمغريب ؤ كيجي تحت منهوم (ف شكل؟) تصنيف:مدون د لمغريب.

لي كانقتارح هو نديرو شي حاجة بحال هاكا:

• مدون قدام د لمغريب -> مدون قدام د شمال إفريقيا -> هنداسة ولا لبني
• بلايص أركيولوجية ف لمغريب -> بلايص أركيولوجية علا حساب لبلاد -> أركيولوجيا
• مدون د تاريخ لقديم -> تاريخ لقديم

علاه تكون بانت شوية تصويرة ليكم أ دراري. شوفو شنو باليكم ف هادشي باش ف لخر يكون عنا تنضيم موسوعي. --Reda benkhadra (نقاش) 12:28، 6 ماي 2021 (+00)

سلام @Reda benkhadra:. لا غير أنا لّي نسيت ماحوّلتش رّبط ل تّصنيف د مدون أترية. متافق معاك ف تّراتبية د تّصنيفات، من غير نزيدو تصنيف ديال مدون أترية تحت من بلايص أركيولوجية، حيت هيّا حالة خاصة ديال لبلايص لّي ف نفس لوقت كانو مدون، مقابل بلايص ماكانوش مدون، بحال كوطّا حدا طنجة. ضونك داكشي لّي درتي زيد عليه غير هادي:

*مدون مغربية أترية -> بلايص أركيولوجية ف لمغريب -> بلايص أركيولوجية علا حساب لبلاد -> أركيولوجيا

ب طبيعة لحال كاينين تصنيفات خرة فوقية (فوقتصنيفات) لّي خاصها تزاد ف جميع لحالات بحال ديال تّاريخ. --Ideophagous (نقاش) 15:50، 06 ماي 2021 (+02)